2017年6月15日 星期四

家鄉炒米粉




平時係廚房煮兩餸一湯完全冇問題 , 但最近天氣簡直熱到爆 , 企係廚房一陣已經大汗疊細汗 , 咁的天氣已經冇咩胃口 , 基本係連飯都唔想煮 , 點知袁生呢隻魔鬼話唔想出街食 , 叫袁太買餸煮晚餐喎 ......



要我係廚房煮晚餐 ??? 都得既 , 不過我唔會煮飯 , 唔煮飯的另外一個選擇 , 如果俾袁生選擇的話 , 佢一定會係壽司或者冷麵 , 哼 ... 不過唔好意思 , 我最討厭食呢類食物 , 我的選擇一定係炒粉麵或者湯飯做主打 , 今次就想食炒米粉 , 以往去酒樓食炒米粉得個細細碟 , 而且配料少得可憐 , 想搵條芽菜都難 , 而且又冇蛋絲 , 完全接受唔到酒樓咁既價錢兼咁既質數



所以自己炒一定要多多配料 , 同埋要加埋肉絲一齊炒 , 實行配料多過米粉至得 , 今次又用上自定製上湯製作 , 米粉吸收晒上湯的味道 , 俾用水更加入味 , 其實袁太閒時就會煲定一大煲上湯放入雪櫃 , 鐘意就攞少少用來炒米 , 炆米 , 甚至用來做水餃湯底都得呢 ^^



材料 : 天鵝牌炒米粉 , 梅頭豬肉 , 甘旬 , 椰菜 , 銀芽 , 火腿 , 雞蛋 , 上湯(冇上湯可用水代替) , 蔥 , 糖 , 生粉 , 酒 , 芫茜(裝飾可省略)




梅頭肉洗淨切條後放入大碗內 , 加入醃料拌勻靜待30分鐘 , 將銀芽放入煲內加水浸過面 , 拌勻用慢火煮至滾後 , 盛起用水沖一沖洗及瀝乾 , 甘旬去皮切絲 , 火腿切細片 , 蔥切粒 , 雞蛋打成蛋液 , 椰菜切絲















 
 
鑊中加入米粉拌勻煮至鬆散 , 盛起備用 , 蛋液放入鑊中用慢火煎至兩面金黃色 , 盛起待涼切絲











燒紅鑊 , 將豬肉放入鑊中爆香至轉色 , 加入甘旬絲及椰菜絲拌勻 , 蓋上蓋用慢火煮5分鐘至軟身 , 再加入米粉 , 銀芽 , 少許鹽及上湯拌勻




















最後加入蛋絲及蔥粒拌勻炒數分鐘至水份收乾即可










材料
天鵝牌炒米粉2個 , 梅頭豬肉$20 , 甘旬1條 , 椰菜1個 , 銀芽$5 , 火腿2片 , 雞蛋2隻 , 上湯100ml(冇上湯可用水代替) , 蔥 , 糖 , 生粉 , 酒 , 芫茜(裝飾可省略)

醃料 
生抽 , 老抽 , 糖 , 粟粉 , 麻油 , 酒 , 水  



做法
1. 梅頭肉洗淨切條後放入大碗內 , 加入醃料拌勻靜待30分鐘 

2. 將銀芽放入煲內加水浸過面 , 拌勻用慢火煮至滾後 , 盛起用水沖一沖洗及瀝乾

3. 甘旬去皮切絲 , 火腿切細片 , 蔥切粒 , 雞蛋打成蛋液 

4. 椰菜切絲

5. 鑊中加入米粉拌勻煮至鬆散 , 盛起備用 

6. 蛋液放入鑊中用慢火煎至兩面金黃色 , 盛起待涼切絲

7. 燒紅鑊 , 將豬肉放入鑊中爆香至轉色 , 加入甘旬絲及椰菜絲拌勻 

8. 蓋上蓋用慢火煮5分鐘至軟身 , 再加入米粉 , 銀芽 , 少許鹽及上湯拌勻

9. 最後加入蛋絲及蔥粒拌勻炒數分鐘至水份收乾即可




超足料的家鄉炒米粉 , 同酒樓相比 , 當然自家製作美味得多呢 ^^





26 則留言:

  1. 呢個米粉真係好足料呀

    回覆刪除
  2. 我係酒樓食過炒米粉,得米粉同幾條芽菜,咩火腿豬肉都冇架

    回覆刪除
  3. 回覆
    1. 雖然份量多,不過都食得晒呢

      刪除
  4. 好足料好想食呀

    回覆刪除
  5. 天熱真係唔願煮,但你碟炒米材料咁豐富,都要攪好多功夫呀。

    回覆刪除
    回覆
    1. 其實都係切下炒下,好快完成架咋

      刪除
  6. 炎熱的日子係廚房煮野真地好辛苦架

    回覆刪除
  7. 袁太呢碟炒米粉真係好足料呀

    回覆刪除
  8. 配料多過粉呢,一定好味。

    回覆刪除
    回覆
    1. 我炒炒下都發現好似料多過粉呢

      刪除
  9. 回覆
    1. 即係湯米,炒米同炆米都鐘意?

      刪除
  10. 我好鐘意食炒米粉架,正呀!

    回覆刪除
  11. 正呀我好中意食米粉, 塊蛋餅炸到咁, 好難唔偷食!hahah..

    回覆刪除
  12. 回覆
    1. 好呀,黃師奶想外賣自取定送貨?

      刪除