2017年2月4日 星期六

沙薑焗雞




剛剛過去的新年期間 , 袁太都好應節煮多左好多餐雞雞 , 無論雞翼 , 雞脾 , 雞腎 , 全雞都煮過 , 之後會陸續為大家上傳更加有關雞雞的食譜 ......



自從買左焗爐之後 , 基本上隔日就會開焗爐焗野食 , 希望大家唔會睇嫌的焗爐食譜呢 , 某次同袁生去快餐店開餐 , 佢食個沙薑雞飯 , 話沙薑味就好夠 , 不過雞肉就鞋烚烚 , 食食下就突然叫我第日買隻雞整沙薑雞 , 我當時都唔知俾咩反應佢好 , 因為以前的袁生係唔會主動叫我整野俾佢食 , 當然佢非常愛吃個幾樣就例外) , 但最近都唔知做咩 , 好似食左屎咁經常叫我整野俾佢食 , 有人經常說女人難觸摸 , 其實我覺得男人亦一樣



好喇 , 講番個雞先 , 袁太第二日真係好聽話地去街市買左隻雞 , 又去左雜貨店買沙薑粉 , 不過我唔會用蒸的方法 , 會用焗的來烹調 , ~哈~又開焗爐呢 ^^



整呢個沙薑雞極為簡單 , 用所需醃料醃下隻雞 , 然後放薑 , 蔥 , 蒜墊底 , 用錫紙蓋住雞的表面 , 放入焗爐焗約30分鐘 ,  再拎走張錫紙再焗多10分鐘就食得 , 一路焗一直聞到好香的味道 , 而且雞肉嫩滑 , 完全唔鞋口 , 雞皮又有少少脆 , 極之美味 , 袁太仲整埋個薑蓉拌食 , 好滿足呢 ^^ 



材料 : 雞 , 沙薑粉 , 蒜頭 , 乾蔥頭 , 蔥 , 薑 , 鹽 , 酒 , 錫紙 , 焗爐紙 , 胡椒粉




雞去除尾部 , 肥膏及雞腳 , 將雞身剪半 , 用水沖洗雞的外內兩面 , 放入器皿內加少許鹽及酒拌勻先靜待30分鐘 , 再加入沙薑粉 , 生抽及胡椒粉拌勻 , 蓋上保鮮紙再靜待1小時





















薑去皮分別切片及切粒 , 蔥切段及蔥粒 , 蒜頭去衣拍 , 乾蔥頭去衣切粒 , 焗盆內放上焗爐紙 , 放入薑片 , 蔥段及蒜頭 , 放上雞 , 用錫紙蓋上雞面靜待10分鐘 , 焗爐用200C預熱10分鐘











雞放入焗爐 , 用180C焗30分鐘 , 期間鑊中加入薑粒及乾蔥粒爆香 , 加入少許沙薑粉 , 生抽拌勻調味 , 熄火再加入蔥粒拌勻即成美味薑蓉 , 盛起備用














雞焗30分鐘後去除錫紙 , 再入焗爐調高溫度至200C焗多10分鐘 , 焗好後取出靜待10分鐘即可












材料
雞1隻 , 沙薑粉 , 蒜頭1個 , 乾蔥頭5粒 , 蔥 , 薑 , 鹽 , 酒 , 錫紙 , 焗爐紙 , 胡椒粉



做法
1. 雞去除尾部 , 肥膏及雞腳 , 將雞身剪半 , 用水沖洗雞的外內兩面

2. 放入器皿內加少許鹽及酒拌勻先靜待30分鐘 

3. 再加入沙薑粉 , 生抽及胡椒粉拌勻 , 蓋上保鮮紙再靜待1小時

4. 薑去皮分別切片及切粒 , 蔥切段及蔥粒 , 蒜頭去衣拍 , 乾蔥頭去衣切粒 

5. 焗盆內放上焗爐紙 , 放入薑片 , 蔥段及蒜頭 

6. 放上雞 , 用錫紙蓋上雞面靜待10分鐘 

7. 焗爐用200C預熱10分鐘

8. 雞放入焗爐 , 用180C焗30分鐘 

9. 期間鑊中加入薑粒及乾蔥粒爆香 , 加入少許沙薑粉 , 生抽拌勻調味 

10. 熄火再加入蔥粒拌勻即成美味薑蓉 , 盛起備用

11. 雞焗30分鐘後去除錫紙 , 再入焗爐調高溫度至200C焗多10分鐘 

12. 焗好後取出靜待10分鐘即可 




雞皮焗到有少少脆 , 雞肉又嫩滑 , 好味道呢 ^^





24 則留言:

  1. 整得好靚啊, 沙薑雞我蒸多, 下次試下這個煮法先. 😊

    回覆刪除
    回覆
    1. 我以前都係蒸多,不過焗就香口d

      刪除
  2. 回覆
    1. 雞脾都鍾意,但係雞胸就唔鍾意

      刪除
    2. 我最近反而鐘意食雞胸多d喎

      刪除
  3. 沙薑焗雞我都好鍾意整,好好味。你用幾多沙薑粉?

    回覆刪除
  4. 沙薑雞一向都係蒸多,用焗真係未試過

    回覆刪除
  5. 我鐘意雞皮脆脆呢

    回覆刪除
  6. 回覆
    1. 平時見黃師奶整雞都好吸引呢

      刪除