2017年10月24日 星期二

梅菜冬菇粒蒸雞肉餅




袁太經常有疑問 , 為何蒸肉餅一定要用豬肉 , 難道用雞肉來整肉餅不可以嗎 ??? 問身邊的麻煩友 , 他覺得怪 , 我就越要去試 ......



其實起初袁太都想用豬肉蒸肉餅 , 因廚房有冬菇 , 百寶箱又有梅菜 , 後來發現冰箱有塊"大"雞扒 , 又懶得去街市買梅頭肉 , 就膽粗粗將豬肉換上雞扒來整肉餅 , 唔知味道會如何 , 亦唔知口感會唔會好鞋呢



~哈~ 估唔到用雞肉整肉餅出乎意料之好味 , 我同袁生都覺得味道還比用豬肉的好 , 而且肉餅好彈牙好Juicy , 如果大家下次整肉餅 , 不妨都嘗試下用雞扒來整 , 看看味道大家又會唔會喜歡  , 另外剁雞肉的時候將雞皮起出 , 掉左佢又好似好浪費 , 因為我好鬼鐘意食雞皮架 , 簡簡單單洗淨索乾水份 , 放入油鑊炸至金黃脆身 , 盛起待涼撕成細片 , 灑上少許椒鹽調味 , ~嘩~ 好吸引呢 ^^



材料 : 雞扒 , 冬菇(預先浸軟) , 梅菜 , 雞蛋(只需要蛋白) , 冬菇水 , 椒鹽 , 酒 , 鹽 , 糖 , 生粉 , 甜豉油 , 雞粉 , 胡椒粉




梅菜放入大碗內 , 加水浸過面靜待30分鐘 , 30分鐘後倒去水份再用水沖洗乾淨 , 瀝乾水份後用手渣乾再切粒 , 冬菇切粒 , 雞蛋只用蛋白












將梅菜放入鑊中(不落油) , 加入少許麻油及糖拌勻炒至梅菜乾身 , 先盛起備用









雞扒去皮 , 雞皮留起(唔食雞皮可以去掉) , 雞扒肉先切條再切粒後剁成肉餅狀 , 加入梅菜粒及冬菇粒再剁數分鐘 , 將肉餅放入大碗內先加入雞粉 , 醃料及雞蛋白拌勻 , 再加入約1湯匙冬菇水 , 用手撻十餘下 , 蓋上保鮮紙靜待1小時





















1小時後將肉餅平鋪上碟或碗內 , 放入電蒸鍋內蓋上蓋蒸10分鐘後再焗5分鐘 , 靜待肉餅期間 , 將雞皮放入鑊中加少許油用慢火慢慢煎至金黃色及脆身 , 盛起撕成細片 , 加入少許椒鹽調味 , 將肉餅取出淋上甜豉油及灑上蔥絲即可

















材料
雞扒2塊 , 冬菇4隻(預先浸軟) , 梅菜1棵 , 雞蛋1隻(只需要蛋白) , 冬菇水 , 椒鹽 , 酒 , 鹽 , 糖 , 生粉 , 甜豉油 , 雞粉 , 胡椒粉

醃料
鹽 , 生粉 , 生抽 , 麻油 , 糖 , 油 , 酒



做法
1. 梅菜放入大碗內 , 加水浸過面靜待30分鐘 

2. 30分鐘後倒去水份再用水沖洗乾淨 

3. 瀝乾水份後用手渣乾再切粒 , 冬菇切粒 , 雞蛋只用蛋白

4. 將梅菜放入鑊中(不落油) , 加入少許麻油及糖拌勻炒至梅菜乾身 

5. 先盛起備用

6. 雞扒去皮 , 雞皮留起(唔食雞皮可以去掉) , 雞扒肉先切條再切粒後剁成肉餅狀 

7. 加入梅菜粒及冬菇粒再剁數分鐘 

8. 將肉餅放入大碗內先加入雞粉 , 醃料及雞蛋白拌勻 

9. 再加入約1湯匙冬菇水 , 用手撻十餘下 , 蓋上保鮮紙靜待1小時

10. 1小時後將肉餅平鋪上碟或碗內 

11. 放入電蒸鍋內蓋上蓋蒸10分鐘後再焗5分鐘

12. 靜待肉餅期間 , 將雞皮放入鑊中加少許油用慢火慢慢煎至金黃色及脆身

13. 盛起撕成細片 , 加入少許椒鹽調味 

14. 將肉餅取出淋上甜豉油及灑上蔥絲即可
  



外貌似豬肉餅的雞肉餅 , 真係好味到袁生都食左兩碗飯 , 肉餅永遠都係好送飯系列呢 ^^






20 則留言:

  1. 呢個肉餅又滑又好送飯呢~!

    回覆刪除
  2. 用雞肉整成的豬肉餅,好創新

    回覆刪除
    回覆
    1. 感覺上覺得用雞肉好味過用豬肉

      刪除
  3. 回覆
    1. 我都想食,不過可惜而家唔食得雞

      刪除
  4. 我都未試過用雞肉整肉餅播……

    回覆刪除
    回覆
    1. 我同袁生都覺得用雞肉整肉餅反而好味過用豬肉

      刪除