2017年8月28日 星期一

白蘿蔔煮魚鬆




前幾日又煲左一大煲素上湯放左係雪櫃 , 然後係街市買左條靚靚白蘿蔔 , 用上湯煮蘿蔔的話 ,蘿蔔完完全全吸收了上湯的味道 , 只係簡單想想都已經流口水 ......



以我既角度 , 煮蘿蔔當然要配魚鬆 , 魚鬆煎到金金黃黃 , 好鬼死吸引~~~ , 以前煮蘿蔔只會爆香蘿蔔後 , 加大量水煮至蘿蔔軟身就算 , 其實這樣做法絕對唔好 , 因會煮到蘿蔔冇晒味 , 想蘿蔔煮得好 , 其實都要花少少功夫 , 先爆香蘿蔔後 , 要逐少逐少加入上湯或水 , 每次炒至水份收乾後再加上湯或水 , 重複此步驟約4-5次至蘿蔔軟身 , 咁蘿蔔就會好好味 , 好入味架 (~哈~其實袁太都係睇電視學回來的)



今次用了自家製素上湯 , 絕對健康又美味 , 如果大家沒有自製上湯 , 可轉用普通上湯或水都可以呢 ^^



材料 : 白蘿蔔 , 鯪魚肉 , 自家素上湯 , 蔥粒 , 鹽 , 糖 , 麻油 , 胡椒粉




鯪魚肉放入大碗內加入醃料拌勻 , 用手將鯪魚肉撻十餘下後靜待30分鐘 , 白蘿蔔去皮切條 , 燒紅鑊 , 放入白蘿蔔條 , 加少許鹽拌勻炒香 , 逐少加入素上湯(每次加50ml) , 用中火拌炒至上湯收乾後再加入50ml上湯再炒 , 重複加上湯步驟4-5次炒至蘿蔔軟身 , 盛起備用



























將醃好的鯪魚肉放入鑊中用中火煎至兩面金黃色 , 盛起待涼10分鐘後切條






 

將之前炒好的白蘿蔔條及已切條的鯪魚肉回鑊 , 加入蠔油及胡椒粉調味快炒拌勻 , 熄火加入少許麻油及蔥粒拌勻即可











 


材料
白蘿蔔1條 , 鯪魚肉1/2斤 , 自家素上湯200~250ml , 蔥粒 , 鹽 , 糖 , 麻油 , 胡椒粉

醃料
生抽 , 鹽 , 糖 ,胡椒粉 , 麻油



做法
1. 鯪魚肉放入大碗內加入醃料拌勻 , 用手將鯪魚肉撻十餘下後靜待30分鐘

2. 白蘿蔔去皮切條 

3. 燒紅鑊 , 放入白蘿蔔條 , 加少許鹽拌勻炒香 , 逐少加入素上湯(每次加50ml) 

4. 用中火拌炒至上湯收乾後再加入50ml上湯再炒

5. 重複加上湯步驟4-5次炒至蘿蔔軟身 , 盛起備用

6. 將醃好的鯪魚肉放入鑊中用中火煎至兩面金黃色 , 盛起待涼10分鐘後切條

7. 將之前炒好的白蘿蔔條及已切條的鯪魚肉回鑊 

8. 加入蠔油及胡椒粉調味快炒拌勻 , 熄火加入少許麻油及蔥粒拌勻即可 




蘿蔔入晒味 , 魚肉又夠香口 , 超好味呢 ^^



18 則留言: