2017年8月15日 星期二

蠔油炆蘿蔔豬皮魚蛋




夏天的時候 , 袁太成日都會買白蘿蔔來煮 , 用來炆 , 炒 , 煲湯樣樣得 , 皆因白蘿蔔一向深得袁生喜愛 ...... 



袁生日常最愛飲用白蘿蔔煲的湯水 , 又喜愛用咖哩炆 , 雖然袁太都喜愛咖哩 , 不過最近面上多了幾粒大豆豆 , 暫時都係唔好食咁辛辣的食物會好些 , 唔用咖哩炆 , 可以轉用蠔油炆 , 再加上豬皮 , 魚蛋這類地道材料 , 快快手就炆好一大煲 , 豬皮完全吸收了汁料的味道 , 永遠都會係最受歡迎 , 而且炆蘿蔔豬皮可以當小食 , 可以當下午茶  , 又或者做晚餐餸菜同樣冇問題 , 真係好方便 , 仲平靚正添呢 ^^



材料 : 白蘿蔔 , 豬皮 , 迷你炸魚蛋 , 薑 , 蒜頭 , 蔥 , 冰糖 , 鹽 , 水 , 酒




炸魚蛋放入煲內 , 加少許鹽及水 , 用中火煮滾後沖一沖水再瀝乾 , 蒜頭去衣拍扁 , 薑去皮切片 , 蔥切段及幼絲











鑊中加入水 , 薑片 , 蔥段及酒 , 放入豬皮用中火煮滾 , 蓋上蓋繼續用中火煮15分鐘 , 熄火蓋焗20分鐘 , 盛起稍為待涼切成細片 , 用水沖一沖洗及瀝乾 , 白蘿蔔去皮切件
















燒紅鑊 , 爆香蒜頭有香味後加入白蘿蔔 , 調味料拌勻 , 再加入冰糖及4杯水份量拌勻 , 用中火煮滾後蓋上蓋轉慢火炆20分鐘















20分鐘後再加入豬皮及魚蛋拌勻 , 蓋上蓋繼續用慢火炆10分鐘 , 將材料轉放另一煲內 , 蓋上蓋焗1小時 , 食時再用中火煮熱即可











   


 
材料
白蘿蔔1條 , 豬皮3塊 , 迷你炸魚蛋1磅 , 薑 , 蒜頭1/2個 , 蔥 , 冰糖4粒 , 鹽 , 水4杯 , 酒

調味料
蠔油 , 生抽 , 老抽



做法
1. 炸魚蛋放入煲內 , 加少許鹽及水 , 用中火煮滾後沖一沖水再瀝乾 

2. 蒜頭去衣拍扁 , 薑去皮切片 , 蔥切段及幼絲

3. 鑊中加入水 , 薑片 , 蔥段及酒 , 放入豬皮用中火煮滾

4. 蓋上蓋繼續用中火煮15分鐘 , 熄火蓋焗20分鐘 

5. 盛起稍為待涼切成細片 , 用水沖一沖洗及瀝乾 , 白蘿蔔去皮切件

6. 燒紅鑊 , 爆香蒜頭有香味後加入白蘿蔔 , 調味料拌勻 , 再加入冰糖及4杯水份量拌勻 

7. 用中火煮滾後蓋上蓋轉慢火炆20分鐘 

8. 20分鐘後再加入豬皮及魚蛋拌勻 , 蓋上蓋繼續用慢火炆10分鐘 

9. 將材料轉放另一煲內 , 蓋上蓋焗1小時 , 食時再用中火煮熱即可 




蘿蔔豬皮魚蛋除左配咖哩好味之外 , 配蠔油炆都同樣美味呢 ^^





24 則留言:

  1. 我麻麻地食得辣,蠔油煮啱我食呀

    回覆刪除
  2. 咖喱我鐘意,但用蠔油煮我就更加喜歡

    回覆刪除
  3. 回覆
    1. 係呀,我試過冇出油就煮,好難食呢

      刪除
  4. 白蘿蔔我鐘意

    回覆刪除
  5. 蠔油煮簡單好味

    回覆刪除