2017年8月21日 星期一

椰菜煎素餃子




天氣持續悶熱 , 無論係街外或街內真係焗到暈 , 夜晚個餐有時真係唔想企係廚房煮飯 , 袁生當然會提議出街食 , 但識我的人都知我係一個唔喜愛出街食飯的人 , 所以決定 ......



就決定簡簡單單又包餃餃做晚餐 , 以往包餃子唔係用豬肉就雞肉 , 不過今次反而唔想整肉餃 , 食得多肉餃都有d厭 , 何況發現雪櫃有好多剩餘物資 , 有甘旬 , 有粟米 , 有椰菜 , 見有呢堆材料 , 就來個無肉版餃子 , 即係素餃 , 日常生活食咁多肉類 , 偶然要為身體進行一次大掃除 , 食多些蔬菜 , 身體都健康d



包好的餃子又想放湯煮 , 又想整煎餃子 , 最後同袁生都一樣想食煎既 , 咁就簡單放入鑊煎至兩面金黃 , 包剩的餡料用來拌飯都好好味 , 唔好以為只食餃子會唔夠飽喎 , 其實已經飽到上心口呢 ^^ 



材料 : 椰菜 , 豆腐卜 , 冬菇(預先浸軟) , 冬菇水 , 雞蛋 , 粟米 , 餃子皮 , 蒜頭 , 乾蔥頭 , 麻油 , 胡椒粉 , 鹽 , 糖 , 蔥 , 水


 

雞蛋打成蛋液 , 蒜頭去衣切粒 , 乾蔥頭去衣切粒 , 蔥切粒 , 蛋液放入鑊中用慢火拌勻炒成蛋碎 , 豆腐卜放入煲內 , 加水用中火煮至滾 , 盛起用水沖一沖洗及瀝乾 , 稍為待涼後渣乾水份 , 豆腐卜切細粒 , 冬菇切細粒 , 蛋碎再切碎 , 椰菜切碎 , 粟米放入電蒸鍋內蓋上蓋蒸15分鐘 , 盛起將粟米粒起出備用





















燒紅鑊 , 爆香蒜粒及乾蔥粒 , 加入冬菇粒及豆腐卜粒拌勻炒香 , 再加入椰菜 , 調味料拌勻 , 加入冬菇水及1/2杯份量的水拌勻 , 蓋上蓋用中火煮5分鐘至收汁


















最後加入粟米粒及蛋碎拌勻 , 將餡料盛起放入大碗內待涼20分鐘 , 將適量餡料放在餃子皮上 , 用水封口再對摺成餃子形 , 餃子上灑少許麵粉 , 蓋上保鮮紙入冰箱冷藏30分鐘 , 放入鑊中用慢火慢慢煎至兩面金黃即可






















 
材料
椰菜1個 , 豆腐卜 , 冬菇5隻(預先浸軟) , 冬菇水 , 雞蛋2隻 , 粟米1條 , 餃子皮 , 蒜頭1/2個 , 乾蔥頭3粒 , 麻油 , 胡椒粉 , 鹽 , 糖 , 蔥 , 水1/2杯

調味料
蠔油 , 鹽 , 糖 , 麻油 



做法
1. 雞蛋打成蛋液 , 蒜頭去衣切粒 , 乾蔥頭去衣切粒 , 蔥切粒 

2. 蛋液放入鑊中用慢火拌勻炒成蛋碎 

3. 豆腐卜放入煲內 , 加水用中火煮至滾 , 盛起用水沖一沖洗及瀝乾 , 稍為待涼後渣乾水份 

4. 豆腐卜切細粒 , 冬菇切細粒 , 蛋碎再切碎 , 椰菜切碎 

5. 粟米放入電蒸鍋內蓋上蓋蒸15分鐘 , 盛起將粟米粒起出備用

6. 燒紅鑊 , 爆香蒜粒及乾蔥粒 , 加入冬菇粒及豆腐卜粒拌勻炒香 

7. 再加入椰菜 , 調味料拌勻 , 加入冬菇水及1/2杯份量的水拌勻 

8. 蓋上蓋用中火煮5分鐘至收汁

9. 最後加入粟米粒及蛋碎拌勻 , 將餡料盛起放入大碗內待涼20分鐘 

10. 將適量餡料放在餃子皮上 , 用水封口再對摺成餃子形

11. 餃子上灑少許麵粉 , 蓋上保鮮紙入冰箱冷藏30分鐘 

12. 放入鑊中用慢火慢慢煎至兩面金黃即可




脆卜卜又健康的素餃子 , 包剩的餡料用來拌飯絕對一流呢 ^^


 





18 則留言: