2017年6月28日 星期三

香煎芙蓉蛋飯




最近唔知係咪天氣太熱呢 ??? 最近的晚餐都玩碟頭系列 , 幾乎晚晚袁太都煮碟頭飯 , 一碟過夠晒方便 , 唔知大家喜歡食煎蛋嗎 ??? 我同袁生平時都好鐘意食煎蛋 , 我就比較喜愛荷包蛋 , 煎蛋角 , 不過如果要袁生選擇 , 他愛的煎蛋系列 , 唔需要問 , 他首選一定是佢最愛的芙蓉蛋吧 ......



其實芙蓉蛋都屬煎蛋系列 , 我都愛 , 愛芙蓉蛋可以加入自己喜愛的材料 , 只不過做芙蓉蛋的材料離不開都係個幾樣 , 叉燒呀 ~~~ 蝦呀 ~~~ 火腿 , 銀芽 , 韭黃咁個幾類 , 而且呢類材料全部都係袁生喜愛的食物 , 唔怪得知佢一向都鐘意食芙蓉蛋 , 每次同袁生講晚餐有芙蓉蛋食 , 佢就好似細路仔咁拍晒手 , 又或者好似食左屎咁 , 好鬼死開心 , 仲提袁太記得一定要加甜豉油 , 話有一碟芙蓉蛋 , 一碟飯已經好足夠 , 之不過你夠我唔夠呢 , 我點都要炒多碟菜先開飯 , 吹咩 ~~~



有時袁生袁太出街食飯都會點下芙蓉蛋飯 , 不過我就唔太喜愛配白飯 , 如果俾我 , 我比較鐘意配炒飯 , 所以整整芙蓉蛋的時候就煮定個飯 , 將煮好的飯簡單用乾蔥頭炒 , 加少少鹽同魚露調味 , 咁就有好香的炒飯 , 同煎到金金黃黃的芙蓉蛋就 



雖然芙蓉蛋簡單煎香已經好夠味 , 不過麻煩友話點都要甜豉油 , 話點都要淋少少落去喎 ^^



材料 : 雞蛋 , 叉燒 , 火腿 , 銀芽 , 韭黃 , 急凍蝦仁 , 鹽 , 生粉 , 胡椒粉 , 甜豉油 , 魚露




銀芽放入煲內 , 加水用中火拌勻灼30秒後盛起 , 用水沖一沖洗及瀝乾 , 韭黃切段 , 火腿切細片 , 韭黃沖洗乾淨及瀝乾 , 叉燒切條











急凍蝦仁加入生粉拌勻用水沖洗 , 再一次加入生粉拌勻用水沖洗多次 , 瀝乾水份放入大碗內 , 加入熱水浸過面3分鐘至轉色 , 倒去水份瀝乾備用










  

燒紅鑊 , 先爆香叉燒 , 加入火腿 , 蝦仁及少許鹽調味炒香 , 再加入韭黃 , 銀芽拌勻 , 盛起放在錫紙上靜待20分鐘待涼
















雞蛋打入大碗內打散 , 將待涼的配料放入 , 加少許魚露及胡椒粉調味拌勻靜待10分鐘













期間將煮好的白飯拌散待涼 , 鑊中爆香乾蔥頭片 , 加入待涼的白飯拌勻炒散 , 再加少許鹽及魚露拌炒飯至乾身成炒飯 , 另一鑊加入油燒熱 , 將適量的蛋漿放入鑊中用慢火慢慢煎至兩面金黃色即可




















雞蛋5隻 , 叉燒1條 , 火腿2片 , 銀芽$5 , 韭黃$5 , 急凍蝦仁1/2磅 , 鹽 , 生粉 , 胡椒粉 , 甜豉油 , 魚露



做法
1. 銀芽放入煲內 , 加水用中火拌勻灼30秒後盛起 , 用水沖一沖洗及瀝乾 

2. 韭黃切段 , 火腿切細片 , 韭黃沖洗乾淨及瀝乾 

3. 叉燒切條

4. 急凍蝦仁加入生粉拌勻用水沖洗 , 再一次加入生粉拌勻用水沖洗多次 

5. 瀝乾水份放入大碗內 , 加入熱水浸過面3分鐘至轉色 , 倒去水份瀝乾備用

6. 燒紅鑊 , 先爆香叉燒 , 加入火腿 , 蝦仁及少許鹽調味炒香 

7. 再加入韭黃 , 銀芽拌勻 , 盛起放在錫紙上靜待20分鐘待涼

8. 雞蛋打入大碗內打散 , 將待涼的配料放入 , 加少許魚露及胡椒粉調味拌勻靜待10分鐘

9. 期間將煮好的白飯拌散待涼 , 鑊中爆香乾蔥頭片 , 加入待涼的白飯拌勻炒散

10. 再加少許鹽及魚露拌炒飯至乾身成炒飯 

11. 另一鑊加入油燒熱 , 將適量的蛋漿放入鑊中用慢火慢慢煎至兩面金黃色即可 




餡料多多的美味芙蓉蛋 , 配上用乾蔥炒過既飯 , 簡單又美味呢 ^^





26 則留言:

  1. 嘩煎到金金黃黃,好正喎

    回覆刪除
  2. 睇見都想食呀, 我學生時代既常餐👍🏻

    回覆刪除
  3. 連飯都用乾蔥頭炒,一定好香呀

    回覆刪除
    回覆
    1. 突然間想d飯香d,咪用乾蔥炒下囉

      刪除
  4. 補充:芙蓉蛋我都好鐘意食,不過出面食既冇咩配料,袁太呢個太足料啦

    回覆刪除
    回覆
    1. 出面餐廳的我試過得幾條芽菜,叉燒火腿蝦咩都冇架

      刪除
  5. 整碟頭飯都唔錯呀,一人一碟,可以洗少幾隻碟

    回覆刪除
  6. 不過我好佩服袁太的心思,一般餐廳都只配白飯,袁太就用乾蔥炒下飯,味道一定好香,而且芙蓉蛋煎得咁金黃,真係好吸引呀

    回覆刪除
    回覆
    1. 嘻…有時煮煮下突然想變通下姐

      刪除
  7. 回覆
    1. 而且邊邊位煎到脆脆仲吸引呢

      刪除
  8. 搬左我一定要試整呢個芙蓉蛋, hahaa

    回覆刪除