2017年8月9日 星期三

香煎蜜桃豬扒




假日清潔廚房的時候 , 發現廚櫃上有罐地們蜜桃 , 究竟我係幾時買回家 ??? 快快手清一清 , 但又唔想整沙律 , 又唔想整甜品 , ~哼~ 一於用來煮餸吧 , 煮雞翼還是煮豬扒好 ??? 俾我選擇的話 , 我會選擇雞翼 , 不過大家知喇 , 袁太唔食得雞 , 而且我知袁生會會喜愛豬扒多一些 , 而我的推段果然冇錯 , 袁生要求 ~豬扒~ ......



決定好煮豬扒之後 , 就去急凍店買靚靚的梅頭豬扒肉 , 回家剁好切件醃佢一晚 , 呢個豬扒除有蜜桃外 , 袁太仲加左洋蔥同青椒 , 一定好好送飯 , 我亦知袁生唔太喜愛食加熱左的生果 , 例如士多啤梨骨 , 香橙排骨 , 菠蘿紅燒肉佢統統唔食 , 反而我就好喜歡食 , 但又唔煮得



所以唯一辦法 , 就整好豬扒後熄火才加入蜜桃粒拌勻 , 咁蜜桃就唔會太熱 , 袁生就應該唔會有問題呢 ^^



材料 : 梅頭豬扒肉 , 洋蔥 , 青椒 , 罐頭蜜桃 , 蔥 , 麻油 , 胡椒粉 , 糖 , 生粉




梅頭豬扒肉解凍用刀背拍鬆兩面後切件放入大碗內 , 加入醃料拌勻 , 蓋上保鮮紙入雪櫃靜待一晚 , 翌日將青椒去籽切條 , 洋蔥去衣切條 , 蔥切段 , 蜜桃切粒備用













燒紅鑊 , 將豬扒放入鑊中煎至兩面金黃色先盛起 , 原鑊加入洋蔥及青椒炒香至洋蔥軟身 , 將豬扒回鑊 , 倒入醃豬扒汁(將醃豬扒的汁加入少許水拌勻)用中火快炒至汁料收乾 , 熄火加入蔥段及蜜桃粒拌勻即可


















材料
梅頭豬扒肉6塊 , 洋蔥1個 , 青椒1個 , 罐頭蜜桃1罐 , 蔥 , 麻油 , 胡椒粉 , 糖 , 生粉

醃料
生抽 , 老抽 , 糖 , 胡椒粉 , 麻油 , 生粉 , 水



做法
1. 梅頭豬扒肉解凍用刀背拍鬆兩面後切件放入大碗內 

2. 加入醃料拌勻 , 蓋上保鮮紙入雪櫃靜待一晚 

3. 翌日將青椒去籽切條 , 洋蔥去衣切條 , 蔥切段 , 蜜桃切粒備用

4. 燒紅鑊 , 將豬扒放入鑊中煎至兩面金黃色先盛起 

5. 原鑊加入洋蔥及青椒炒香至洋蔥軟身 

6. 將豬扒回鑊 , 倒入醃豬扒汁(將醃豬扒的汁加入少許水拌勻)用中火快炒至汁料收乾 

7. 熄火加入蔥段及蜜桃粒拌勻即可




如果大家唔喜愛罐頭蜜桃 , 轉用水蜜桃或橙肉都可以呢 ^^



22 則留言:

  1. 見到第一張相,已經好想食

    回覆刪除
  2. 顏色好靚,好想食

    回覆刪除
  3. 洋蔥,蜜桃同豬扒,我全部都鐘意食

    回覆刪除
  4. 好吸引啊, 樣樣都想食. 😍

    回覆刪除
  5. 回覆
    1. 係呀,偶然都會見到靚豬扒肉

      刪除
  6. 我見到賣相咁靚,都流晒口水

    回覆刪除
  7. 我都好鍾意用生果入饌架,有點鮮味,好好食。

    回覆刪除
    回覆
    1. 係呀,不過我只係鐘意用蜜桃同菠蘿煮餸呢

      刪除
  8. 呢款豬扒好正,加蜜桃仲正

    回覆刪除
  9. 回覆
    1. 我都記得黃師奶老公鐘意食豬扒呢

      刪除