2017年8月14日 星期一

香煎素腐皮卷 , 蠔油浸素腐皮卷




每當晚餐會煮炒粉麵的時候 , 必然會剩下好多材料入雪櫃 , 當然喇 , ~椰菜呀~ ~甘旬呀~ ~銀芽~ 全部只用了半個 , 半條 , 半份 , 放係雪櫃又唔知幾時先會用來煮 , 所以最好辦法 ... 就係清晒佢 , 最好用來做餡料 , 包春卷或腐皮卷都得 ......



而我就當然選擇整腐皮卷 , 因為雪櫃有幾塊腐皮 , 最愛腐皮卷煎到脆卜卜 , 好鬼好味 , 而今次的餡料沒有加任何肉類 , 又是素卷卷黎呢



一塊腐皮可以整8條腐皮卷 , 袁太就整左18條 , 都唔需要好多時間都已經食完 , 可以清清雪櫃餘貨之餘 , 仲有美味的食物 , 真係一舉幾得 , 唔知大家食腐皮卷喜愛乾煎還是打獻汁呢 ??? 袁太就喜愛就咁乾煎 , 袁生都喜愛乾煎 , 不過亦喜愛蠔油獻 , 咁就留起兩條俾佢 , 用蠔油浸 , 兩樣都整 , 方便大家呢 ......

 

材料 : 腐皮 , 椰菜 , 冬菇(預先浸軟) , 冬菇水 , 甘旬 , 沙葛 , 銀芽 , 木耳絲(用水先浸軟) , 雞粉 , 鹽 , 糖 , 生粉 , 胡椒粉 , 麻油 , 錫紙




銀芽放入煲內加入水 , 用中火煮至滾後 , 將銀芽盛起用水沖一沖洗及瀝乾 , 甘旬去皮切絲 , 沙葛去皮切條 , 冬菇切片 , 椰菜切絲 , 木耳絲瀝乾水份











燒紅鑊 , 先爆香冬菇有香味 , 逐一加入甘旬 , 沙葛及椰菜拌勻炒至椰菜軟身 , 加入調味料及冬菇水用中火拌勻炒至汁料半收乾 , 再加入木耳絲及銀芽拌勻 , 盛起放在錫紙上待涼20分鐘




















腐皮用濕布抹好 , 對摺切開 (一張可剪成八塊) , 將適量餡料放在腐皮下方 , 再卷起 , 用水封口 , 將腐皮卷放上碟 , 碟預先用牛油紙墊底 , 放入電蒸鍋內蓋上蓋蒸20分鐘 , 期間將適量腐皮卷放入碗內 , 獻汁放入碗內拌勻 , 淋入腐皮卷內靜待10分鐘

















蒸20分鐘後的腐皮卷放入鑊中用慢火慢慢煎至兩面金黃色 , 蠔油獻浸10分鐘後放入電蒸鍋內蓋上蓋蒸15分鐘即可

 










材料
腐皮3塊 , 椰菜1個 , 冬菇6隻(預先浸軟) , 冬菇水 , 甘旬1條 , 沙葛1個 , 銀芽 , 木耳絲(用水先浸軟) , 雞粉 , 鹽 , 糖 , 生粉 , 胡椒粉 , 麻油 , 錫紙

調味料
蠔油 , 生抽 , 老抽 , 鹽 , 糖 , 麻油 

獻汁
蠔油 ,生抽 , 老抽 , 糖 , 雞粉 , 生粉 , 鹽 , 水



做法
1. 銀芽放入煲內加入水 , 用中火煮至滾後 , 將銀芽盛起用水沖一沖洗及瀝乾 

2. 甘旬去皮切絲 , 沙葛去皮切條 , 冬菇切片 

3. 椰菜切絲 , 木耳絲瀝乾水份

4. 燒紅鑊 , 先爆香冬菇有香味 , 逐一加入甘旬 , 沙葛及椰菜拌勻炒至椰菜軟身 

5. 加入調味料及冬菇水用中火拌勻炒至汁料半收乾 

6. 再加入木耳絲及銀芽拌勻 , 盛起放在錫紙上待涼20分鐘

7. 腐皮用濕布抹好 , 對摺切開 (一張可剪成八塊) 

8. 將適量餡料放在腐皮下方 , 再卷起 , 用水封口 

9. 將腐皮卷放上碟 , 碟預先用牛油紙墊底 , 放入電蒸鍋內蓋上蓋蒸20分鐘

10. 期間將適量腐皮卷放入碗內 , 獻汁放入碗內拌勻 , 淋入腐皮卷內靜待10分鐘

11. 蒸20分鐘後的腐皮卷放入鑊中用慢火慢慢煎至兩面金黃色 

12. 蠔油獻浸10分鐘後放入電蒸鍋內蓋上蓋蒸15分鐘即可




對我來說 , 無論製作春卷或腐皮卷 , 都係用素材料最好味呢 ^^






18 則留言:

  1. 兩樣都喜歡, 不過我老公大愛蠔油個款👍🏻

    回覆刪除
  2. 只係見到餡料都好想食呀

    回覆刪除
  3. 香煎或者蠔油浸都好味道

    回覆刪除
  4. 整得好靚,唔使用𧐢油都好味。

    回覆刪除
  5. 兩款都好味,用上素材料更加吸引

    回覆刪除
  6. 我喜歡煎個款呀

    回覆刪除