2017年3月3日 星期五

香桃玉桂麵包布甸




某日突然想食麵包布甸 , 雖然麵包布甸係聖誕節的食物 , 不過大家都知袁太的性格呢 , 想食就會整 , 絕對唔會理係咩節日先可以食的食物呢 , 我的性格就係想食就會立刻去買材料整 , 何況整麵包布甸所需要的材料都好簡易 , 絕對容易就買到 ......



曾經上網睇過 , 好多網友整麵包布甸都會用到玉桂粉 , 但玉桂粉唔係人人都鐘意個種味道 , 我家袁生就麻麻地玉桂個種獨特的味道 , 所以呢款麵包布甸 , 佢應該唔太鐘意 , 上網亦睇到網友多數會用隔夜的麵包去整 , 不過我就比較鐘意用新鮮麵包 , 仲鐘意用法包多過方包添 , 另外我每次整麵包布甸都鐘意加入罐頭蜜桃 , 味道變得甜甜又濃濃 , 唔錯架 , 不過如果大家唔鐘意蜜桃 , 可以轉用士多啤梨或藍莓都得



用細細既焗杯去整 , 一杯份量唔太多 , 啱啱好 , 本來諗住份量可以焗5杯 , 點知材料只可以焗到四杯咁多多 , 焗完分一杯俾袁生 , 我估得冇錯 , 佢真係唔鐘意玉桂的味道 , 話味道好似怪怪 , 食左半杯已經唔食 , 反而我就覺得味道唔錯 , 好好味呢 ^^



材料 : 軟包 , 雞蛋 , 罐頭蜜桃 , 雲呢拿油 , 砂糖 , 玉桂粉 , 牛奶 , 焗杯 , 隔篩




軟包撕成細片放入器皿內 , 加入玉桂粉及一半份量的砂糖拌勻靜待30分鐘 , 罐頭蜜桃去糖水後切粒












蛋打入大碗內 , 加入餘下份量砂糖 , 牛奶及雲呢拿油拌勻成混合物 , 麵包粒適量放入每焗杯內 , 將混合物用隔篩注入至八分滿 , 靜待15分鐘(等麵包慢慢吸收) 














焗爐用180C預熱10分鐘 , 麵包布甸糊靜待15分鐘後再放上蜜桃粒 , 放在焗盆上 , 加入少許熱水 , 放入焗爐中間位置 , 用180C上下火焗30分鐘後 , 取出將布甸放上焗爐最上層 , 轉用150C上火焗多10分鐘至表面金黃 , 取出靜待10分鐘即可

















材料
軟包1個 , 雞蛋2隻 , 罐頭蜜桃1罐 , 雲呢拿油 , 砂糖50g , 玉桂粉1湯匙 , 牛奶500ml , 焗杯 , 隔篩



做法
1. 軟包撕成細片放入器皿內 , 加入玉桂粉及一半份量的砂糖拌勻靜待30分鐘 

2. 罐頭蜜桃去糖水後切粒

3. 雞蛋打入大碗內 , 加入餘下份量砂糖 , 牛奶及雲呢拿油拌勻成混合物 

4. 麵包粒適量放入每焗杯內 

5. 將混合物用隔篩注入至八分滿 , 靜待15分鐘(等麵包慢慢吸收) 

6. 焗爐用180C預熱10分鐘 

7. 麵包布甸糊靜待15分鐘後再放上蜜桃粒 , 放在焗盆上 , 加入少許熱水 

8. 放入焗爐中間位置 , 用180C上下火焗30分鐘後 , 取出將布甸放上焗爐最上層 

9. 轉用150C上火焗多10分鐘至表面金黃 , 取出靜待10分鐘即可 




細細杯份量剛剛好 , 不過只得四杯 , 好似唔係好夠食呢 ^^





24 則留言:

  1. 加左蜜桃好香甜

    回覆刪除
  2. 麵包布甸我都鐘意

    回覆刪除
  3. 焗到金金黃黃好吸引呀

    回覆刪除
  4. 我要一杯唔該

    回覆刪除
  5. 回覆
    1. 不過一杯份量太少,唔係好夠食

      刪除
  6. 我最愛麵包布甸,次次都勁落玉桂,等我又試下落桃!

    回覆刪除
    回覆
    1. 玉桂粉我唔敢落太多,怕蓋晒其他味道

      刪除
  7. 回覆
    1. EE:我和你相反,我最鐘意,袁太:我食埋佢嗰份,哈哈!

      刪除
    2. 其實有好多人都怕玉桂的味道,袁生都唔太鐘意

      刪除
    3. 好呀,咁EE個份我就分埋俾小月呢

      刪除
  8. 加左香桃~~~味道好又賣相靚~

    回覆刪除
  9. 肥人好麻煩, 愛玉桂但唔愛麵包布甸, HAHAAAAAA

    回覆刪除
    回覆
    1. 反而好多人唔太鐘意玉桂的味道,但又鐘意麵包布甸,哈...大肥人相反呢

      刪除