2016年12月2日 星期五

[點心.點心] 山竹牛肉球




之前有文章提及過袁生最情有獨鐘的點心有豉椒鳳爪 , 其實情有獨鐘既唔止一樣 , 仲有山竹牛肉球 , 山竹牛肉我都好鐘意 , 以往袁太都曾經在家自製過一次 , 數數手指都已經係N年前的事 ......



不過個次印象好難忘 , 因為個次山竹牛肉的製成品係絕對超級難食 , 大家唔好成日覺得袁太整的食物好吸引 , 好似好好味咁 , 其實有時某幾樣野我都要整好幾次才成功 , 呢個牛肉球就係一個好例子 , 今次呢個食譜係我上網search既 , 加入蘇打粉同鹼水拌勻 , 再撻下牛肉又雪下佢 , 呢幾個步驟都幾重要 , 袁太之前整既就係冇落蘇打粉同鹼水 , 而且撻都冇撻就攞去蒸 , 所以味道就 ... 完全唔掂 , 今次相反 , 味道超成功



蒸好放上枱 , 袁生就拿拿臨消滅左兩件 , 話味道好正 , 好味過酒樓 , 不過墊底既腐皮就硬左少少 , 腐皮硬就話之佢喇 , 最重要個主角牛肉成功就可以呢 ^^



材料 : 免治牛肉 , 馬蹄 , 果皮(預先浸軟) , 薑 , 肥豬肉 , 蔥 , 芫茜 , 鹽 , 糖 , 生粉 , 蘇打粉 , 腐皮 , 胡椒粉 , 鹼水 , 水




果皮刮去囊 , 馬蹄去皮 , 將肥豬肉剁碎 , 薑去皮切細粒 , 馬蹄 , 果皮切碎 , 蔥切粒 , 芫茜切碎





免治牛肉放入大碗內 , 加入蘇打粉 , 鹽 , 生粉先拌勻 , 再加入薑粒 , 果皮碎及2湯匙水拌勻 , 用手撻十餘下至起膠 , 蓋上保鮮紙放入雪櫃靜待1小時













 





1小時後加入肥豬肉 , 馬蹄碎 , 芫茜碎及少許蔥粒拌勻 , 再加入鹼水 , 生油及生抽拌勻 , 再一次加入2湯匙水用手撻十餘下至起膠 , 蓋上保鮮紙入雪櫃靜待30分鐘









 








腐皮撕成細片 , 放入油鑊中用慢火炸至脆身 , 盛起放入器皿內加入冰水浸過面靜待15分鐘










將浸好的腐皮盛起瀝乾水份放上碟 , 牛肉用手唧成球狀放在腐皮上 , 放入電蒸鍋隔水蒸12分鐘 , 取出放上芫茜葉裝飾及灑上蔥粒 , 最後淋上少許o急汁即可












 



材料 
免治牛肉200g , 馬蹄4粒 , 果皮(預先浸軟)3塊 , 薑 , 肥豬肉 , 蔥 , 芫茜 , 鹽 , 糖 , 生粉 , 蘇打粉1茶匙 , 腐皮1塊 , 胡椒粉 , 鹼水1茶匙 , 水



做法
1. 果皮刮去囊 , 馬蹄去皮

2. 將肥豬肉剁碎 , 薑去皮切細粒 , 馬蹄 , 果皮切碎 , 蔥切粒 , 芫茜切碎

3. 免治牛肉放入大碗內 , 加入蘇打粉 , 鹽 , 生粉先拌勻

4. 再加入薑粒 , 果皮碎及2湯匙水拌勻 , 用手撻十餘下至起膠 

5. 蓋上保鮮紙放入雪櫃靜待1小時

6. 1小時後加入肥豬肉 , 馬蹄碎 , 芫茜碎及少許蔥粒拌勻 , 再加入鹼水 , 生油及生抽拌勻

7. 再一次加入2湯匙水用手撻十餘下至起膠 , 蓋上保鮮紙入雪櫃靜待30分鐘 

8. 腐皮撕成細片 , 放入油鑊中用慢火炸至脆身

9. 盛起放入器皿內加入冰水浸過面靜待15分鐘 

10. 將浸好的腐皮盛起瀝乾水份放上碟 , 牛肉用手唧成球狀放在腐皮上

11. 放入電蒸鍋隔水蒸12分鐘

12. 取出放上芫茜葉裝飾及灑上蔥粒 , 最後淋上少許o急汁即可 

 


超成功超美味的山竹牛肉球 , 出爐唔駛5分鐘已經清晒呢 ^^




26 則留言:

  1. 牛肉球都整到,袁太勁呀

    回覆刪除
  2. 我飲茶一定會叫牛肉架,而家見到都想食

    回覆刪除
  3. 回覆
    1. 呢個份量整左八粒,渣一聲就冇晒喇

      刪除
  4. 正正正,我又要一碟呀!

    回覆刪除
  5. 回覆
    1. 食譜已修改,鹼水只約1茶匙份量就可

      刪除
  6. 好想食,不過對我黎講做法太複雜呢

    回覆刪除
    回覆
    1. 起初我都覺得複雜架,不過整整下又唔太難呢

      刪除
  7. 回覆
    1. 袁生已經叫左我下次再encore整俾佢食喇

      刪除
  8. 牛肉球自家制好好味。袁太想問你碎牛係邊到買?百佳?因為我之前係百佳買包裝好的碎牛一抄出黎好多油。😑

    回覆刪除
    回覆
    1. 我一向都係日式超市(Aeon)買架,曾經試過係其他超市買,味道唔太好

      刪除
    2. Ok. 等我去睇睇先。謝謝袁太的回覆!

      刪除