2017年9月14日 星期四

冬菇瑤柱荷葉飯




唔知大家鐘唔鐘意食荷葉飯既呢 ??? 我就好鐘意 , 閒時會去大型連鎖快餐店食午餐 , 都會選擇食荷葉飯 , 不過好多時荷葉飯入面都會有雞粒 , 而家袁太唔食得雞 , 就唔可以食街的荷葉飯 , 想食的話 , 當然要自家製 , 不過我知整荷葉飯都唔會太困難 , 只係煩惱附近街市有冇靚荷葉賣 ......
 


附近街市得兩三間雜貨店係有荷葉賣 , 仲要唔係經常有貨 , 今日就唔太幸運 , 得一間有得賣 , 仲要得番幾塊 , 但又唔太靚仔 , 不過算喇 , 照買 



袁太版的荷葉飯都有好多料架 , 有冬菇 , 有瑤柱 , 有蝦米 , 有臘腸 , 對我來說 , 整荷葉飯最辛苦的地方一定係炒飯個部份 , 事關個日袁太煮左四杯米的冷飯 , 炒的時間真係好吃力 , 手臂感覺就快斷 , 不過炒好個飯就可以用荷葉包起 , 再蒸熱就有得食 , 過程雖然艱苦 , 係廚房簡直出晒汗 , 不過無論賣相同味道都絕對一讚的自家製荷葉飯 , 家人或朋友食得開心及滿足 , 就係袁太入廚最開心的地方呢 ^^



材料 : 冷飯 , 冬菇(預先浸軟) , 冬菇水 , 瑤柱(預先浸軟 , 瑤柱水留起) , 蝦米 , 短臘腸 , 薑 , 蒜頭 , 乾蔥頭 , 雞蛋 , 麻油 , 胡椒粉 , 鹽 , 糖 , 酒 , 荷葉 , 蔥




蝦米浸水5分鐘 , 蒜頭去衣切粒 , 乾蔥頭去衣切粒 , 蔥切粒 , 冬菇切片 , 臘腸用熱水浸數分鐘後切粒 , 浸軟的蝦米倒去水後用水沖一沖洗 , 瀝乾後略切碎 , 雞蛋打成蛋液 , 瑤柱撕成絲 , 荷葉放入鑊中加水用中火煮至軟身(約10分鐘)備用









鑊中爆香蒜粒 , 乾蔥粒及薑粒 , 加入臘腸粒拌炒數分鐘至有香味後 , 逐一加入蝦米 , 瑤柱絲及冬菇片 , 贊少許酒拌勻炒至材料熟透 , 先盛起備用 , 將所有調味料放入碗內 , 加入100ml水拌勻成汁料


















原鑊中加入蛋液炒至半凝固 , 加入冷飯拌勻炒散 , 加少許鹽調味 , 加入冬菇水及瑤柱水炒至飯開始乾身不黏鑊 , 將之前炒好的配料回鑊 , 加入汁料拌炒數分鐘 , 最後加入少許蔥粒再拌勻





















將一塊荷葉放上碟或其他器皿內 , 將適量炒飯放在荷葉上 , 用飯殼壓平再包好 , 將荷葉飯放入電蒸鍋內 , 電蒸鍋先放上牛油紙 , 蒸20分鐘後焗5分鐘即可

















材料
冷飯4碗 , 冬菇8隻(預先浸軟) , 冬菇水100ml , 瑤柱5粒(預先浸軟 , 瑤柱水留起) , 蝦米 , 短臘腸5條 , 薑 , 蒜頭1/2個 , 乾蔥頭2粒 , 雞蛋2隻 , 麻油 , 胡椒粉 , 鹽 , 糖 , 酒 , 荷葉3塊 , 蔥

調味料
蠔油 , 生抽 , 老抽 , 鹽 , 糖 , 麻油 , 胡椒粉



做法
1. 蝦米浸水5分鐘 , 蒜頭去衣切粒 , 乾蔥頭去衣切粒 , 蔥切粒

2. 冬菇切片 , 臘腸用熱水浸數分鐘後切粒 

3. 浸軟的蝦米倒去水後用水沖一沖洗 , 瀝乾後略切碎 , 雞蛋打成蛋液 , 瑤柱撕成絲 

4. 荷葉放入鑊中加水用中火煮至軟身(約10分鐘)備用

5. 鑊中爆香蒜粒 , 乾蔥粒及薑粒 , 加入臘腸粒拌炒數分鐘至有香味後 

6. 逐一加入蝦米 , 瑤柱絲及冬菇片 , 贊少許酒拌勻炒至材料熟透 , 先盛起備用 

7. 將所有調味料放入碗內 , 加入100ml水拌勻成汁料 

8. 原鑊中加入蛋液炒至半凝固 , 加入冷飯拌勻炒散 

9. 加少許鹽調味 , 加入冬菇水及瑤柱水炒至飯開始乾身不黏鑊 

10. 將之前炒好的配料回鑊 , 加入汁料拌炒數分鐘 , 最後加入少許蔥粒再拌勻

11. 將一塊荷葉放上碟或其他器皿內 

12. 將適量炒飯放在荷葉上 , 用飯殼壓平再包好 , 將荷葉飯放入電蒸鍋內

13. 電蒸鍋先放上牛油紙 , 蒸20分鐘後焗5分鐘即可

 


沒有雞粒版本的荷葉飯都可以好好味道 , 絕對自家製夠健康呢 ^^





12 則留言:

  1. 嘩…荷葉飯都整得咁靚,好利害呀

    回覆刪除
  2. 水準高的荷葉飯

    回覆刪除
  3. 見到好肚餓呀!外賣一份, 唔該!💗

    回覆刪除
  4. 有料過出面街食

    回覆刪除
  5. 我好中意!哩個完全啱我哩個飯桶!

    回覆刪除
  6. 我真係好想搬去袁太隔離...日日都有正野食...HAHAHAAA

    回覆刪除