2015年6月30日 星期二

煎釀三寶 + 蕃茄薯仔三文魚骨湯




袁生話最近出街天氣如蒸籠一樣 , 熱到差不多溶掉

叫袁太晚餐簡簡單單就可以

但點先唯之簡單 ??? 煮麵定煮湯河好 ......



去街市買餸經過小食店

剛剛出爐的煎釀三寶熱辣辣 , 好似向我招手叫我買它回去

但不幸地我平時唔多會買



雖然香噴噴係好吸引 , 但眼見油淋淋

而且出街買的多數茄子還茄子 , 青椒還青椒

根本搵唔到塊魚肉係邊樹

所以每當想食的話 , 都會自家製多



自家製可以用少油煎 , 而且釀什麼材料都可以

有人喜愛煎好後再拌入獻汁煮滾

但我就喜愛簡簡單單淋上甜豉油

今次用了最簡單而且袁生最愛的茄子 , 青椒同豆卜做材料



來個超簡單而美味的煎釀三寶做晚餐

又知袁生愛飲三文魚骨湯

去急凍店買了一包回家 , 再加上蕃茄薯仔煮個湯

晚餐有湯有三寶 , 應該符合袁生所要求的簡單晚餐呢 ^^



材料 : 紫茄子 , 青椒 , 豆卜 , 鯪魚肉



鯪魚肉放入大碗中加入少許胡椒粉 , 麻油拌勻醃30分鐘 , 青椒去籽切條 , 豆卜放入水中煮5分鐘後待涼切半 , 紫茄子洗淨切件 








茄子沾上生粉後將魚肉釀入 , 青椒同豆卜不需要沾生粉直接釀入魚肉就可





   
燒紅鑊 , 放入三寶 (先煎魚肉個邊) , 用中火慢慢煎至兩面金黃色 , 盛起放上碟再淋上甜豉油即可










材料
紫茄子1條 , 青椒2個 , 豆卜8粒 , 鯪魚肉半斤



做法
1. 鯪魚肉放入大碗中加入少許胡椒粉 , 麻油拌勻醃30分鐘

2. 青椒去籽切條 , 豆卜放入水中煮5分鐘後待涼切半

3. 紫茄子洗淨切件 

4. 茄子沾上生粉後將魚肉釀入 , 青椒同豆卜不需要沾生粉直接釀入魚肉就可

5. 燒紅鑊 , 放入三寶 (先煎魚肉個邊) , 用中火慢慢煎至兩面金黃色

6. 盛起放上碟再淋上甜豉油即可




咁好味的煎釀三寶絕對係香港的地道小食呢 ^^





蕃茄薯仔三文魚骨湯方面 : 材料有蕃茄4個 , 薯仔2個 , 三文魚骨1包 , 薑片


  

做法將三文魚骨洗淨抹乾水份後加入少許鹽及胡椒粉醃30分鐘 , 蕃茄洗淨切件 , 薯仔去皮切件 , 煲內加少許油燒熱 , 放入蕃茄炒出茄油 , 再加入薯仔拌勻 , 加入適量熱水用中火煲30分鐘 , 期間燒紅鑊 , 爆香薑片後放入三文魚骨煎至兩面金黃 , 加入之前煲滾的蕃茄薯仔湯 , 用中火煲30分鐘後轉慢火煲1小時 , 最後加少許鹽調味即可



20 則留言:

  1. 呢個湯係無敵!最中意飲!!呢排真係好鬼熱!

    回覆刪除
    回覆
    1. 蕃茄薯仔配搭什麼材料煲湯都好好味呢 , 熱到落樓下都溶咁滯

      刪除
  2. 我曾經係街買過三寶 , 青椒裡面根本冇魚肉 , 純粹青椒一件 , 三文魚骨湯我都經常煲來飲 , 配蕃茄薯仔一流夠飽肚

    回覆刪除
  3. 我度都熱,35度冇冷氣。。。

    回覆刪除
  4. 我同袁太一樣,想食就會自家製,一般會釀涼瓜,紅腸同茄子

    回覆刪除
  5. 天氣咁熱我都唔多想煮~
    我媽媽以前都成日整三寶做餸比我地食架...

    回覆刪除
    回覆
    1. 天氣熱廚房簡直變左桑拿室一樣 , 熱到透唔到氣

      刪除
  6. 天氣熱真係冇咩胃口,簡單三寶配三文魚骨湯都唔錯

    回覆刪除
  7. 三寶同三文魚骨湯我都鐘意,不過反而我老公就唔喜歡飲魚湯,怕腥

    回覆刪除
    回覆
    1. 袁生都怕腥架 , 如果用三文魚頭煲佢就唔飲 , 三文魚骨佢就飲

      刪除
  8. 兩樣我都鐘意, 以前有間賣豆腐既小店, 用豆腐做三寶都好好食架. ^^

    回覆刪除
    回覆
    1. 釀豆腐都好好味 , 不過夏天唔敢用豆腐釀 , 以前試過釀完再煎已經變壞了

      刪除
  9. 簡簡單單已經係好味的一餐~ 天氣熱除了想留喺屋企, 煮食簡單啲都冇咁辛苦~~

    回覆刪除
    回覆
    1. 以往假日都會出外走走 , 但呢幾個星期都選擇留在家 , 出街好辛苦

      刪除