2017年8月20日 星期日

[有味飯系列] 粒粒香菇栗子飯




最近的天氣簡直熱到暈 , 好似話下星期仲會打風添 , 咁熱的天氣 , 企係廚房煮野又如中暑一樣 , 所以最近都係煲湯呀 , 湯飯 , 炒飯 , 炒粉麵都出多左 , 因為一碟一碗過 , 絕對快 ... 靚 ... 正 .....



今次又黎煮有味飯 , 有味飯做法簡單 , 大大碗又夠飽肚 , 袁太曾經煮過栗子臘味飯已經覺得好好味 , 好滿足之後 , 今次依然都係栗子有味飯系列 , 今次唔用臘味 , 換來同樣香噴噴的啡/白蘑菇 , 冬菇同煙肉 , 做法只將白米炒香放入飯煲 , 再上湯煮下其餘材料 , 再同白米拌勻按製煮熟就可 , 係咪好簡單呢 



煮好後的菇菇香味出晒黎 , 栗子又軟軟 , 飯吸收晒所有配料的味道 , 真係非常~yummy yummy~ , 而且有栗子 , 絕對夠晒飽肚 , 一窩飯已經可以完全代替晚餐 , 所以夏天炎熱的天氣 , 或者冬天寒冷的天氣 , 一定要有碗有味飯陪伴左右呢 ^^



材料 : 白米 , 冬菇(預先浸軟) , 冬菇水 , 啡/白磨菇 , 煙肉 , 栗子 , 蔥 , 上湯 , 薑 , 酒 , 鹽 , 胡椒粉 , 水




栗子放入煲內 , 加水蓋過面用中火煮滾 , 盛起趁熱去殼 , 將栗子肉沖一沖洗及瀝乾 , 冬菇切粒 , 煙肉切細片 , 薑去皮切粒 , 蔥切粒 , 啡/白蘑菇切粒 , 白米用水沖一沖洗及瀝乾














燒紅鑊 , 先爆香薑粒 , 再加入白米用中火炒至乾身 , 放入電飯煲內備用










將煙肉放入鑊中爆香 , 加入啡/白磨菇粒及冬菇粒 , 贊少許酒炒至軟身 , 加入栗子 , 冬菇水 , 一半份量上湯及1/2杯水份量拌勻 , 用中火煮滾後蓋上蓋轉慢火煮5分鐘


















將煮好的配料連汁料放入飯煲內的白米上 , 加少許鹽 , 胡椒粉 , 生抽及餘下一半份量上湯拌勻(如煮飯的水量唔夠 , 可自行加入水至日常煮飯的份量) , 按製煮至飯熟後焗30分鐘 , 拌一拌勻飯同配料 , 最後灑上蔥粒拌勻即可


















材料
白米4杯 , 冬菇8隻(預先浸軟) , 冬菇水 , 啡/白磨菇 , 煙肉3片 , 栗子1磅半 , 蔥 , 上湯400ml , 薑 , 酒 , 鹽 , 胡椒粉 , 水1/2杯



做法
1. 栗子放入煲內 , 加水蓋過面用中火煮滾 , 盛起趁熱去殼 

2. 將栗子肉沖一沖洗及瀝乾 

3. 冬菇切粒 , 煙肉切細片 , 薑去皮切粒 , 蔥切粒 , 啡/白蘑菇切粒 

4. 白米用水沖一沖洗及瀝乾

5. 燒紅鑊 , 先爆香薑粒 , 再加入白米用中火炒至乾身 , 放入電飯煲內備用

6. 將煙肉放入鑊中爆香 , 加入啡/白磨菇粒及冬菇粒 , 贊少許酒炒至軟身 

7. 加入栗子 , 冬菇水 , 一半份量上湯及1/2杯水份量拌勻 

8. 用中火煮滾後蓋上蓋轉慢火煮5分鐘 

9. 將煮好的配料連汁料放入飯煲內的白米上 

10. 加少許鹽 , 胡椒粉 , 生抽及餘下一半份量上湯拌勻
     (如煮飯的水量唔夠 , 可自行加入水至日常煮飯的份量) 

11. 按製煮至飯熟後焗30分鐘 , 拌一拌勻飯同配料 , 最後灑上蔥粒拌勻即可 




袁太極力推介呢個 "栗子飯" , 真係好香好味到暈 , 大家有機會都試下整呢 ^^




19 則留言:

  1. 呢個飯有栗子同冬菇,夠正氣

    回覆刪除
  2. 用電飯煲煮簡單好味

    回覆刪除
  3. 回覆
    1. 我屋企附近街市一年四季都有栗子賣呢

      刪除
  4. 我都想食呢個香噴噴栗子飯

    回覆刪除
  5. 我要嘗做,冬菇栗子我鐘意食

    回覆刪除
  6. 栗子我都好鍾意,但肥人唔識點去殼呀!

    回覆刪除