2017年9月22日 星期五

[有味粥系列] 菠菜肉碎魚湯粥




我一向都喜愛飲魚湯 , 最愛飲魚尾湯或鯽魚湯 , 不過紅衫魚湯我都好喜歡 , 之但係我呢邊街市耍買到靚的紅衫魚就要睇彩數 , 唔係經常有靚的紅衫魚賣 , 今次的紅衫魚都係袁太媽咪幫我係第二個街市買既 ......



最近真係好少 ... 好少煮兩餸一湯的晚餐 , 呢排幾乎晚晚都係有味飯 , 炒飯 , 炒米為主 , 今晚亦唔例外 , 係煮有味粥 , 本來媽咪買個幾條紅衫魚係想配節瓜煲湯 , 但後來突然又想食粥喎 , 所以就決定用紅衫魚底整個有味粥食下 , 先將紅衫魚煲成奶白色湯底 , 再將紅衫魚起肉待用 , 魚湯底另外加上菠菜 , 紅蘿蔔及肉碎去煮 , 鮮甜的粥底配上咁多材料同煲 , 想唔好味都難



袁太由細細個的時候 , 食粥都有個習慣 , 無論白粥還是有味粥 , 都喜愛加豬肉鬆拌勻食 , 呢個習慣真係到左袁太而家三十幾歲人都改唔到既呢 ^^

 

材料 : 菠菜 , 紅衫魚 , 豬肉碎 , 珍珠米 , 紅蘿蔔 , 薑 , 豬肉鬆 , 油 , 魚露 , 蔥 , 胡椒粉 , 鹽




紅衫魚用水洗淨 , 加少許鹽及胡椒粉拌勻靜待30分鐘 , 豬肉碎放入大碗內 , 加少許鹽 , 胡椒粉 , 魚露調味拌勻靜待10分鐘 , 珍珠米用水沖一沖洗再瀝乾 , 放入碗內加少許油拌勻備用
























菠菜切去頭 , 加鹽用水浸過面靜待10分鐘 , 用水洗淨後切碎 , 薑連皮切片 , 蔥切粒及切幼絲 , 紅蘿蔔去皮蘑成茸











薑片放入鑊中爆香 , 放入紅衫魚煎至兩面金黃色 , 加入熱水蓋上蓋用中火煮20分鐘成奶白色湯 , 將魚湯(紅衫魚留起)隔去渣入煲內 , 加入珍珠米及豬肉碎拌勻 , 用中火煮滾後蓋上蓋轉慢火煮15分鐘 , 期間將紅衫魚去骨 , 留起魚肉備用


























15分鐘後加入菠菜碎拌勻 , 蓋上蓋繼續用慢火煮5分鐘 , 最後加入紅蘿蔔茸及魚肉拌勻 , 轉用中火煮滾 , 熄火焗10分鐘即可

 














材料
菠菜1/2斤 , 紅衫魚3條 , 豬肉碎$10 , 珍珠米3/4杯 , 紅蘿蔔1/2條 , 薑 , 豬肉鬆 , 油 , 魚露 , 蔥 , 胡椒粉 , 鹽



做法
1. 紅衫魚用水洗淨 , 加少許鹽及胡椒粉拌勻靜待30分鐘 

2. 豬肉碎放入大碗內 , 加少許鹽 , 胡椒粉 , 魚露調味拌勻靜待10分鐘 

3. 珍珠米用水沖一沖洗再瀝乾 , 放入碗內加少許油拌勻備用

4. 菠菜切去頭 , 加鹽用水浸過面靜待10分鐘 , 用水洗淨後切碎 

5. 薑連皮切片 , 蔥切粒及切幼絲 , 紅蘿蔔去皮蘑成茸

6. 薑片放入鑊中爆香 , 放入紅衫魚煎至兩面金黃色 

7. 加入熱水蓋上蓋用中火煮20分鐘成奶白色湯 

8. 將魚湯(紅衫魚留起)隔去渣入煲內 , 加入珍珠米及豬肉碎拌勻

9. 用中火煮滾後蓋上蓋轉慢火煮15分鐘 , 期間將紅衫魚去骨 , 留起魚肉備用 

10. 15分鐘後加入菠菜碎拌勻 , 蓋上蓋繼續用慢火煮5分鐘 

11. 最後加入紅蘿蔔茸及魚肉拌勻 , 轉用中火煮滾 , 熄火焗10分鐘即可




紅衫魚湯底的有味粥 , 鹹鹹甜甜 , 仲有每次食粥的好伙伴~豬肉鬆~ , 實在太美味又飽肚呢 ^^







22 則留言:

  1. 用咗魚湯~一定好甜好鮮~

    回覆刪除
  2. 用魚湯做底的粥一定好鮮甜美味

    回覆刪除
  3. 我唔太鐘意食粥都流口水

    回覆刪除
  4. 我鐘意將紅蘿蔔磨成茸的做法,令粥底的顏色更加靚

    回覆刪除
  5. 我見到有幾條魚,都估到你煎香來做湯底。呢個粥真和味了。

    回覆刪除
  6. 用魚湯做粥底,袁太的廚藝真的令人佩服呢

    回覆刪除
  7. 呢個係我由細食到大嘅粥啊!!(除左菜之外), 我阿媽仲會落埋腐竹溶晒咁, 通常我媽裝起每人一碗, 剩返成煲比我用煲食, 而家唸起都流口水><

    回覆刪除