2017年10月9日 星期一

蜜汁豬肉乾




有時同袁生行街街 , 經過某個比較出名賣豬肉乾的店舖 , 個種香味經常令我流晒口水 , 不過當我一望個價錢 , 唔得 , 實在太貴喇 , 貴得黎份量又唔係多個隻 , 如期在街買 , 咁倒不如自己動手做 , 不過自家製需要分兩日時間製作 , 一日醃肉 , 一日焗製 , 都好忙架 ......



自己製豬肉乾的材料非常簡單 , 有多多豬肉碎就可以 , 去街市買左半肥瘦的碎豬肉 , 回家放入大碗內加入醃料醃下d豬肉碎 , 如果好似我咁今次整蜜汁就加蜜糖 , 如果想整黑椒就加黑椒碎 , 隨大家喜歡呢 , 不過醃好的豬肉一定要靜待一晚先好攞去焗 , 醃一晚豬肉才夠味 , 袁太曾經N年前整過一次 , 豬肉只係醃左幾粒鐘 , 焗完出黎係完全冇味 , 所以醃的時間係好重要

 

好喇 , 當醃完一晚之後 , 就要分開幾份去焗 , 今次每次一份約200g份量 , 可以焗到三大塊半 , 將肉碎壓到最薄最薄先好放入焗爐焗 , 焗的期間一定要企定定係焗爐面前睇住 , 一唔留神就可能會燶晒 , 咁就浪費晒 , 其實袁太最後都係得兩大塊成功 , 有一塊焗緊期間就走左去同袁生傾幾句 , 點知就出事 , 燶晒唔要得 , 所以成功的豬肉乾真係整得好苦架 , 要慢慢食 , 慢慢咀嚼個味道呢 ^^

 

材料 : 豬肉碎 , 五香粉 , 白砂糖 , 蜜糖 , 酒 , 胡椒粉 , 魚露 , 保鮮紙 , 焗爐紙 , 麵棍



 
豬肉碎放入大碗內 , 加入五香粉及醃料拌勻先靜待10分鐘 , 再加入砂糖及蜜糖拌勻靜待1小時 , 醃左1小時的豬肉碎蓋上保鮮紙放入雪櫃下層靜待一晚


















翌日將豬肉碎從雪櫃取出靜待10分鐘 , 焗爐用180C預熱10分鐘 , 枱面放一張焗爐紙 , 將200g的豬肉碎放焗爐紙上 , 再放上一張保鮮紙 , 用麵棍壓至薄身 , 除去保鮮紙後連焗爐紙一同放入焗盆內













放入焗爐用180C上下火先焗15分鐘 , 取出倒去肉汁 , 反轉肉片再放入焗爐繼續焗15分鐘 , 期間將蜜糖加水拌勻成蜜糖水備用















15分鐘後取出掃上蜜糖水 , 入焗爐將溫度調低至150C , 繼續用上下火焗5分鐘 , 5分鐘後取出反轉再掃上蜜糖水 , 放入焗爐再焗多5分鐘 , 取出靜待10分鐘待涼










餘下的豬肉碎同樣將200g的豬肉碎放焗爐紙上 , 再放上一張保鮮紙 , 用麵棍壓至薄身 , 除去保鮮紙後連焗爐紙一同放入焗盆內 , 15分鐘後取出掃上蜜糖水 , 入焗爐將溫度調低至150C , 繼續用上下火焗5分鐘 , 5分鐘後取出反轉再掃上蜜糖水 , 放入焗爐再焗多5分鐘 , 取出靜待10分鐘待涼 , 直至全部豬肉碎整成豬肉乾為止 , 再修邊切成一塊塊即可



















材料
豬肉碎$30(約750g) , 五香粉 , 白砂糖30g , 蜜糖80g , 酒 , 胡椒粉 , 魚露 , 保鮮紙 , 焗爐紙 , 麵棍

醃料
酒 , 胡椒粉 , 魚露2湯匙 , 生抽 , 老抽



做法
1. 豬肉碎放入大碗內 , 加入五香粉及醃料拌勻先靜待10分鐘 

2. 再加入砂糖及蜜糖拌勻靜待1小時 

3. 醃左1小時的豬肉碎蓋上保鮮紙放入雪櫃下層靜待一晚

4. 翌日將豬肉碎從雪櫃取出靜待10分鐘 , 焗爐用180C預熱10分鐘 

5. 枱面放一張焗爐紙 , 將200g的豬肉碎放焗爐紙上 , 再放上一張保鮮紙 

6. 用麵棍壓至薄身 , 除去保鮮紙後連焗爐紙一同放入焗盆內

7. 放入焗爐用180C上下火先焗15分鐘 , 取出倒去肉汁 

8. 反轉肉片再放入焗爐繼續焗15分鐘 , 期間將蜜糖加水拌勻成蜜糖水備用

9. 15分鐘後取出掃上蜜糖水 

10. 入焗爐將溫度調低至150C , 繼續用上下火焗5分鐘 

11. 5分鐘後取出反轉再掃上蜜糖水 , 放入焗爐再焗多5分鐘 , 取出靜待10分鐘待涼 

12. 餘下的豬肉碎同樣將200g的豬肉碎放焗爐紙上 

13. 再放上一張保鮮紙 , 用麵棍壓至薄身 , 除去保鮮紙後連焗爐紙一同放入焗盆內 

14. 15分鐘後取出掃上蜜糖水 , 入焗爐將溫度調低至150C , 繼續用上下火焗5分鐘 

15. 5分鐘後取出反轉再掃上蜜糖水 , 放入焗爐再焗多5分鐘 

16. 取出靜待10分鐘待涼 

17. 直至全部豬肉碎整成豬肉乾為止 , 再修邊切成一塊塊即可 




掃上蜜煻令豬肉乾變得甜甜 , 好味的程度令我食完一條再一條呢 ^^



28 則留言:

  1. 我都好多年前整過,當時未有焗爐,用好細那種多士爐焗,都幾好食架,不過,你做的更專業,一定更好吃。

    回覆刪除
  2. 自家製一定便宜好多,我都覺得街賣的太貴了,不過佩服袁太自己整豬肉乾都可以咁吸引,睇見都覺得好味

    回覆刪除
    回覆
    1. 出面街買真係貴架,而且份量都唔多

      刪除
  3. 加左蜜糖,變得甜甜,一定好味

    回覆刪除
  4. 回覆
    1. 係呀,如果壓得唔夠薄,焗出黎會好厚架

      刪除
  5. 豬肉乾,我都好鐘意食架!

    回覆刪除
  6. 我整過一次咁大把,但燶咗一半,要你咁好心机,先能整得咁靚呀。

    回覆刪除
    回覆
    1. 我之前整都焗燶過,所以今次一定要企定定睇住

      刪除
  7. 豬肉乾都整得咁靚,袁太真係好有心機呀

    回覆刪除
    回覆
    1. 所以有時袁生都佩服我的心機

      刪除
  8. 無魚露可以落咩?或唔落得嗎?

    回覆刪除
    回覆
    1. 如果唔落魚露,可以飛走,不過會冇咁香呢

      刪除
  9. 又係心機之作!我真係無你咁有心思呢~~

    回覆刪除
  10. 回覆
    1. 整呢d一定要有心機,如果唔係焗燶晒就浪費喇

      刪除