2017年8月16日 星期三

燕麥粟米斑塊




最近袁生袁太為了袁生妹妹的家事好煩惱 , 雖然人地兩夫妻的事唔到我們插手 , 但真係越來越火遮眼 , 事問一個男人娶左個老婆回家 , 同老爺奶奶住都唔係一個問題 , 但係咪咩都睇呀爸呀媽頭 , 自己又冇主見 , 最衰係連老婆有病都唔理 , 將老婆掉番去個外母度照顧 , 又不聞不問 , 呢類人根本唔係一個男人 , 我同袁生放長雙眼睇佢幾時有報應 ......



說回主題吧 , 是日晚餐的主角~魚柳~ , 無論早餐 , 晚餐都愛食魚柳的我 , 最愛沾沙律醬 , 袁生比較喜愛淋粟米汁 , 即係粟米斑塊個類 , 不過其實我都鐘意既 , 所以就煮埋個粟米汁 , 整成粟米斑塊



煮粟米汁的時候我靜雞雞落左少少燕麥片 , 點解我要靜雞雞 , 好簡單 , 因為袁生係唔鐘意食呢類型的健康食物 , 所以我偷偷地加入粟米汁同煮 , 咁就可以令袁生食左落肚都唔發覺 , 呢個粟米斑塊真係好鬼好味 , 攪到袁太都食左兩碗半飯呢 ^^



材料 : 龍利柳 , 粟米蓉 , 粟米粒 , 雞蛋 , 快熟燕麥片 , 鹽 , 生粉 , 黑胡椒粒 , 胡椒粉 , 水 , 芫茜(裝飾用可省略)




急凍魚柳解凍後抹乾水份切件放入大碗內 , 加入1/2隻雞蛋的蛋黃 , 少許鹽 , 胡椒粉拌勻醃10分鐘












將餘下1/2隻雞蛋及1隻雞蛋放入大碗內拌勻成蛋液備用 , 碟放入生粉及黑胡椒粒拌勻 , 將每塊魚柳兩面沾上薄薄一層粉 , 放入鑊中以半煎炸方式成淺黃色 , 盛起隔去油份靜待20分鐘














粟米蓉放入煲內 , 加入粟米粒 , 300ml水及燕麥片拌勻 , 用中火煮10分鐘至滾後熄火 , 加入蛋液拌勻 , 再加入少許鹽及胡椒粉調味成粟米汁 , 將魚柳放回鑊中用中火半煎炸至金黃色即可





















材料
龍利柳2條 , 粟米蓉1盒 , 粟米粒 , 雞蛋2隻 , 快熟燕麥片2湯匙 , 鹽 , 生粉 , 黑胡椒粒 , 胡椒粉 , 水300ml , 芫茜(裝飾用可省略)



做法
1. 急凍魚柳解凍後抹乾水份切件放入大碗內 

2. 加入1/2隻雞蛋的蛋黃 , 少許鹽 , 胡椒粉拌勻醃10分鐘

3. 將餘下1/2隻雞蛋及1隻雞蛋放入大碗內拌勻成蛋液備用 

4. 碟放入生粉及黑胡椒粒拌勻 

5. 將每塊魚柳兩面沾上薄薄一層粉 , 放入鑊中以半煎炸方式成淺黃色 

6. 盛起隔去油份靜待20分鐘

7. 粟米蓉放入煲內 , 加入粟米粒 , 300ml水及燕麥片拌勻 , 用中火煮10分鐘至滾後熄火

8. 加入蛋液拌勻 , 再加入少許鹽及胡椒粉調味成粟米汁 

9. 將魚柳放回鑊中用中火半煎炸至金黃色即可 




脆卜卜又香口的魚柳 , 簡單又美味 , 而粟米汁拌飯一流呢 ^^






22 則留言:

  1. 粟米汁拌飯真係好正呢

    回覆刪除
    回覆
    1. 我用粟米汁都可以食到兩碗飯架

      刪除
  2. 我都鐘意用呢款粟米蓉

    回覆刪除
    回覆
    1. 我每次煮粟米都會用呢款粟米蓉架

      刪除
  3. 我都好喜歡粟米汁拌飯架! yummy. 😘

    回覆刪除
  4. 好足料呀, 一定好好好好食!
    夫妻間既野, 外人都係理唔到架啦, 希望位男士拎番多少少男子氣概出黎啦!

    回覆刪除
    回覆
    1. 唉…都唔知點解世間上會有呢類的男人

      刪除
  5. 我之前都有煮哩個,不過就只係煎魚塊~~

    回覆刪除
    回覆
    1. 就咁煎魚塊我覺得比較淋身,我鐘意脆卜卜的魚塊呢

      刪除
  6. 魚塊正,粟米汁仲正

    回覆刪除
    回覆
    1. 所以兩者配合真係好味到不得了

      刪除