2017年2月9日 星期四

黑椒蜜汁焗豬手




平時見急凍豬手做特價 , 一定會買幾隻放入冰箱存貨 , 閒時就拎出豬手解凍 , 出水再煲下佢 , 雪凍切片就食得 , 好方便 , 本應新年期間想整隻黎食下 , 點知當日有雞做晚餐 , 又唔想食咁多肉 , 個日就打消左念頭 , 直至前幾日 ......



個腦一片空白 , 冇咩靈感晚餐煮咩好 , 突然醒起雪櫃仲有隻豬手 , 快快手攞出黎解凍 , 解凍放入煲 , 加水 , 白胡椒粒 , 白醋 , 香葉煮佢45分鐘 , 然後將豬手盛起風乾一陣 , 再用啤酒浸下隻豬手 , 啤酒一定要選擇麥啤 , 唔好問我點解 , 我上網搵既 , 好多網友都話買麥啤要有"Hefe-WeiBbier"呢個字樣 , 我搵左幾間超市得一間先有得賣 , 算好彩呢





當豬手浸完啤酒浴之後就可以入爐焗 , 睇落看似簡單 , 不過呢個豬手足足整左成五個半鐘時間 , 不過焗好後味道超正 , 黑胡椒同蜜糖的味道超夾 , 而且豬皮還有淡淡的啤酒香味 , 當小食或拌飯都一流 , 以往整豬手的骨同煲豬手的水我都會掉左佢 , 現在回想真係笨笨豬同好浪費 , 下回袁太會介紹用豬手骨同煲豬手的水黎煲番個湯 , 大家密切留意呢 ^^

 

材料 : 急凍豬手 , 白胡椒粒 , 香葉 , 黑胡椒碎 , 白醋 , 蜜糖 , 麥啤 , 錫紙 , 掃 , 叉 , 水




豬手解凍沖洗乾淨放入煲內 , 加入水蓋過豬手面 , 加入白胡椒粒 , 白醋及香葉 , 用中火煲至微滾後 , 繼續用中火煲45分鐘 (期間不需要蓋上蓋 , 煲約一半時間左右將豬手反轉另一面繼續煲) ,45分鐘後熄火蓋上蓋焗15分鐘 , 15分鐘後將豬手反轉另一面 , 再蓋上蓋再焗15分鐘


















豬手盛起抹乾水份 , 用叉狂插豬皮 (兩面都要) , 靜待30分鐘風乾豬手至乾身後放入器皿內 , 倒入麥啤及灑上黑胡椒碎 , 蓋上保鮮紙浸豬手20分鐘 , 再反轉另一面 , 同樣灑上黑胡椒碎 , 再蓋上保鮮紙浸豬手20分鐘 (浸豬手的麥啤留起)















焗盆放上錫紙 , 再放上網架 , 將豬手放上靜待10分鐘 , 期間將焗爐用200C預熱10分鐘 , 蜜糖加少許水拌勻成蜜糖水備用










豬手放入焗爐用200C上下火焗50分鐘 , 焗15分鐘後將豬手取出 , 兩面掃上一層之前浸豬手留起的麥啤 , 再放入焗爐繼續焗











再焗15分鐘後 , 再將豬手取出掃上一層麥啤 , 再反轉另一面掃上麥啤後 , 再入焗爐繼續焗 , 焗好晒50分鐘後 , 將豬手取出掃上一層蜜糖水 , 放入焗爐轉用上火調至220C焗5分鐘














5分鐘後取出豬手反轉另一面 , 掃上蜜糖水 , 再入焗爐繼續用220C焗5分鐘至金黃 , 取出待涼10分鐘即可



 






材料
急凍豬手1隻 , 白胡椒粒 , 香葉6片 , 黑胡椒碎 , 白醋 , 蜜糖 , 麥啤1罐(500ml) , 錫紙 , 掃 , 叉 , 水



做法
1. 豬手解凍沖洗乾淨放入煲內 , 加入水蓋過豬手面 

2. 加入白胡椒粒 , 白醋及香葉 , 用中火煲至微滾後 , 繼續用中火煲45分鐘
    (期間不需要蓋上蓋 , 煲約一半時間左右將豬手反轉另一面繼續煲) 

3. 45分鐘後熄火蓋上蓋焗15分鐘 

4. 15分鐘後將豬手反轉另一面 , 再蓋上蓋再焗15分鐘

5. 豬手盛起抹乾水份 , 用叉狂插豬皮 (兩面都要) , 靜待30分鐘風乾豬手至乾身後放入器皿內

6. 倒入麥啤及灑上黑胡椒碎 , 蓋上保鮮紙浸豬手20分鐘 

7. 再反轉另一面 , 同樣灑上黑胡椒碎 , 再蓋上保鮮紙浸豬手20分鐘 (浸豬手的麥啤留起) 

8. 焗盆放上錫紙 , 再放上網架 , 將豬手放上靜待10分鐘 

9. 期間將焗爐用200C預熱10分鐘 , 蜜糖加少許水拌勻成蜜糖水備用

10. 豬手放入焗爐用200C上下火焗50分鐘 

11. 焗15分鐘後將豬手取出 , 兩面掃上一層之前浸豬手留起的麥啤 , 再放入焗爐繼續焗 

12. 再焗15分鐘後 , 再將豬手取出掃上一層麥啤 

13. 再反轉另一面掃上麥啤後 , 再入焗爐繼續焗 

14. 焗好晒50分鐘後 , 將豬手取出掃上一層蜜糖水 , 放入焗爐轉用上火調至220C焗5分鐘

15. 5分鐘後取出豬手反轉另一面 , 掃上蜜糖水 , 再入焗爐繼續用220C焗5分鐘至金黃 

16. 取出待涼10分鐘即可




有黑胡椒同蜜糖的香味 , 又有啤酒的味道 , 雖然長時間製作 , 但味道超正 , 付出多多時間製作都值得呢 ^^





26 則留言:

  1. 呢個豬手真係好正,不過又要好花心機製作,我就一定冇耐性一個餸整咁耐呢

    回覆刪除
    回覆
    1. 其實我整完都覺得有少少辛苦

      刪除
  2. 想問下豬手的皮脆唔脆架

    回覆刪除
  3. 焗得好吸引,睇得出好美味

    回覆刪除
  4. 豬手啖啖肉好味,我都會用煲豬手的水同骨煲湯呢

    回覆刪除
    回覆
    1. 我以前唔會架,一定會掉左佢

      刪除
  5. 我都會成日買定幾隻放係雪櫃,不過未試過焗

    回覆刪除
  6. 呢排焗爐真係頻頻出動喎

    回覆刪除
  7. 袁太好好心機啊, 這個好多功夫菜, 我都喜歡用骨黎煲湯. 👍🏻

    回覆刪除
    回覆
    1. 我而家先發覺用番豬手骨同煲豬手的水煲湯真係好好味呢

      刪除
  8. 回覆
    1. 真係需要好多時間製作,整完都覺得有少少辛苦

      刪除
  9. 其實用 Weissbier 或者 Weizenbier 都一樣是解作白色 wheat beer。總之小麥成份有50 %的啤酒都可以用。

    回覆刪除
  10. 太多步驟,不過好正

    回覆刪除
    回覆
    1. 係正架,不過整的過程真係用好多時間呢

      刪除
  11. 我之前都整過呀, 真係好耐時間呢用~
    我見有網友教用豬手黎煲湯先, 再用黎焗,好似都幾好~

    回覆刪除
    回覆
    1. 所以呢個焗豬手都係整一次就夠呢

      刪除