2017年8月29日 星期二

豬扒菜飯




大家都知 , 平時袁生對於晚餐的要求 , 會好少俾意見我 , 例牌都係"是但喇"個句 , 或者由袁太發辦盡量煮袁生鐘意食既野 , 但突然袁生同我講 , 佢好想食菜飯喎 ......



我知袁生為何突然想食菜飯 ??? 好簡單 , 因為菜飯大多數都係用小棠菜來煮 , 我家袁生就最愛食小棠菜 , 反而我就唔太鐘意食小棠菜 , 因總覺小棠菜味道怪怪的 , 之但係如果用來做菜飯我又覺得幾好味 , 另外其實袁太有疑問 , 菜飯係咪一定要配排骨或豬扒呢 ??? , 因每次在街外食既菜飯套餐多數都係配排骨或豬扒 , 咁我就唔理咁多 , 一於死跟 , 何況冰箱見有好多塊梅頭豬扒肉 , 就換醒它們用來煮吧



街外食既一般都係上粉炸 , 不過最近感覺熱氣左少少 , 都係簡單醃好塊豬扒 , 再入鑊煎就算 , 雖然最後的製成品同出面街既樣貌有好大分別 , 不過啱自己口味就可以喇 , 何況我同袁生都覺得簡單的煎豬扒配上簡單的菜飯 , 都同樣地夾呢 ^^



材料 : 梅頭豬扒肉 , 小棠菜 , 蒜頭 , 乾蔥頭 , 白米 , 薑 , 酒 , 鹽 , 糖 , 生粉 , 魚露 , 胡椒粉 , 辣椒 , 素上湯 , 蔥




薑去皮蘑成薑汁蓉 , 分兩份(一份用黎醃豬扒 , 一份用黎炒小棠菜) , 豬扒用刀背拍一拍鬆兩面 , 再切件後放入器皿內 , 加入一份薑汁及醃料拌勻 , 蓋上保鮮紙靜待1小時 , 蔥洗淨切粒 , 蒜頭 , 去衣拍扁 , 乾蔥頭去衣切片 , 辣椒切粒














白米用水沖一沖洗及瀝乾 , 小棠菜加少許鹽 , 再加水浸過面靜待10分鐘後切碎 , 將小棠菜洗淨 , 瀝乾水份備用












  

鑊中加入油燒熱 , 蒜頭 , 乾蔥頭落鑊爆香至油有蒜香味 , 將蒜頭及乾蔥頭盛起 , 蒜香油盛起一半備用 , 盛起的蒜頭及乾蔥頭切碎 , 餘下鑊中的蒜油加入白米炒至乾身 , 加少許鹽及1杯份量素上湯拌勻炒至上湯收乾 , 將白米轉放入飯煲內 , 再加入餘下一杯份量的素上湯及100ml水拌勻(上湯及水的份量至平時煮飯的水量即可) , 按製將飯煮熟 



















小棠菜放入鑊中 , 加入餘下一份的薑汁 , 少許鹽及水拌勻 , 蓋上蓋用慢火煮3分鐘至小棠菜軟身 , 盛起備用












將醃好的豬扒除去保鮮紙靜待10分鐘 , 之前留起的蒜香油入鑊燒熱 , 加入豬扒用中火煎至兩面金黃色 , 加入己切碎的蒜頭及乾蔥頭 , 加少許魚露調味拌勻 , 可於豬扒面灑上蔥粒及辣椒粒 , 飯煮熟後焗30分鐘加入小棠菜拌勻即可















 
材料
梅頭豬扒肉10塊 , 小棠菜1斤 , 蒜頭1個 , 乾蔥頭5粒 , 白米4杯 , 薑 , 酒 , 鹽 , 糖 , 生粉 , 魚露 , 胡椒粉 , 辣椒2隻 , 素上湯500ml , 蔥


醃料
鹽 , 糖 , 生粉 , 魚露 , 酒 , 胡椒粉 , 生抽 , 老抽



做法
1. 薑去皮蘑成薑汁蓉 , 分兩份(一份用黎醃豬扒 , 一份用黎炒小棠菜) 

2. 豬扒用刀背拍一拍鬆兩面 , 再切件後放入器皿內 , 加入一份薑汁及醃料拌勻 

3. 蓋上保鮮紙靜待1小時 

4. 蔥洗淨切粒 , 蒜頭 , 去衣拍扁 , 乾蔥頭去衣切片 , 辣椒切粒

5. 白米用水沖一沖洗及瀝乾 

6. 小棠菜加少許鹽 , 再加水浸過面靜待10分鐘後切碎 , 將小棠菜洗淨 , 瀝乾水份備用

7. 鑊中加入油燒熱 , 蒜頭 , 乾蔥頭落鑊爆香至油有蒜香味 

8. 將蒜頭及乾蔥頭盛起 , 蒜香油盛起一半備用 , 盛起的蒜頭及乾蔥頭切碎 

9. 餘下鑊中的蒜油加入白米炒至乾身  , 加少許鹽及1杯份量素上湯拌勻炒至上湯收乾 

10. 將白米轉放入飯煲內 

11. 再加入餘下一杯份量的素上湯及100ml水拌勻(上湯及水的份量至平時煮飯的水量即可) 

12. 按製將飯煮熟 

13. 小棠菜放入鑊中 , 加入餘下一份的薑汁 , 少許鹽及水拌勻 

14. 蓋上蓋用慢火煮3分鐘至小棠菜軟身 , 盛起備用

15. 將醃好的豬扒除去保鮮紙靜待10分鐘 

16. 之前留起的蒜香油入鑊燒熱 , 加入豬扒用中火煎至兩面金黃色 

17. 加入己切碎的蒜頭及乾蔥頭 , 加少許魚露調味拌勻 , 可於豬扒面灑上蔥粒及辣椒粒 

18. 飯煮熟後焗30分鐘加入小棠菜拌勻即可
 



用煎代替炸 , 豬扒仍然好香口 , 菜飯又好味 , 呢餐食得好滿足呢 ^^






24 則留言:

  1. 整得好似上海舖D排骨菜飯!
    我成日都整菜飯, 因為唔中意就咁食菜, 混埋其他嘢先會食..HAHA

    回覆刪除
  2. 豬扒配菜飯好得喎

    回覆刪除
  3. 好吸引的豬扒菜飯

    回覆刪除
  4. 我都中意食豬扒菜飯,流口水啦~~

    回覆刪除
  5. 金金黃黃煎豬扒,加上有益菜飯,我都想食

    回覆刪除
  6. 我成日都整呢個, 簡單方便又好食!

    回覆刪除
    回覆
    1. 我都係鐘意簡單,所以好多時都會整菜飯架

      刪除