2017年3月13日 星期一

玉桂焦糖核桃




上次整麵包布甸的時候 , 還剩下少許玉桂粉 , 心思思又想用埋佢 , 見雪櫃有核桃肉 , 快快手用來做個小食俾袁生嘆下 , 大家係咪想話我點解咩都只係整俾袁生 , 咁自己呢 ??? 其實好簡單 , 因為我係唔食核桃架 ......



我知核桃呢樣食物對人體有好大益處 , 因核桃含維生素 , 亞麻酸 , Omega-3s , 礦物質等等 , 而且每日吃少許核桃還可以降低膽固醇 , 無論大人小朋友都非常有益 , 另外核桃仲可以補腦 , 呢樣就最啱袁生 , 佢經常要用腦構思畫圖 , 所以得閒就要幫佢補補腦 , 而我唔鐘意核桃的原因係因為總覺得核桃又苦又澀 , 要我食核桃 ??? 哼 ...... 好難喇 , 除非太陽由西邊升起



以往在街外買的核桃 , 雖然有好多種味 , 例如原味或蜜糖味 , 簡單買回來俾袁生當零食雖然方便 , 但其實自己在家整都同樣方便 , 只要去街市買核桃肉回家 , 稍為加加工 , 都可以整到相當美味的焦糖核桃 , 大家想想 , 焦糖的甜味加上苦苦地的核桃味道 , 真係人間美味極品(袁生話既) , 如果大家唔用食譜中的牛奶 , 可用水代替都得呢 ^^



材料 : 核桃肉 , 黃糖 , 白芝麻 , 牛奶 , 玉桂粉 , 鹽 , 焗爐紙




核桃用水沖一沖洗乾淨及瀝乾 , 焗爐用220C預熱10分鐘備用







焗盤放上焗爐紙 , 將核桃放上 , 放入焗爐用200C上下火焗6分鐘(期間要望下核桃有冇焗燶) , 焗核桃期間將白芝麻放入鑊中 , 用慢火慢慢炒至微黃色











核核焗好從焗爐取出放入大碗內 , 鑊加入黃糖 , 玉桂粉 , 鹽及牛奶拌勻 , 用慢火慢慢煮至糖溶成焦糖 , 趁熱倒入核桃內 , 再灑上白芝麻拌勻即可




















材料
核桃肉四襾 , 黃糖60g , 白芝麻 , 牛奶3湯匙(如唔用牛奶 , 可用水代替) , 玉桂粉1茶匙 , 鹽1茶匙 , 焗爐紙



做法
1. 核桃用水沖一沖洗乾淨及瀝乾 , 焗爐用220C預熱10分鐘備用

2. 焗盤放上焗爐紙 , 將核桃放上 

3. 放入焗爐用200C上下火焗6分鐘(期間要望下核桃有冇焗燶) 

4. 焗核桃期間將白芝麻放入鑊中 , 用慢火慢慢炒至微黃色

5. 核核焗好從焗爐取出放入大碗內 

6. 鑊加入黃糖 , 玉桂粉 , 鹽及牛奶拌勻 , 用慢火慢慢煮至糖溶成焦糖 

7. 趁熱倒入核桃內 , 再灑上白芝麻拌勻即可




做法簡單又美味的焦糖核桃 , 唔駛5分鐘已經可以全部K.O晒 , 食時分成一杯杯 , 袁生可以食得方便d呢 ^^




22 則留言:

  1. 可以睇住電視食~好正呢~!

    回覆刪除
  2. 呢個小食冇得頂呀

    回覆刪除
    回覆
    1. 鐘意食核桃的人一定會喜歡呢

      刪除
  3. 我好鐘意食核桃,不過未曾試過咁整,我又學到野啦

    回覆刪除
  4. 核桃我都唔太喜歡呢

    回覆刪除
  5. 我之前都有買現成黎食呀, 真係幾好食呀!

    回覆刪除
    回覆
    1. 我以前都係買現成多,不過屋企有核桃咪自己整囉,自己整都好簡單同好好味呢

      刪除