2017年3月5日 星期日

薯蓉牛肉咖哩角




無論春夏秋冬天 , 一年四季袁氏夫婦都愛吃炸物 , 喜愛炸物做晚餐或下午茶小食 , 當某日下午時份突然轉來袁生把死人聲 ~喂 , 我有d肚餓呀 , 有冇野可以食~ , 有 , 你唔見個零食箱有好多薯片餅乾蛋糕咁咩 , 前幾日先幫你入晒貨 , 食個d咪得囉 ......



點知袁生話唔想食薯片 , 又唔想食蛋糕同餅乾 , 想食香口野 , 香口野咪即係炸野 , 又要我開鑊 , 唔好拿掛 , 我有電視要睇喎 , 唉 ... 不過算喇 , 既然袁生開到聲 , 又順下佢意呢 , 就係百寶箱搵搵有冇剩餘物資 , 俾我找到包春卷皮 , 紫洋蔥 , 兩個薯仔 , 調味料櫃仲有咖哩粉同黃薑粉 ,呢幾樣材料最好用來整咖哩角 , 不過獨欠一樣主材料 ~免治牛肉~



快快手去日式超市買牛肉回來炮製 , 其實做咖哩角絕對沒有難度 , 只係醃下牛肉 , 炒下餡料 , 再包好放入鑊煎或炸 , 就是這麼簡單 , 由於剩餘物資有兩個薯仔咁多 , 所以今次加入薯蓉一起做餡料 , 味道好過淨用牛肉 , 一個做法簡單又好味 , 而且金金黃黃脆卜卜的咖哩角就成為了我同袁生的下午茶點呢 ^^



材料 : 免治牛肉 , 紫洋蔥 , 薯仔 , 春卷皮 , 咖哩粉 , 黃薑粉 , 麵粉 , 胡椒粉 , 鹽 , 黃糖 , 生粉




免治牛肉放入大碗內 , 加入醃料拌勻靜待30分鐘 , 薯仔去皮切粒 , 紫洋蔥切細粒 , 薯仔粒用水沖洗乾淨再瀝乾水份 , 放入電蒸鍋內隔水蒸20分鐘 















薯仔粒蒸20分鐘後隔去水份放入大碗內壓成蓉







燒紅鑊 , 爆香紫洋蔥粒至微黃色 , 加入免治牛肉 , 1茶匙咖哩粉 , 少許黃薑粉拌勻 , 炒至牛肉轉色 , 加入薯蓉拌勻炒數分鐘 , 盛起放在錫紙上待涼10分鐘











 


春卷皮剪成長形 , 麵粉加少許水拌勻 , 將餡料放在春卷皮的下方位置 , 對摺包好 , 再用麵粉水封口 , 將包好的咖哩角靜置10分鐘 , 鑊中加油燒熱 , 放入咖哩角用慢火慢慢煎至兩面金黃色 , 盛起放在廚紙吸取油份即可


















材料
免治牛肉150g , 紫洋蔥1個 , 薯仔2個 , 春卷皮 , 咖哩粉 , 黃薑粉 , 麵粉 , 胡椒粉 , 鹽 , 黃糖 , 生粉

醃料
鹽 , 糖 , 生抽 , 胡椒粉 , 生粉 , 水



做法
1. 免治牛肉放入大碗內 , 加入醃料拌勻靜待30分鐘 

2. 薯仔去皮切粒 , 紫洋蔥切細粒 , 薯仔粒用水沖洗乾淨再瀝乾水份 

3. 放入電蒸鍋內隔水蒸20分鐘  

4. 薯仔粒蒸20分鐘後隔去水份放入大碗內壓成蓉

5. 燒紅鑊 , 爆香紫洋蔥粒至微黃色 , 加入免治牛肉 , 1茶匙咖哩粉 , 少許黃薑粉拌勻

6. 炒至牛肉轉色 , 加入薯蓉拌勻炒數分鐘 , 盛起放在錫紙上待涼10分鐘 

7. 春卷皮剪成長形 , 麵粉加少許水拌勻 

8. 將餡料放在春卷皮的下方位置 , 對摺包好 , 再用麵粉水封口 

9. 將包好的咖哩角靜置10分鐘 

10. 鑊中加油燒熱 , 放入咖哩角用慢火慢慢煎至兩面金黃色 , 盛起放在廚紙吸取油份即可




做法簡單又好味的咖哩角 , 用來做下午茶或派對小食同樣合適 , 大家都整來吃吃呢 ^^



22 則留言:

  1. 好吸引呀~~我記得中二家政考試我係整哩個架!

    回覆刪除
  2. 回覆
    1. 係呀,剛炸起真係食完一件又一件架

      刪除
  3. 這個好香口, 我都好喜歡食呢.

    回覆刪除
  4. 剛剛炸起熱辣辣,最脆口最好味

    回覆刪除
  5. 係食到唔停得口嘅小食。

    回覆刪除
  6. 餡料加入薯蓉好創新

    回覆刪除
  7. 呢個小食最啱開派對

    回覆刪除
  8. 呢個我一定要試整...淨係睇都覺得好好食呀!

    回覆刪除