2017年5月28日 星期日

[經典小食] 咖哩魚蛋




以前讀書的時候 , 好喜愛同朋友仔去掃街 , 簡簡單單咁就當一餐 , 真係覺得好滿足 , 不過自從投入社會工作後 , 唔好話去掃街 , 就連朋友都好少見 , 何況身邊的袁生係一位唔愛掃街之人 ......



每時每刻都好掛住小食店的魚蛋 , 牛栢葉 , 豬皮等等 ... 但屋企附近的小食店實在唔太啱我口味 , 一係就完全冇咖哩味 , 一係就只有辣味 , 所以決定自家製 , 如果自家製 , 我會比較喜愛咖哩魚蛋 , 最鐘意係街市買迷你炸魚蛋個款黎製作




不過唔知味道會唔會好過出面的小食店呢 , 好期待自己整的製成品 , 記得咖哩小食方面 , 係N年前試整一次 , 當時用超市買回來一樽樽的咖哩醬來烹調 , 味道對我來說唔太好 , 所以今次用咖哩粉試下 , 味道果然係好得多 , 我知袁生除喜愛咖哩味重之外 , 仲喜愛比較濃味的咖哩 , 所以袁太落多左蠔油同海鮮醬 , 等味道有咖哩的香味之餘 , 仲有濃濃的蠔油味



雖然賣相比較深色 , 袁生食過後話好味過出面的小食店 , 還說咖哩汁可以留來撈麵食喎 , 看來我可以去開檔賣咖哩呢 ^^ 



材料 : 迷你炸魚蛋 , 咖哩粉, 海鮮醬 , 乾蔥頭 , 蒜頭 , 糖 , 生粉 , 雞粉 , 麻油 , 水 , 酒




魚蛋用水沖洗及瀝乾後放入大煲內 , 加水蓋過魚蛋面 , 蓋上蓋用中火煮10分鐘後熄火焗5分鐘 , 將魚蛋盛起瀝乾水份















將魚蛋放入大碗內 , 加入咖哩粉及醃料拌勻靜待30分鐘 , 蒜頭 , 乾蔥頭去衣切細粒 , 調味料放入碗內 , 加入2杯水拌勻備用 , 魚蛋醃30分鐘後再靜待5分鐘
















燒紅鑊 , 爆香蒜粒及乾蔥粒後 , 加入魚蛋拌勻數分鐘 , 加入調味料再拌勻 , 先用中火煮滾 , 再蓋上蓋轉慢火煮10分鐘 , 盛起魚蛋及汁料放入另一煲內 , 蓋上蓋焗1小時或數小時至入味即可






















材料
迷你炸魚蛋1磅 , 咖哩粉, 海鮮醬 , 乾蔥頭4粒 , 蒜頭1個 , 糖 , 生粉 , 雞粉 , 麻油 , 水 , 酒

醃料
咖哩粉1茶匙 , 生抽 , 老抽 , 糖 , 麻油 , 酒 , 生粉

調味料
咖哩粉1茶匙 , 海鮮醬1湯匙 , 蠔油2湯匙 , 生抽 , 雞粉 , 糖 , 水2杯



做法 
1. 魚蛋用水沖洗及瀝乾後放入大煲內 , 加水蓋過魚蛋面 

2. 蓋上蓋用中火煮10分鐘後熄火焗5分鐘 , 將魚蛋盛起瀝乾水份

3. 將魚蛋放入大碗內 , 加入咖哩粉及醃料拌勻靜待30分鐘 

4. 蒜頭 , 乾蔥頭去衣切細粒 

5. 調味料放入碗內 , 加入2杯水拌勻備用 , 魚蛋醃30分鐘後再靜待5分鐘

6. 燒紅鑊 , 爆香蒜粒及乾蔥粒後 , 加入魚蛋拌勻數分鐘 

7. 加入調味料再拌勻

8. 先用中火煮滾 , 再蓋上蓋轉慢火煮10分鐘 

9. 盛起魚蛋及汁料放入另一煲內 , 蓋上蓋焗1小時或數小時至入味即可 


 

超惹味的香港經典小食 , 咖哩魚蛋就完成喇 , 大家可以自行加入自己喜愛的材料一齊煮呢 ^^ (例如牛栢葉 , 豬皮 , 白蘿蔔 , 魷魚鬚 , 螺肉等等 ...)




20 則留言:

  1. 我同你一樣,都係愛掃街之人!!呢個正呀!!

    回覆刪除
    回覆
    1. 不過而家掃街都驚d野唔衛生呢

      刪除
  2. 咖哩魚蛋我都好鐘意食

    回覆刪除
  3. 我要十串唔該

    回覆刪除
  4. 咖哩小食真係地道的香港小食,相信冇人會唔鐘意呢

    回覆刪除
  5. 我到而家都好鐘意掃街架,不過有時都驚街食的唔衛生

    回覆刪除
    回覆
    1. 係呀,衛生問題真係好緊要呢

      刪除
  6. 哪個咖哩粉品牌好?

    回覆刪除