2017年9月20日 星期三

芝士焗肉醬意粉




唔知大家喜唔喜愛肉醬意粉呢 ??? 唔講意粉 , 肉醬簡直係我家袁生的至愛 , 無論咩肉醬煎蛋飯 , 肉醬千層闊麵佢統統都愛 , 袁生係一個只要有肉醬就可以食幾碗飯的人 , 不過相反我就麻麻地愛肉醬呢 ......



可能感覺肉醬係一樣容易飽肚的食物 , 就算好肚餓 , 食兩三啖已經有少少頂胃(~哈~ 純粹袁太個人感覺) , 不過只要個麻煩友喜歡 , 袁太都會配合佢 , 遷就佢 , 實行做100%的好老婆



昨日袁生又要求想食肉醬 , 得得得 , 我即刻去買材料 , 本應想整肉醬千層闊麵 , 印象中以為雪櫃還有半盒闊麵 , 點知 ... 原來之前已經食晒 , 好彩還有包意粉未開封 , 不過都要問問袁生意粉收唔收貨 , 如果佢堅持要食闊麵 , 就要再落街買 , 好彩袁生話意粉都冇問題 , 只要有多多肉醬就得 , 而袁生亦要求今次要用焗的方法 , 簡簡單單將肉醬淋在意粉上 , 再灑上芝士碎 , 放入焗爐焗至芝士溶就可以 , 因袁生係一個芝士怪 , 袁生成日話食過袁太整的肉醬 , 真係唔想食街外個d喎 , 真係氹到我好鬼開心呢 ^^



材料 : 免治牛肉碎 , 豬肉碎 , 蕃茄 , 煙肉 , 洋蔥 , 芹菜 , 茄膏 , 自家雞上湯(如沒有可用現成雞湯代替) , 芝士碎 , 意粉 , 鹽 , 黑胡椒碎 , 水




牛肉碎及豬肉碎放入大碗內加少許鹽 , 黑胡椒碎拌勻靜待30分鐘 , 蕃茄洗淨切粒 , 洋蔥去皮切粒 , 煙肉切細片, 芹菜莖切段 , 用水沖一沖洗及瀝乾












 

煲內加入少許油 , 加入蕃茄 , 芹菜 , 洋蔥拌炒至出茄油 , 加入煙肉炒至熟透 , 再加入牛肉碎 , 豬肉碎拌勻炒至轉色 , 逐一加入茄膏 , 上湯及水(約500ml)拌勻 , 用中火煮滾後轉慢火蓋上蓋煮1小時(期間要不時攪拌以免黏底) , 1小時後加入少許鹽及黑胡椒碎拌勻調味 , 熄火蓋上蓋焗30分鐘成肉醬備用 






























將意粉放入水中 , 跟包裝上說明用中火煮9分鐘至軟身 , 盛起瀝乾水份放入焗盤內 , 淋上適量肉醬 , 灑上芝士碎 , 放入焗爐最低層 , 用200C上火焗10分鐘至芝士溶或金黃色即可


 
















材料
免治牛肉碎200g , 豬肉碎160g , 蕃茄3個 , 煙肉3片 , 洋蔥1個 , 芹菜2扎 , 茄膏 , 自家雞上湯(如沒有可用現成雞湯代替)300ml , 芝士碎 , 意粉 , 鹽 , 黑胡椒碎 , 水500ml



做法
1. 牛肉碎及豬肉碎放入大碗內加少許鹽 , 黑胡椒碎拌勻靜待30分鐘 

2. 蕃茄洗淨切粒 , 洋蔥去皮切粒 

3. 煙肉切細片, 芹菜莖切段 , 用水沖一沖洗及瀝乾

4. 煲內加入少許油 , 加入蕃茄 , 芹菜 , 洋蔥拌炒至出茄油 

5. 加入煙肉炒至熟透 , 再加入牛肉碎 , 豬肉碎拌勻炒至轉色 

6. 逐一加入茄膏 , 上湯及水(約500ml)拌勻 

7. 用中火煮滾後轉慢火蓋上蓋煮1小時(期間要不時攪拌以免黏底) 

8. 1小時後加入少許鹽及黑胡椒碎拌勻調味 , 熄火蓋上蓋焗30分鐘成肉醬備用  

9. 將意粉放入水中 , 跟包裝上說明用中火煮9分鐘至軟身 

10. 盛起瀝乾水份放入焗盤內 

11. 淋上適量肉醬 , 灑上芝士碎 , 放入焗爐最低層 

12. 用200C上火焗10分鐘至芝士溶或金黃色即可 




超級美味的芝士焗肉醬意粉 , 在家製作絕對唔難 , 好簡單呢 ^^





26 則留言:

  1. 呢個我好鐘意食,仲有冇剩呀

    回覆刪除
  2. 呢個以前常吃,而家真係好少食。你整得好靚。

    回覆刪除
  3. 回覆
    1. 肉醬意粉真係好多人的至愛呢

      刪除
  4. 回覆
    1. 下次再整就預埋艾華斯個份呢

      刪除
  5. 呢個真係好正, 我估好少人會唔like食佢!

    回覆刪除
  6. 我食焗意粉或焗飯都鐘意多多芝士

    回覆刪除
    回覆
    1. 咁唔多芝士又真係好似少咁d野呢

      刪除
  7. 唔該一碟外賣自取

    回覆刪除
  8. 回覆
    1. 對鐘意肉醬意粉的人黎講係超正呢

      刪除
  9. 肉醬意粉我最鐘意食,自己煮多數用現成罐裝茄醬,要keep低袁太呢個食譜先得

    回覆刪除