2017年8月3日 星期四

甜酸凍涼瓜




呢個星期的天氣真係熱到爆 , 唔好話出街 , 有時只係落樓下買野都成身汗 , 但又唔想開咁多冷氣 , 電費貴呢 , 而家八月就更加熱 , 真係糟糕 ......



不過每逢又熱又焗的天氣 , 我幾乎每個星期都會整飲品放係百寶箱(雪櫃) , 而今次的飲品有 ,係每年夏天必會整的~甜酸凍涼瓜~ , 我家袁生係一個話梅怪 , 經常性會買幾包話梅放在家 , 但見佢又食唔晒 , 所以袁太見有話梅剩 , 都會統統回收 , 回收後會進行加工程序 , 配上夏天的清新材料 , 亦都係我最愛的食材~涼瓜~ 



涼瓜呢樣野 , 如果平時用來炆既我會買雷公 , 但如果煲飲品或者用來炒或用來煎 , 我會比較鐘意買呢款長型涼瓜




大家可以想像 ~話梅的酸味 + 冰糖的甜味 + 涼瓜的甘苦味 = 味道超夾又解渴~ , 簡直一飲就愛上 , 自從煲左一次之後 , 每逢夏天都會變成袁家的消暑解渴飲品呢 ^^



材料 : 長型涼瓜 , 冰糖 , 九製話梅 , 鹽 , 水 , 玻璃樽






涼瓜切半刮去囊 , 切薄片後放入大碗內 , 加入2茶匙鹽拌勻靜待10分鐘 , 用水沖一沖洗再將涼瓜渣乾水份 , 再放入大碗內加入冰水浸過面靜待20分鐘


















煲內放入話梅及冰糖 , 加入3000ml水 , 用中火煮至冰糖溶 , 蓋上蓋用中火煲30分鐘 , 期間小心滾瀉 , 將涼瓜片瀝乾水份備用













煲30分鐘後試味 , 話梅的酸味 , 冰糖的甜味OK便可熄火焗10分鐘 , 開蓋再靜待30分鐘至涼 , 涼後放入涼瓜片拌勻 , 逐一放入玻璃樽內 , 蓋上蓋放入雪櫃靜待一晚至涼瓜出味即可
















材料
長型涼瓜1條 , 冰糖180g , 九製話梅16粒 , 鹽 , 水3000ml , 玻璃樽



做法
1. 涼瓜切半刮去囊 

2. 切薄片後放入大碗內 , 加入2茶匙鹽拌勻靜待10分鐘 

3. 用水沖一沖洗再將涼瓜渣乾水份 , 再放入大碗內加入冰水浸過面靜待20分鐘

4. 煲內放入話梅及冰糖 , 加入3000ml水 

5. 用中火煮至冰糖溶 , 再拌一拌勻材料 , 蓋上蓋用中火煲30分鐘 

6. 期間小心滾瀉 

7. 將涼瓜片瀝乾水份備用

8. 煲30分鐘後試味 , 話梅的酸味 , 冰糖的甜味OK便可熄火焗10分鐘 

9. 開蓋再靜待30分鐘至涼 , 涼後放入涼瓜片拌勻

10. 逐一放入玻璃樽內 , 蓋上蓋放入雪櫃靜待一晚至涼瓜出味即可






雪左一晚的涼瓜出晒味 , 而且浸透一晚的涼瓜同話梅都好好味呢 ^^







20 則留言:

  1. 涼瓜有益, 夏天食最夾. 😊

    回覆刪除
    回覆
    1. 夏天我唔係買蘿蔔,就係買涼瓜煮呢

      刪除
  2. 看來唔錯,有機會都要試煲下

    回覆刪除
  3. 話梅配涼瓜對我黎講個配搭好新鮮

    回覆刪除
  4. 我都好鐘意涼瓜架

    回覆刪除
  5. 回覆
    1. 有呀,浸左一晚,d涼瓜的甘苦味都出晒黎,同話梅的酸味好夾

      刪除
  6. 回覆
    1. 我有朋友都唔食涼瓜,但我俾佢試飲左呢個之後,佢都愛上呢

      刪除
  7. 話梅番茄我整過,苦瓜未試過,而且又可以飲得,好特別。

    回覆刪除
  8. 涼瓜話梅聽過,但未飲過

    回覆刪除