2017年4月21日 星期五

魚翅瓜鮮蝦粟米肉碎羹




前陣子整餃子餅時剩下的蝦殼放入冰箱冷藏一晚後 , 今日就要想想辦法清左佢 , 最好當然用蝦殼黎煮個湯底 , 最近的天氣又熱又下著雨 , 咁既天氣真係唔想躲在廚房煮到成身汗 , 不過就算唔煮飯 , 都要煮個湯飲下 ...... 



最近係街市陸陸續續見到有魚翅瓜的出現 




不過今年就貴左少少 , 記得上年只買六蚊/斤 , 買左個細的都有成差不多兩斤重 , 以前用魚翅瓜來煲湯 , 簡簡單單加粟米 , 甘旬煲 , 清清地味道唔錯 



不過今次又唔想用來煲湯 , 想嘗試新事物 , 用魚翅瓜來煮餸或煮羹都好有興趣 , 用上次剩下的蝦殼煮成湯底 , 再加上魚翅瓜 , 肉碎煮 , 魚翅瓜吸收蝦湯底的香味 , 應該唔會差 , 當買好材料後發現廚櫃原來有包粟米蓉 , 應該係袁太超市特價時候買回來後又唔記得左 , 咁就一於加埋落去魚翅瓜內一齊煮 , 就變成魚翅瓜粟米羹 , 呢個配搭看來似九唔搭八 , 但味道就相當之夾呢 ^^



材料 : 魚翅瓜 , 基圍蝦 , 蝦殼 , 粟米蓉 , 豬肉碎 , 薑 , 胡椒粉 , 鹽 , 糖 , 生粉




魚翅瓜切件 , 放入電鍋蒸內蒸15分鐘 , 熄火焗20分鐘 , 期間將蝦去頭去殼 , 蝦肉沖洗乾淨 , 在背部橫切一刀 , 薑去皮切絲 , 蝦頭蝦殼沖洗乾淨及瀝乾













煲內加入少許油燒熱 , 加入蝦頭蝦殼 , 薑絲爆香至蝦殼轉色 , 加入熱水煮滾後蓋上蓋用中火煮30分鐘 , 期間小心滾瀉 , 豬肉碎放入大碗內加入醃料拌勻靜待10分鐘

















魚翅瓜取出稍為待涼後去核及將瓜肉起出 , 燒紅鑊 , 將豬肉碎放入鑊中炒至熟透備用









蝦殼湯底煲了30分鐘後將蝦殼及薑絲盛起去掉 , 逐一加入粟米蓉 , 豬肉碎及魚翅瓜拌勻用中火煮滾 , 蓋上蓋轉慢火煮20分鐘 , 最後加入蝦肉 , 少許胡椒粉調味拌勻 , 熄火焗10分鐘即可



















 

材料
魚翅瓜1個 , 基圍蝦6隻 , 蝦殼1斤 , 粟米蓉1包 , 豬肉碎$10 , 薑 , 胡椒粉 , 鹽 , 糖 , 生粉

醃料
鹽 , 糖 , 生抽 , 胡椒粉 , 麻油 , 油 , 生粉



做法
1. 魚翅瓜切件 , 放入電鍋蒸內蒸15分鐘 , 熄火焗20分鐘 

2. 期間將蝦去頭去殼 , 蝦肉沖洗乾淨 , 在背部橫切一刀 , 薑去皮切絲 

3. 蝦頭蝦殼沖洗乾淨及瀝乾

4. 煲內加入少許油燒熱 , 加入蝦頭蝦殼 , 薑絲爆香至蝦殼轉色  

5. 加入熱水煮滾後蓋上蓋用中火煮30分鐘 , 期間小心滾瀉 

6. 豬肉碎放入大碗內加入醃料拌勻靜待10分鐘

7. 魚翅瓜取出稍為待涼後去核及將瓜肉起出 

8. 燒紅鑊 , 將豬肉碎放入鑊中炒至熟透備用

9. 蝦殼湯底煲了30分鐘後將蝦殼及薑絲盛起去掉 

10. 逐一加入粟米蓉 , 豬肉碎及魚翅瓜拌勻用中火煮滾 , 蓋上蓋轉慢火煮20分鐘 

11. 最後加入蝦肉 , 少許胡椒粉調味拌勻 , 熄火焗10分鐘即可 




九唔搭八的材料都可以煮成一碗好味的粟米羹 , 下次一定要再encore先得呢 ^^






20 則留言:

  1. 用蝦殼做底一定好鮮甜

    回覆刪除
  2. 我住個頭好似仲未見有魚翅瓜賣喎

    回覆刪除
    回覆
    1. 我呢邊暫時都係得一間菜檔有咋

      刪除
  3. 一道好特別的粟米羹

    回覆刪除
    回覆
    1. 有時真係亂搭一通,反而煮到好味的野出黎呢

      刪除
  4. 好足料的粟米羹,出面一定食唔到呀

    回覆刪除
  5. 袁太煮的食物永遠都好創新,好吸引呢

    回覆刪除
  6. 魚翅瓜我買過一次,因唔識整,唔好食。你呢個咁多料,一定好味,有機會試下先,謝謝您的分享。

    回覆刪除
    回覆
    1. 唔好客氣,有好野當然要同大家分享喇

      刪除
  7. 袁太呢個湯望落好吸引,净系飲湯+湯料已經够飽😊
    魚翅瓜我聽過,但無買過返屋企整黎食!

    回覆刪除
    回覆
    1. 係呀,袁生都飲左一大碗湯,食埋湯渣都話好飽

      刪除