2017年10月25日 星期三

黑椒蜜糖焗豬手




平時見急凍豬手做特價 , 一定會買幾隻放入冰箱存貨 , 閒時就拎出豬手解凍 , 出水再煲下佢 , 雪凍切片就食得 , 好方便 , 本應新年期間想整隻黎食下 , 點知當日有雞做晚餐 , 又唔想食咁多肉 , 個日就打消左念頭 , 直至前幾日 ......



個腦一片空白 , 冇咩靈感晚餐煮咩好 , 突然醒起雪櫃仲有隻豬手 , 快快手攞出黎解凍 , 解凍放入煲 , 加水 , 白胡椒粒 , 白醋 , 香葉煮佢45分鐘 , 然後將豬手盛起風乾一陣 , 再用啤酒浸下隻豬手 , 啤酒一定要選擇麥啤 , 唔好問我點解 , 我上網搵既 , 好多網友都話買麥啤要有"Hefe-WeiBbier"呢個字樣 , 我搵左幾間超市得一間先有得賣 , 算好彩呢




當豬手浸完啤酒浴之後就可以入爐焗 , 睇落看似簡單 , 不過呢個豬手足足整左成五個半鐘時間 , 不過焗好後味道超正 , 黑胡椒同蜜糖的味道超夾 , 而且豬皮還有淡淡的啤酒香味 , 當小食或拌飯都一流 , 以往整豬手的骨同煲豬手的水我都會掉左佢 , 現在回想真係笨笨豬同好浪費 , 下回袁太會介紹用豬手骨同煲豬手的水黎煲番個湯 , 大家密切留意呢 ^^

 

材料 : 急凍豬手 , 白胡椒粒 , 香葉 , 黑胡椒碎 , 白醋 , 蜜糖 , 麥啤 , 錫紙 , 掃 , 叉 , 水




豬手解凍沖洗乾淨放入煲內 , 加入白胡椒粒 , 香葉及白醋 , 加入適量水(水的份量蓋過豬手即可) , 用中火煲至滾後 , 繼續用中火煲45分鐘(期間不需要蓋上煲蓋 , 煲約一半時間左右將豬手反轉另一面繼續煲) , 45分鐘後熄火蓋上蓋焗30分鐘














焗30分鐘後盛起豬手抹乾水份(煲豬手的水留起) , 用叉狂插豬皮(兩面都要) , 靜待20分鐘至豬手乾身 , 煲豬手的水隔去香料備用











豬手乾後放入食物袋 , 倒入麥啤及灑上黑胡椒碎 , 先浸15分鐘 , 再將豬手反轉另一面 , 同樣灑上黑胡椒碎 , 再浸15分鐘 , 焗盤放上錫紙 , 再放上網架 , 焗爐用200C預熱10分鐘 















豬手浸好後放在網架上再靜待10分鐘(浸豬手的麥啤留起) , 蜜糖加少許水拌勻成蜜糖水備用 , 豬手放入焗爐用200C上下火焗50分鐘 , 焗15分鐘後將豬手取出 , 兩面掃上之前浸豬手留起的麥啤 , 再放入焗爐繼續焗


















再焗15分鐘後 , 再將豬手取出掃上一層麥啤 , 再反轉另一面掃上麥啤後 , 再入焗爐繼續焗 , 焗好晒50分鐘後 , 將豬手取出掃上一層蜜糖水 , 放入焗爐轉用上火調至220C焗5分鐘












5分鐘後取出豬手反轉另一面 , 掃上蜜糖水 , 再入焗爐繼續用220C焗5分鐘至金黃 , 取出待涼10分鐘即可








材料
急凍豬手1隻 , 白胡椒粒 , 香葉6片 , 黑胡椒碎 , 白醋 , 蜜糖 , 麥啤1罐 , 錫紙 , 掃 , 叉 , 水



做法
1. 豬手解凍沖洗乾淨放入煲內 , 加入白胡椒粒 , 香葉及白醋 

2. 加入適量水(水的份量蓋過豬手即可) , 用中火煲至滾後 , 繼續用中火煲45分鐘
   (期間不需要蓋上煲蓋 , 煲約一半時間左右將豬手反轉另一面繼續煲) 

3. 45分鐘後熄火蓋上蓋焗30分鐘

4. 焗30分鐘後盛起豬手抹乾水份(煲豬手的水留起) 

5. 用叉狂插豬皮(兩面都要) , 靜待20分鐘至豬手乾身 

6. 煲豬手的水隔去香料備用

7. 豬手乾後放入食物袋 , 倒入麥啤及灑上黑胡椒碎 , 先浸15分鐘 

8. 再將豬手反轉另一面 , 同樣灑上黑胡椒碎 , 再浸15分鐘 

9. 焗盤放上錫紙 , 再放上網架 , 焗爐用200C預熱10分鐘  

10. 豬手浸好後放在網架上再靜待10分鐘(浸豬手的麥啤留起) 

11. 蜜糖加少許水拌勻成蜜糖水備用 

12. 豬手放入焗爐用200C上下火焗50分鐘 , 焗15分鐘後將豬手取出 

13. 兩面掃上之前浸豬手留起的麥啤 , 再放入焗爐繼續焗

14. 再焗15分鐘後 , 再將豬手取出掃上一層麥啤 , 再反轉另一面掃上麥啤後 

15. 再入焗爐繼續焗 , 焗好晒50分鐘後 

16. 將豬手取出掃上一層蜜糖水 , 放入焗爐轉用上火調至220C焗5分鐘

17. 5分鐘後取出豬手反轉另一面 , 掃上蜜糖水 

18. 再入焗爐繼續用220C焗5分鐘至金黃 , 取出待涼10分鐘即可




有黑胡椒 , 有蜜糖 , 又有麥啤的香味 , 雖然長時間製作 , 但味道超正 , 付出多多時間製作都值得呢 ^^







16 則留言: