2017年9月11日 星期一

[可樂餅] 粟米魚柳炸薯餅




一個好好聽的名字 "可樂餅" , 亦即係炸薯餅 , 香香脆脆的外表 , 加上軟綿綿的薯蓉餡 , 熱辣辣炸起來最美味 , 袁太可以一個人食好多件 , 不過都係個句 "好熱氣呢" ......



不過其實美味的可樂餅並唔係一定要薯蓉餡 , 可以南瓜餡 , 亦可以用咖哩餡 , 但愛傳統的我 , 如要自家製 , 當然以薯蓉餡做首選 , 整可樂餅好處的地方 , 係可以加入自己喜愛的食材 , 放入薯蓉內一同拌勻成餡料 , 如大家喜愛雜菜 , 可加雜菜 , 喜愛肉類的話 , 可加牛肉 , 而我就最喜愛加粟米同魚柳呢類比較清清地的餡料 , 同時亦可減少心裡的罪惡感



大家都知 , 袁生袁太一向係炸物怪 , 食得多煎炸物 , 面上已急不及待長了兩 , 三粒豆豆 , ~哈~ 畢竟袁太還是好青春吧 ......



平時得閒的時候 , 可以整定薯餅放入冰箱 , 想幾時食 , 放入鑊半煎炸就可以 , 咁美味的可樂餅 , 唔知大家一口氣可以食到幾多件呢 ???



材料 : 薯仔 , 龍利柳 , 粟米粒 , 麵粉 , 雞蛋 , 麵包糠 , 鹽 , 黑胡椒碎 , 保鮮紙




薯仔去皮切粒 , 用水沖洗乾淨瀝乾水份 , 放入電蒸鍋蓋上蓋蒸20分鐘再焗10分鐘 , 薯仔蒸好後取出放入大碗內趁熱加少許鹽 , 黑胡椒碎拌勻壓成蓉

















將魚柳切粒印乾水份 , 粟米粒用水沖一沖洗及瀝乾 , 魚柳粒及粟米粒加入薯蓉內拌勻靜待20分鐘稍涼 , 將適量的餡料搓成圓形再稍為壓平 , 器皿內加一層保鮮紙墊底 , 放上薯餅 , 再放上一層保鮮紙 , 再放上其餘份量的薯餅 , 蓋上保鮮紙入雪櫃靜待30分鐘





















30分鐘後薯餅從雪櫃取出 , 依次序沾上麵粉 >> 雞蛋液 >> 麵包糠 , 放上碟或焗盤內 , 再灑上少許麵包糠 , 蓋上保鮮紙放入冰箱冷藏1小時












最後將薯餅以半煎炸方式 , 放入鑊中用慢火慢慢煎至兩面金黃色即可 



  





 
材料
薯仔3個 , 龍利柳1條 , 粟米粒 , 麵粉 , 雞蛋2隻 , 麵包糠 , 鹽 , 黑胡椒碎 , 保鮮紙



做法
1. 薯仔去皮切粒 , 用水沖洗乾淨瀝乾水份 , 放入電蒸鍋蓋上蓋蒸20分鐘再焗10分鐘 

2. 薯仔蒸好後取出放入大碗內趁熱加少許鹽 , 黑胡椒碎拌勻壓成蓉

3. 將魚柳切粒印乾水份 , 粟米粒用水沖一沖洗及瀝乾 

4. 魚柳粒及粟米粒加入薯蓉內拌勻靜待20分鐘稍涼 

5. 將適量的餡料搓成圓形再稍為壓平 , 器皿內加一層保鮮紙墊底 , 放上薯餅 

6. 再放上一層保鮮紙 

7. 再放上其餘份量的薯餅 , 蓋上保鮮紙入雪櫃靜待30分鐘

8. 30分鐘後薯餅從雪櫃取出 , 依次序沾上麵粉 >> 雞蛋液 >> 麵包糠 , 放上碟或焗盤內 

9. 再灑上少許麵包糠 , 蓋上保鮮紙放入冰箱冷藏1小時

10. 最後將薯餅以半煎炸方式 , 放入鑊中用慢火慢慢煎至兩面金黃色即可




金金黃黃熱辣辣 , 外脆內軟滑薯蓉香味的可樂餅 , 真係好想快快咬你一口呢 ^^




22 則留言:

  1. 這個好好食呀!我同老公第一次拍拖就係食佢呢!哈哈😋

    回覆刪除
  2. 煎得好靚好吸引

    回覆刪除
  3. 我曾經食過牛肉做餡的薯餅,不過唔太喜歡

    回覆刪除
    回覆
    1. 我都試過用牛肉做餡,我都唔太喜歡呢

      刪除
  4. 金金黃黃好味

    回覆刪除
  5. 呢個薯餅易整,我都學下先

    回覆刪除