2017年9月26日 星期二

桑寄生蓮子圓肉雞蛋茶




天氣炎熱的時候 , 袁太反而好喜愛煲糖水 , 繼上次煲左綠豆沙呢類袁生喜歡的糖水後 , 今次輪都輪到煲袁太鐘意的糖水 , 桑寄生茶係我的最愛 , 唔知大家又喜歡嗎 ......



盒桑寄生係之前街市的雜貨店買 , 不過都仲未開封過




以我的觀感 , 煲桑寄生離不開都係配蓮子 , 圓肉同雞蛋煮成雞蛋茶 , 當然唔少得片糖 , 印象中係糖水店食過一次 , 不過就好難食 , 其實都唔可以話難食 , 簡單黎講 , 係完全冇味道 , 可以講話只係一碗片糖水 , 蓮子都冇粒 , 自己在家整可以慢慢煲 , 煲到佢出味 , 加埋蓮子 , 圓肉同杞子呢幾類有益的材料 , 味道甜甜濃濃又夠飽肚 , 不過袁太有疑問 , 其實桑寄生係咪一定要配雞蛋煮成雞蛋茶呢 ???



不過雞蛋我又唔太抗拒 , 而且我知桑寄生雞蛋茶好有益 , 而且桑寄生雞蛋茶有安胎作用 , 另還有降血壓 , 強筋骨 , 行氣活血 , 滋陰養顏 , 治腰痛及消腫的療效 , 飲唔晒仲可以放雪櫃雪凍 , 凍食都唔錯 , 都唔太差呢 ^^



材料 : 桑寄生 , 蓮子 , 圓肉 , 杞子 , 雞蛋 , 片糖 , 魚袋 , 水




雞蛋放入煲內 , 加水浸過面用中火煮15分鐘至雞蛋熟透 , 用水沖洗雞蛋至涼 , 去殼備用 , 桑寄生放入魚袋內索緊 , 再放入煲內加入3500ml水 , 用中火先煲15分鐘 , 期間將蓮子用水沖一沖洗及瀝乾 , 煲15分鐘至滾起後加入蓮子拌勻再煮滾 , 蓋上蓋轉慢火煲1小時 , 期間小心滾瀉


























煲1小時後將魚袋盛起去掉 , 加入雞蛋及圓肉拌勻  , 再蓋上蓋繼續用慢火煲15分鐘




 




最後加入片糖及杞子拌勻 , 轉用中火煮至片糖完全溶掉後熄火焗20分鐘即可














材料
桑寄生120g , 蓮子 , 圓肉 , 杞子 , 雞蛋6隻 , 片糖2磚 , 魚袋1個 , 水3500ml



做法
1. 雞蛋放入煲內 , 加水浸過面用中火煮15分鐘至雞蛋熟透 

2. 用水沖洗雞蛋至涼 , 去殼備用 

3. 桑寄生放入魚袋內索緊 , 再放入煲內加入3500ml水 , 用中火先煲15分鐘 

4. 期間將蓮子用水沖一沖洗及瀝乾

5. 煲15分鐘至滾起後加入蓮子拌勻再煮滾 , 蓋上蓋轉慢火煲1小時 

6. 期間小心滾瀉

7. 煲1小時後將魚袋盛起去掉 , 加入雞蛋及圓肉拌勻  

8. 再蓋上蓋繼續用慢火煲15分鐘

9. 最後加入片糖及杞子拌勻 , 轉用中火煮至片糖完全溶掉後熄火焗20分鐘即可 




簡單有益的糖水 , 雖然熱食凍食都得 , 但永遠都係熱食滋補得多呢 ^^






22 則留言:

  1. 我都喜歡這個糖水, 這個星期又煲先. 😉

    回覆刪除
  2. 呢款糖水我都好鐘意食架,而且我應同袁太的說法,出面街食既真係冇咩味道,或者得一個甜字

    回覆刪除
  3. 見到賣相都好想食

    回覆刪除
  4. 我未食過呢個糖水,但都知道對女人有益。

    回覆刪除
  5. 我都好鐘意煲咖,但冇落杞子和元肉,祇落南棗。

    回覆刪除
  6. 我都好鐘意煲咖,但冇落杞子和元肉,祇落南棗。

    回覆刪除
    回覆
    1. 點解最近入唔到小月的blog既?

      刪除
  7. 呢款甜品啱晒女性

    回覆刪除
  8. 有益,我要一碗呀

    回覆刪除