2017年8月31日 星期四

鹹魚肉碎扒豆腐花




鹹魚呢家野我屋企個位袁生喜歡到不得了 , 逢係用鹹魚做的小菜都非常喜歡 , 好似有鹹魚蒸肉餅 , 有用鹹魚做的魚香茄子 , 用鹹魚做的沙律 , 用鹹魚做的炒飯佢統統都愛 , 可以稱得上係一位鹹魚怪 ......



去街市見到鹹魚靚靚 , 諗住簡單用來炒肉碎都已經好味道 , 後來經過豆腐店見有豆腐花賣 , 看來都幾滑滑 , 就買左一碗用黎蒸 , 用黎放係鹹魚肉碎底 , 一定好好拌飯 , 平時豆腐花我唔太鐘意甜食 , 喜歡買豆腐花走糖水走黃糖 , 回家再加工變成一個鹹食 , 又經濟又好味 , 又好好拌飯的一道簡單家常菜 , 連平時唔多喜愛食豆腐的袁生都話呢個餸無得頂 , 唔知係味因為有佢至愛的鹹魚呢 ^^



材料 : 鹹魚 , 豬肉碎 , 蒜頭 , 乾蔥頭 , 豆腐花(無糖水) , 糖 , 生粉 , 上湯 , 麻油 , 胡椒粉 , 酒 , 蔥




豬肉碎放入大碗內加入醃料拌勻靜待30分鐘 , 蒜頭 , 乾蔥頭去衣切粒 , 蔥切粒 , 鹹魚去骨切粒









燒紅鑊 , 爆香蒜粒及乾蔥粒 , 加入鹹魚粒拌勻炒數分鐘至鹹魚出味 , 加入豬肉碎炒至轉色 , 再加入少許蠔油 , 胡椒粉及酒調味拌勻炒至豬肉熟透














將上湯加入豆腐花內 , 放入電蒸鍋內蓋上蓋蒸10分鐘 , 蒸好取出倒去多餘水份 , 將鹹魚肉碎淋上豆腐花上, 最後灑上蔥粒即可














材料
鹹魚2片 , 豬肉碎$25 , 蒜頭1/2個 , 乾蔥頭5粒 , 豆腐花1碗(無糖水) , 糖 , 生粉 , 上湯100ml , 麻油 , 胡椒粉 , 酒 , 蔥

醃料
生抽 , 糖 , 生粉 , 胡椒粉 , 麻油 , 水



做法
1. 豬肉碎放入大碗內加入醃料拌勻靜待30分鐘 

2. 蒜頭 , 乾蔥頭去衣切粒 , 蔥切粒 , 鹹魚去骨切粒 

3. 燒紅鑊 , 爆香蒜粒及乾蔥粒 , 加入鹹魚粒拌勻炒數分鐘至鹹魚出味 

4. 加入豬肉碎炒至轉色

5. 再加入少許蠔油 , 胡椒粉及酒調味拌勻炒至豬肉熟透

6. 將上湯加入豆腐花內 , 放入電蒸鍋內蓋上蓋蒸10分鐘 , 蒸好取出倒去多餘水份 

7. 將鹹魚肉碎淋上豆腐花上, 最後灑上蔥粒即可 




鹹魚肉碎夠香濃 , 豆腐花又夠滑滑 , 好味道呢 ^^






16 則留言: