2017年7月31日 星期一

[肉麻麵] 肉燥麻醬拌麵




一個好好聽的名字 ~肉麻麵~ , 即是肉燥麻醬麵 , 大家都知我家袁生好喜愛 ... 好喜愛食肉燥 ,好多時都會整肉燥做晚餐 , 今餐又來肉燥系列 ......



之前清潔廚房的時候發現有用剩的豆簽麵 (關廟麵) , 用來拌肉燥應該都幾夾 , 不過就咁用肉燥又太過普通 , 點知突然俾我發現雪櫃仲有樽花生醬 , 當我見到樽花生醬的時候 , 簡直當左佢係救星一樣 , 因為可以用來做麻醬 , 麻醬拌麵我鐘意 , 其實呢個肉麻麵做法好簡單 , 先煮左個肉燥先 , 再灼下銀芽 , 烚下蛋 , 炒下韭菜同調個麻醬 , 再將豆簽麵煮至軟身



咁一碗麵有齊肉類 , 菜類 , 雞蛋類同豆類 , 絕對有營養均衝又美味 , 袁生對呢碗肉麻麵簡直有讚冇彈 , 仲食得津津有味添 ^^



材料 : 豬肉碎 , 豆簽麵 , 韭菜 , 銀芽 , 雞蛋 , 乾蔥頭 , 麻油 , 幼滑花生醬 , 凍熟油 , 醬油膏 , 五香粉 , 胡椒粉 , 糖 , 水




韭菜切段 , 乾蔥頭去衣切片 , 韭菜段用水沖洗及瀝乾 , 燒紅鑊 , 先爆香乾蔥片 , 加入豬肉碎炒至稍為轉色 , 逐一加入調味料拌勻炒至豬肉熟透 , 再加入5杯水份量拌勻 , 用中火煮滾後蓋上蓋轉慢火煮45分鐘至收汁即成肉燥備用






















銀芽放入煲內 , 加水拌勻用中火煮滾後盛起 , 用水沖一沖洗及瀝乾 , 雞蛋洗淨放入煲內加水 , 用中火煮15分鐘至雞蛋熟透 , 用水沖洗至涼 , 再去蛋殼備用
















將韭菜段放入鑊中加少許鹽拌炒數分鐘 , 蓋上蓋用慢火煮3分鐘至軟身 , 加入銀芽拌勻備用 , 將凍熟油及麻油放入碗內 , 加入花生醬拌勻成麻醬 

















豆簽麵放入水中拌散煮至軟身放入大碗內 , 加入韭菜銀芽拌勻再放入碟或碗內 , 淋上麻醬及肉燥 , 最後放上雞蛋即可

 











 





材料
豬肉碎$15 , 豆簽麵 , 韭菜 , 銀芽 , 雞蛋4隻 , 乾蔥頭8粒 , 麻油 , 幼滑花生醬 , 凍熟油 , 醬油膏 , 五香粉 , 胡椒粉 , 糖 , 水

調味料
台灣醬油膏1湯匙 , 生抽 , 老抽 , 糖2茶匙 , 胡椒粉 , 五香粉1湯匙



做法
1. 韭菜切段 , 乾蔥頭去衣切片 , 韭菜段用水沖洗及瀝乾

2. 燒紅鑊 , 先爆香乾蔥片 , 加入豬肉碎炒至稍為轉色 

3. 逐一加入調味料拌勻炒至豬肉熟透 , 再加入5杯水份量拌勻 

4. 用中火煮滾後蓋上蓋轉慢火煮45分鐘至收汁即成肉燥備用

5. 銀芽放入煲內 , 加水拌勻用中火煮滾後盛起 , 用水沖一沖洗及瀝乾 

6. 雞蛋洗淨放入煲內加水 , 用中火煮15分鐘至雞蛋熟透 

7. 用水沖洗至涼 , 再去蛋殼備用

8. 將韭菜段放入鑊中加少許鹽拌炒數分鐘 , 蓋上蓋用慢火煮3分鐘至軟身 

9. 加入銀芽拌勻備用 

10. 將凍熟油及麻油放入碗內 , 加入花生醬拌勻成麻醬 

11. 豆簽麵放入水中拌散煮至軟身放入大碗內 , 加入韭菜銀芽拌勻再放入碟或碗內

12. 淋上麻醬及肉燥 , 最後放上雞蛋即可 




咁好味的肉燥麻醬麵 , 下次一定要再encore先得呢 ^^






18 則留言: