2017年2月27日 星期一

芝士菠菜煙肉焗釀大菇




吉吉島每逢星期三都有特價日 , 袁太就最鐘意特價日的時候買下零食 , 冷凍食物或者肉類 , 每星期的星期三都買極多野回家 , 次次都俾袁生話 ~買咁多煮得晒咩~ , 超 ... 你唔好理我咁多 , 我鐘意呀 , 吹咩 ......



今次就見到有呢款燒烤菇做特價 , 一包有三至四隻大菇 




印象中呢款菇N年前買過一次 , 用黎配菠菜焗係超級好味 , 所以就決定買兩包大菇回家用黎做晚餐呢款大菇簡單加菠菜同芝士已經好好味 , 不過我見雪櫃仲有煙肉同洋蔥 , 所以就加埋入菇菇到一齊焗 , 餡料入面加麵包糠拌勻  , 可以令餡料收乾水份 , 焗完出黎唔會水汪汪呢



一口氣焗晒六隻 , 起初感覺六隻都唔會好多姐 , 點知原來食一隻都已經好飽 , 可能菇入面實在太多餡料 , 袁生成日都話食過我煮既野 , 好難會食到出面街的食物 , 話我煮咩都太足料 , 如果出街食就自然覺得街的係完全冇料 , 其實佢有冇諗過 , 點解我煮咩都係咁足料呢 ??? 咪就係因為佢自己同我講 , 話自己在家製作一定要多多配料 , 我只不過係聽佢講的說話 , 我冇做錯喎 , 而家又厭我煮既野多料 , 咁難服侍架



燒烤菇除左焗之外 , 其實只要將菇菇切粒 , 放入鑊加少許牛油 , 鹽 , 黑胡椒碎炒香 , 用來拌法包都好好味 , 袁太之前試過 , 好味都唔停口架 , 總知就留起兩隻燒烤菇黎配法包喇 , 蠢蠢左添 ^^



材料 : 大燒烤菇 , 菠菜 , 洋蔥 , 煙肉 , Mozzarella Cheese , 麵包糠 , 蒜頭 , 黑胡椒碎 , 牛油 , 油 , 鹽 , 掃 , 焗爐紙




菠菜切去頂部 , 加少許鹽 , 水(浸過面)靜待10分鐘 , 期間將蒜頭 , 洋蔥去衣切粒 , 煙肉切細片 , 菠菜浸10分鐘後洗淨 , 放入已加入水的鑊中 , 加少許鹽拌勻 , 蓋上蓋用中火煮3分鐘至軟身 , 盛起菠菜靜待5分鐘待涼後切碎 , 切碎的菠菜用手渣乾水份備用


















燒烤菇切去蒂 , 菇蒂切粒 , 焗爐用180C預熱10分鐘 , 焗盆放上焗爐紙 , 再放上燒烤菇 , 掃一層油 , 灑上鹽及黑胡椒碎 , 放入焗爐用180C上下火焗5分鐘後取出備用















鑊中放入煙肉 , 蒜粒 , 洋蔥粒爆香 , 加入菇蒂粒及牛油拌勻炒至有香味 , 再加入菠菜碎拌勻













將菠菜餡料盛起放入大碗內 , 加入麵包糠 , 芝士碎拌勻後釀入大菇內 , 再灑上適量麵包糠及芝士碎 , 放入焗爐用180C上下火焗15分鐘至芝士溶化成金黃色 , 待涼10分鐘即可




















材料
大燒烤菇2包(6隻) , 菠菜1/2斤 , 洋蔥1個 , 煙肉3片 , Mozzarella Cheese , 麵包糠 , 蒜頭1個 , 黑胡椒碎 , 牛油 , 油 , 鹽 , 掃 , 焗爐紙



做法
1. 菠菜切去頂部 , 加少許鹽 , 水(浸過面)靜待10分鐘 

2. 期間將蒜頭 , 洋蔥去衣切粒 , 煙肉切細片 

3. 菠菜浸10分鐘後洗淨 , 放入已加入水的鑊中 , 加少許鹽拌勻 

4. 蓋上蓋用中火煮3分鐘至軟身 , 盛起菠菜靜待5分鐘待涼後切碎 

5. 切碎的菠菜用手渣乾水份備用

6. 燒烤菇切去蒂 , 菇蒂切粒 , 焗爐用180C預熱10分鐘 

7. 焗盆放上焗爐紙 , 再放上燒烤菇 , 掃一層油 , 灑上鹽及黑胡椒碎 

8. 放入焗爐用180C上下火焗5分鐘後取出備用

9. 鑊中放入煙肉 , 蒜粒 , 洋蔥粒爆香 , 加入菇蒂粒及牛油拌勻炒至有香味 

10. 再加入菠菜碎拌勻

11. 將菠菜餡料盛起放入大碗內 , 加入麵包糠 , 芝士碎拌勻後釀入大菇內 

12. 再灑上適量麵包糠及芝士碎 , 放入焗爐用180C上下火焗15分鐘至芝士溶化成金黃色 

13. 待涼10分鐘即可




焗到芝士金金黃黃 , 一路焗已經聞到好香的菇菇味 , 我唔客氣呢 ^^




22 則留言:

  1. 嘩~好大隻蘑菇~睇到都想食~!

    回覆刪除
  2. 原來星期三的燒烤菇係咁平架,等我星期三去附近AEON睇下有冇先

    回覆刪除
    回覆
    1. 係呀,每逢星期三都係特價日,不過燒烤菇就唔係次次有

      刪除
  3. 咁大隻菇真係食一隻都飽呀

    回覆刪除
  4. 自己整真係平過出街食,而且可以釀多多料入菇內,好吸引呀

    回覆刪除
  5. d大蘑菇又真係好抵買,呢款焗釀菇大正啦,我流晒口水啦

    回覆刪除
  6. 真係好抵呀,我附近有aeon超市就好啦~~~我都好中意哩隻菇!

    回覆刪除