2017年8月8日 星期二

潮州蒸粉果




平時出街食粉果就食得多 , 自己係包粉果都係第一次 , 其實未整之前都覺得應該會幾難整 , 同埋一定會包得好樣衰 , 因此始終搓麵糰唔係袁太強項 ......



事關有一日袁太突然想包粉果做下午茶 , 點知隔離的袁生就撥冷水 , 只係講~妳邊整到呀 , 出街買好過喇~ 就係因為袁生呢句說話 , 我就更加要自己試下包 , 唔可以衰俾佢睇 , 我知整粉果的皮除左澄麵同生粉外 , 仲要木薯粉 , 木薯粉我係東南亞材料店賣




通常出面食的粉果 , 入面餡料一般為沙葛 , 冬菇 , 芹菜 , 蝦米 , 花生同韭菜 , 不過由於袁生唔喜愛韭菜的關係 , 所以就飛起韭菜 , 轉用芫茜 , 不過由於袁太係唔知點樣包的情況下 , 好似包到餃子咁 , 包好就即刻蒸俾袁生食 , 食粉果當然紅辣椒油或辣椒醬一齊食 , 袁太一直留意袁生的表情 , 當袁生咬左一啖後 , 既然話OK , 話好味 , 話個皮雖然厚左少少 , 但都夠滑 , 而且仲話估唔到我會整得到 , 只係賣相好似差左少少呢 ......



材料 : 木薯粉 , 澄麵 , 生粉 , 冬菇(預先浸軟) , 豬肉碎 , 沙葛 , 蝦米 , 花生 , 生粉 , 芫茜 , 胡椒粉 , 鹽 , 糖 , 雞粉 , 麵棍 , 刮 , 牛油紙




豬肉碎放入大碗內加入醃料拌勻靜待30分鐘 , 蝦米浸水至軟身 , 冬菇切粒 , 沙葛去皮切粒 , 蝦米切粒 , 芫茜切碎 , 調味料放入大碗內加80ml水拌勻備用














燒紅鑊 , 將豬肉碎放入鑊中炒至轉色先盛起 , 原鑊加入冬菇及蝦米粒拌勻炒香 , 加入沙葛粒及芫茜拌炒數分鐘 , 將豬肉碎回鑊 , 倒入調味料拌勻炒至豬肉熟透 , 盛起材料待涼30分鐘


















生粉 , 木薯粉 , 澄麵 , 少許鹽及糖用膠刮拌勻 , 加入500ml熱水快手拌勻成麵糊 , 枱上灑上木薯粉 , 將麵糊稍為放涼後搓成麵糰 , 逐少加入油再搓成圓球 , 麵糰搓成長條型 , 平均切出小麵糰 , 將每個小麵糰用手壓扁 , 再用麵棍整成圓餅形

























將之前待涼的餡料放入大碗內加入花生拌勻 , 適量的餡料放在麵皮上包成粉果形 , 器皿內放上牛油紙 , 放上粉果 , 放入電蒸鍋內蓋上蓋蒸10分鐘即可



















材料
木薯粉200g , 澄麵160g , 生粉50g , 冬菇3隻(預先浸軟) , 豬肉碎$15 , 沙葛1個 , 蝦米 , 花生 , 生粉 , 芫茜 , 胡椒粉 , 鹽 , 糖 , 雞粉1茶匙 , 麵棍 , 刮 , 牛油紙 

醃料
生抽 , 糖 , 生粉 , 雞粉 , 鹽 , 胡椒粉 , 麻油 , 水

調味料
鹽 , 糖 , 蠔油 , 胡椒粉 ,  水80ml




做法
1. 豬肉碎放入大碗內加入醃料拌勻靜待30分鐘 

2. 蝦米浸水至軟身 , 冬菇切粒 , 沙葛去皮切粒 , 蝦米切粒 , 芫茜切碎 

3. 調味料放入大碗內加80ml水拌勻備用

4. 燒紅鑊 , 將豬肉碎放入鑊中炒至轉色先盛起 

5. 原鑊加入冬菇及蝦米粒拌勻炒香 , 加入沙葛粒及芫茜拌炒數分鐘 

6. 將豬肉碎回鑊 , 倒入調味料拌勻炒至豬肉熟透 , 盛起材料待涼30分鐘

7. 生粉 , 木薯粉 , 澄麵 , 少許鹽及糖用膠刮拌勻 

8. 加入500ml熱水快手拌勻成麵糊 , 枱上灑上木薯粉 , 將麵糊稍為放涼後搓成麵糰 

9. 逐少加入油再搓成圓球

10. 麵糰搓成長條型 , 平均切出小麵糰 , 將每個小麵糰用手壓扁 

11. 再用麵棍整成圓餅形 

12. 將之前待涼的餡料放入大碗內加入花生拌勻 

13. 適量的餡料放在麵皮上包成粉果形

14. 器皿內放上牛油紙 , 放上粉果 , 放入電蒸鍋內蓋上蓋蒸10分鐘即可




賣相不討好但味道超好的蒸粉果 , 熱辣辣沾辣椒油係最好味道呢 ^^




22 則留言:

  1. 已经好靚喇,睇見都想食!

    回覆刪除
    回覆
    1. 影覺得靚咋,其實有幾個係爛左個底架

      刪除
  2. 唔係呀,賣相好靚喎

    回覆刪除
  3. 我都好鐘意食粉果呀

    回覆刪除
  4. 回覆
    1. 我都覺得今次包的味道唔錯,只係個賣相……

      刪除
  5. 回覆
    1. 我都鐘意,不過有時係街食既,有好鬼多韭菜架

      刪除
  6. 回覆
    1. 咁妳平時織的小公仔都好叻叻呢

      刪除
  7. 我星期日都整左粉果呀。下次我試下你的食譜先。

    回覆刪除
  8. 自製粉果~~我要少少辣油唔該~!

    回覆刪除
  9. 粉果超好味,我都好鐘意食

    回覆刪除
  10. 漲卜卜,好得意~~你包得好靚~

    回覆刪除
    回覆
    1. 其實唔太靚架咋,不過起碼蒸完都冇爆開

      刪除