2017年10月13日 星期五

雪菜魚尾豆腐湯




唔知大家有冇試過用雪菜滾湯呢 ??? 平時只會用雪菜配火鴨絲做炆米或窩米的我 , 用來煮湯都係第一次 ......



最近太陽怕怕相當勤力 , 發放了好好的陽光給我們 , 每當覺得天氣炎熱 , 煲湯或滾湯的最佳材料 , 對我來說一定係冬瓜呢 , 最近袁太愛上了魚湯 , 一於買條魚尾配冬瓜一齊滾 , 再加上滑滑的豆腐同鹹鹹的雪菜 , 由於雪菜本身已經有相當重的鹹味 , 所以湯水一粒鹽都冇放 , 已經相當夠味 , 而且湯水鹹鹹 , 感覺有下火的功效



另外將煲好湯的魚尾盛起 , 贊上熟油 , 淋上甜豉油 , 又可以當一個餸 , 又有魚食 , 唔錯唔錯呢 ^^



材料 : 冬瓜 , 布包豆腐 , 雪菜 , 薑 , 鯇魚尾 , 蔥 , 油 , 甜豉油 , 胡椒粉 , 鹽




雪菜放入大碗內 , 加少許鹽及水浸過面靜待15分鐘 , 期間將薑連皮切片 , 布包豆腐切粒 , 蔥切絲 , 冬瓜連皮切件備用










鯇魚尾用水沖洗兩面後用毛巾抹乾水份 , 薑片放入鑊中爆香 , 放入魚尾煎至兩面金黃色 , 煎魚的油盛起備用 , 加入熱水蓋上蓋用中火煲20分鐘 , 期間將浸15分鐘的雪菜用水洗淨及瀝乾 , 渣乾水份後切碎 , 魚湯煲20分鐘後成奶白色湯底 , 先將魚尾盛起 , 冬瓜放入煲內 , 再放入雪菜 , 將魚湯倒入煲內






























先用中火煲滾 , 拌一拌勻材料後蓋上蓋繼續用中火煲30分鐘 , 30分鐘後加入豆腐及少許胡椒粉調味 , 用中火煲多5分鐘 , 再熄火焗10分鐘 , 之前盛起的魚尾淋上煎魚的熟油 , 淋上少許甜豉油 , 最後放上蔥絲即可




















材料
冬瓜1斤 , 布包豆腐1磚 , 雪菜2小棵 , 薑 , 鯇魚尾1條 , 蔥 , 油 , 甜豉油 , 胡椒粉 , 鹽



做法
1. 雪菜放入大碗內 , 加少許鹽及水浸過面靜待15分鐘 

2. 期間將薑連皮切片 , 布包豆腐切粒 , 蔥切絲 , 冬瓜連皮切件備用

3. 鯇魚尾用水沖洗兩面後用毛巾抹乾水份 

4. 薑片放入鑊中爆香 , 放入魚尾煎至兩面金黃色 , 煎魚的油盛起備用 

5. 加入熱水蓋上蓋用中火煲20分鐘 

6. 期間將浸15分鐘的雪菜用水洗淨及瀝乾 , 渣乾水份後切碎 

7. 魚湯煲20分鐘後成奶白色湯底 , 先將魚尾盛起 

8. 冬瓜放入煲內 , 再放入雪菜 , 將魚湯倒入煲內 

9. 先用中火煲滾 , 拌一拌勻材料後蓋上蓋繼續用中火煲30分鐘 

10. 30分鐘後加入豆腐及少許胡椒粉調味 , 用中火煲多5分鐘 , 再熄火焗10分鐘 

11. 之前盛起的魚尾淋上煎魚的熟油 , 淋上少許甜豉油 

12. 最後放上蔥絲即可




估唔到雪菜同魚湯的味道好夾 , 呢款湯水我一定會再encore , 盛起的魚尾贊上熟油及淋上甜豉油 , 又一個餸 ~讚呢~ 








22 則留言:

  1. 用雪菜煮湯未飲過,不過看來唔錯

    回覆刪除
    回覆
    1. 呢個唔錯架,我之後都有encore

      刪除
  2. 用雪菜煮湯味道應該唔錯

    回覆刪除
  3. 好特別呀!
    呢個肥人都要試下先得~

    回覆刪除
    回覆
    1. 大肥人快d試下喇,呢個湯真係唔錯架

      刪除
  4. 雪菜配魚尾我兩款材料都鐘意呀

    回覆刪除
  5. 未試過呀!不過你煮得好吸引

    回覆刪除
  6. 用雪菜煮湯,應該唔錯

    回覆刪除