2017年9月13日 星期三

准山圓肉綠豆糖水




袁太每時每刻都好鐘意食糖水 , 不過唔係款款糖水都喜愛 , 之但係在家煲糖水又要考慮袁生喜愛的糖水先可以煲 , 講到袁生最愛的糖水 , 首選一定係綠豆沙 , 不過我就唔太喜歡 , 其實我唔係唔鐘意綠豆沙 , 只係唔鐘意海帶的味道 , 突然記得好幾年前 , 同袁生係糖水店食過綠豆沙 , 個碗綠豆沙完全冇用海帶煲 , 係用准山圓肉煲 , 我食過味道好得 ......



咁就一於死跟用准山圓肉煲 , 我就可以食埋一份 , 不過我每次煲糖水都係即慶既 , 個朝訓醒突然想食就會去街市買材料煲 , 但聽講煲紅綠豆要浸幾粒鐘或要浸一晚喎 , 咪要今日浸明日先可以煲 ??? 



袁太係網上找到一個唔錯的方法 , 只需要將綠豆浸1-2小時 , 再炒下d綠豆再加水煲 , 都一樣可以煲到起晒沙的 , 而且味道會香好多 , 咁就一於試下呢種方法 , 將綠豆浸左2小時 , 用煲炒下佢 , 然後再加入其他配料及水 , 用慢火煲1粒鐘 , 再加片糖調味 , 估唔到用呢個方法真係煲到好好味的綠豆沙 , 綠豆雖然浸的時間短 , 但絕對唔硬 , 真係起晒沙架 , 加上用左准山 , 碗綠豆沙變得更有咬口 , 袁生都覺得呢款做法唔錯 , 煲出來味道好好 , 而且呢個方法絕對啱突然想食紅豆沙或綠豆沙的朋友 , 可以減少好多浸豆的時間呢 ^^



材料 : 綠豆 , 生晒准山 , 圓肉 , 片糖 , 果皮(預先浸軟) , 水 




綠豆放入大碗內 , 加水浸過面1小時 , 期間將生晒准山及圓肉用水沖一沖洗及瀝乾 , 果皮刮去囊撕成細片備用 , 浸1小時的綠豆倒去水份 , 用水沖一沖洗及瀝乾













綠豆放入煲內加入50ml水炒至水份收乾 , 再加入第二次水(50ml)繼續用中火炒多2分鐘至收乾水份 , 逐一放入准山 , 圓肉 , 果皮 , 加入3500ml水 , 先用中火煲15分鐘至滾起 , 拌一拌勻材料後蓋上蓋轉慢火煲1小時 , 期間要經常睇火 , 以免滾瀉






















1小時後加入片糖慢慢拌勻至糖開始溶 , 轉用中火煮至片糖完全溶掉 , 熄火蓋上蓋焗10分鐘即可












材料
綠豆 , 生晒准山 , 圓肉 , 片糖2磚 , 果皮2塊(預先浸軟) , 水3500ml



做法
1. 綠豆放入大碗內 , 加水浸過面1小時 

2. 期間將生晒准山及圓肉用水沖一沖洗及瀝乾 , 果皮刮去囊撕成細片備用 

3. 浸1小時的綠豆倒去水份 , 用水沖一沖洗及瀝乾

4. 綠豆放入煲內加入50ml水炒至水份收乾 

5. 再加入第二次水(50ml)繼續用中火炒多2分鐘至收乾水份 

6. 逐一放入准山 , 圓肉 , 果皮 , 加入3500ml水 , 先用中火煲15分鐘至滾起 

7. 拌一拌勻材料後蓋上蓋轉慢火煲1小時 , 期間要經常睇火 , 以免滾瀉

8. 1小時後加入片糖慢慢拌勻至糖開始溶 , 轉用中火煮至片糖完全溶掉 

9. 熄火蓋上蓋焗10分鐘即可
 



用准山圓肉代替海帶臭草 , 味道比預期的好味得多 , 平時唔食綠豆沙的我都食左一大碗咁多多呢 ^^






18 則留言:

  1. 我未用過准山煲糖水,應該幾飽肚。

    回覆刪除
  2. 我同你相反。自少只鍾意食紅豆沙。因為依家鍾意食海帶,所以先成日煲綠豆沙。

    回覆刪除
  3. 呢款綠豆糖水好特別喎

    回覆刪除
  4. 用准山煲糖水未試過

    回覆刪除
  5. 回覆
    1. ok喇,不過俾我選擇,我會鐘意紅豆囉

      刪除
  6. 紅豆綠豆我都會食架

    回覆刪除
  7. 用准山圓肉配綠豆,好創新呀

    回覆刪除