2017年3月16日 星期四

香蕉蛋糕




自從有左個焗爐之後 , 真係可以整番好多之前鐘意食既野 , 繼上次麵包布甸之後 , 香蕉蛋糕亦憬我的至愛之一 , 我為整呢個香蕉蛋糕 , 去街市買左幾隻香蕉回來靜待三日 , 等香蕉熟到爛的時候就可以整 ......



以往曾經係街買一次香蕉蛋糕 , 不過簡直甜到嘔 , 自己整一定要控制甜度 , 將糖份減半 , 如果整的甜 , 又會俾袁生投訴 , 又投訴我整咁甜既野俾佢 , 攪到佢糖尿病



其實整呢個香蕉蛋糕都好容易 , 將香蕉壓蓉 , 其他材料放入大碗內拌勻就可以拎去焗 , 焗大約40分鐘就食得 , 一路焗的時候 , 成間屋散發香噴噴的香蕉味 , 不過最美中不足 , 個蛋糕面焗燶左少少 , 變得唔太靚仔 , 不過味道就超正 , 焗左兩個蛋糕 , 一個就俾左媽咪 , 另一個就變左我同袁生的下午茶呢 ^^



材料 : 熟到爛的香蕉 , 雞蛋 , 麵粉 , 雲呢拿油 , 砂糖 , 牛奶 , 蘇打粉 , 鹽 , 刮刀 , 牛油 , 錫紙盆 , 隔篩




香蕉去皮切片放入大碗內壓成蓉 , 加入牛油拌勻備用











雞蛋打入大碗內 , 加入砂糖及鹽拌勻 , 再加入牛奶 , 雲呢拿油拌勻 , 放入香蕉蓉拌勻 , 加入蘇打粉及麵粉 , 麵粉分三次篩入材料內 , 再用刮刀拌勻



























焗爐用180C預熱10分鐘 , 蛋糕糊倒入錫紙焗盆內 , 再放在焗盆上 , 放入焗爐中間位置 , 用150C上下火焗30分鐘後 , 見蛋糕經已脹起 , 取出將蛋糕放上焗爐最低層 , 轉用200C上火焗多10分鐘 , 取出靜待10分鐘後將蛋糕取出切件即可




















材料
熟到爛的香蕉3隻 , 雞蛋2隻 , 麵粉220g , 雲呢拿油 , 砂糖150g , 牛奶1/2杯 , 蘇打粉1茶匙 , 鹽 , 刮刀 , 牛油60g , 錫紙盆2個 , 隔篩



做法
1. 香蕉去皮切片放入大碗內壓成蓉 , 加入牛油拌勻備用

2. 雞蛋打入大碗內 , 加入砂糖及鹽拌勻 , 再加入牛奶 , 雲呢拿油拌勻 

3. 放入香蕉蓉拌勻 , 加入蘇打粉及麵粉 , 麵粉分三次篩入材料內 , 再用刮刀拌勻 

4. 焗爐用180C預熱10分鐘 

5. 蛋糕糊倒入錫紙焗盆內 , 再放在焗盆上 

6. 放入焗爐中間位置 , 用150C上下火焗30分鐘後 , 見蛋糕經已脹起 

7. 取出將蛋糕放上焗爐最低層 , 轉用200C上火焗多10分鐘 

8. 取出靜待10分鐘後將蛋糕取出切件即可 




雖然整蛋糕唔係我的強行 , 不過今次的香蕉蛋糕我好滿意呢 ^^





23 則留言:

  1. YEAH, 第一!
    少少燶唔怕啦, 一樣咁吸引呀!

    回覆刪除
    回覆
    1. 雖然有d燶,但反而燶燶地仲好味呢

      刪除
  2. 香蕉蛋糕我都鐘意食,自家製可以將糖份減少

    回覆刪除
  3. 我老公鐘意食香蕉,所以要炒低個食譜照做

    回覆刪除
    回覆
    1. 希望袁太唔介意我記低食譜啦

      刪除
    2. 絕對唔會介意,隨便keep個食譜喇

      刪除
  4. 我聞到好香的香蕉味呀,我又要食

    回覆刪除
  5. 少少燶的蛋糕反而仲好味呀

    回覆刪除
  6. 好少見你整蛋糕~好吸引呢~!

    回覆刪除
    回覆
    1. 係呀,平時真係少整蛋糕,不過突然想食咪整囉

      刪除
  7. 香蕉蛋糕係自己整好食D,又簡單呢~~袁太都整得好靚~~

    回覆刪除
  8. 袁太丶點先可以整到咁鬆軟呢?我整係實的的㗎

    回覆刪除
    回覆
    1. 係咪落麵粉個時拌勻得唔夠好呢?

      刪除