2016年11月14日 星期一

菜膽雲吞雞




突然間好想食雲吞雞 , 雲吞雞我同袁生都鐘意食 , 有時會去下酒樓或者快餐店食 , 不過料就少少 , 湯就多多 , 而且湯的味道飲得出只係用雞湯煮 , 好鬼重味精喎 , 如果在家自製 , 我會鐘意加冬菇同紅棗 , 再用原隻雞去煮個雞湯 , 味道一定夠濃郁 ......



起初想自己包雲吞 , 唔係 , 應該係話想叫袁生幫我包雲吞 , 因為我只係曉包水餃 , 雲吞我完全唔曉包 , 次次都係麻煩袁生既 , 只不過袁生呢幾日好鬼忙 , 完全唔得閒應酬我 , 所以就去街市買左一打現成雲吞回家 , 呢間雲吞我試過都唔錯架 , 不過整雲吞雞都要用上幾粒鐘時間 , 首先要將隻雞加鹽加酒醃1小時 , 再放入滾水中煮至雞皮轉色先可以放入煲 , 再加其他材料煲佢粒半鐘成濃雞湯 



再加入小棠菜 , 無糖豆漿同雲吞煮滾 , 覺得唔夠味的可以加少許鹽調味 , 咁就食得喇 , 煮好之後又覺得欠缺左d野 , 就係我至愛的烏冬呀 , 拿拿臨走左去街市買包回來煮散 , 放入大碗內 , 再淋上雞湯及其他材料 , 頂 , 真係好鬼滿足又好味 , 下次仲可以配白飯 , 做成雲吞雞湯飯 , 諗起都流晒口水呢 ^^



材料 : 雞 , 冬菇 (預先浸軟) , 紅棗 , 無糖豆漿 , 小棠菜 , 雲吞 , 鹽 , 酒 , 胡椒粉 , 薑




將雞去頭去尾 , 雞腳剪開 , 沖洗乾淨雞的內裡部份 , 放入器皿內加少許鹽及酒拌勻 , 蓋上保鮮紙靜待1小時









小棠菜加少許鹽浸過面10分鐘 , 盛起切半 , 紅棗去核 , 薑去皮切絲 , 小棠菜用水沖洗乾淨及瀝乾 , 冬菇剪去尾去掉 (冬菇蒂留用 , 較大隻的冬菇可切半)  









  
  
1小時後將雞放入熱水中用中火煮至兩面轉色 , 盛起放入煲 , 逐一加入冬菇 , 冬菇蒂 , 紅棗 , 薑絲及適量水 , 滾後用中火先煲15分鐘 , 再蓋上蓋轉慢火煲1 1/2小時

















期間將雲吞放入水中煮至熟透 , 雞湯煲 1 1/2小時後加入小棠菜 , 雲吞 , 少許鹽 , 胡椒粉調味及無糖豆漿拌勻 , 轉用中火滾多3分鐘 , 食時將雞剪開即可

















材料 
雞1隻 , 冬菇 (預先浸軟) 8朵 , 紅棗6粒 , 無糖豆漿250ml , 小棠菜1/2斤 , 雲吞8粒 , 鹽 , 酒 , 胡椒粉 , 薑



做法
1. 將雞去頭去尾 , 雞腳剪開 , 沖洗乾淨雞的內裡部份

2. 放入器皿內加少許鹽及酒拌勻 , 蓋上保鮮紙靜待1小時

3. 小棠菜加少許鹽浸過面10分鐘 , 盛起切半 , 紅棗去核 , 薑去皮切絲

4. 小棠菜用水沖洗乾淨及瀝乾 , 冬菇剪去尾去掉 (冬菇蒂留用 , 較大隻的冬菇可切半)  

5. 1小時後將雞放入熱水中用中火煮至兩面轉色

6. 盛起放入煲 , 逐一加入冬菇 , 冬菇蒂 , 紅棗 , 薑絲及適量水

7. 滾後用中火先煲15分鐘 , 再蓋上蓋轉慢火煲1 1/2小時 

8. 期間將雲吞放入水中煮至熟透

9. 雞湯煲 1 1/2小時後加入小棠菜 , 雲吞 , 少許鹽 , 胡椒粉調味及無糖豆漿拌勻

10. 轉用中火滾多3分鐘 , 食時將雞剪開即可
 



超足料的菜膽雲吞雞 , 加個烏冬或者白飯拌湯食仲一流呢 ^^



24 則留言:

  1. 夠足料好味道

    回覆刪除
  2. 食得曬嘛,不如我來幫口啦😋

    回覆刪除
    回覆
    1. 其實個日食唔晒架,總知加多雙筷俾EE呢

      刪除
  3. 睇左食譜,即係隻雞先用鹹醃,然後出水,再用新水來煲一個半鐘?

    回覆刪除
  4. 唔好講咁多,整碗大嘅俾我食先,好肚餓呀!

    回覆刪除
  5. 足料酊完全淹沒左d湯!haha

    回覆刪除
    回覆
    1. 係呀,袁生都話d料多到飲唔到湯呀

      刪除
  6. 冇晒雞冇晒雲吞冇所謂架,淨湯我都要呀

    回覆刪除
  7. 夠足料,袁生又有好野食

    回覆刪除
    回覆
    1. 佢有得食就算,唔會理係咪好野

      刪除