2017年11月14日 星期二

[冷飯料理] 脆脆黑芝麻雜菜煎米餅




大家會唔會經常有冷飯應該如何處理的煩惱呢 ??? 日常生活裡 , 每一星期總有一日會有冷飯剩低 , 放入雪櫃通常都會過幾日才發現 , 一般冷飯都會用來炒飯 , 但我家袁生唔太喜愛炒飯 , 所以要諗諗計 , 碗冷飯該如何處置 ......



用來煮粥 ??? 袁生唔食 , 用來煮湯飯 ??? 袁生又係唔食 , 咁如果用來整煎米餅 , 唔知袁生又食唔食呢 ??? 煎米餅的配料可因個人喜好而定 , 可同茄子 , 用肉碎 , 用豆腐拌勻放入鑊煎咩都得 , 又或者好似袁太今次簡單咁加入蔬菜類 , 唔講唔知 , 其實呢堆蔬菜都係百寶箱(雪櫃)的剩餘物資



等袁太逐一講解 : (一) 椰菜係之前包水餃時用剩的
                            (二) 西芹同甘旬係冇幾耐之前整雞卷時用剩的
                            (三) 粟米就之前買一份用剩一條
                            (四) 金菇就之前係佳寶見平包左幾包未用晒



簡單地將蔬菜切段同切絲 , 加埋調味料及黑芝麻一同拌勻 , 放入冰箱冷藏一陣 , 再放入鑊中壓平煎至兩面金黃色 , 食時外面脆卜卜 , 內裡軟綿綿的飯粒同蔬菜 , 真係幾好味呢 ^^

 

材料 : 冷飯 , 椰菜 , 西芹 , 甘旬 , 粟米 , 金菇 , 雞蛋 , 黑芝麻 , 黑胡椒碎 , 鹽 , 生粉




西芹去纖維 , 甘旬去皮 , 分別將甘旬切絲 , 西芹切粒 , 金菇切細段 , 用水沖一沖洗及瀝乾 , 椰菜切絲 , 粟米放入電蒸鍋內蓋上蓋蒸20分鐘 , 蒸好起出粟米粒












 



大碗內逐一放入金菇 , 甘旬絲 , 西芹粒 , 椰菜絲及粟米粒拌勻 , 再加入冷飯 , 雞蛋 , 4茶匙生粉及調味料拌勻靜待10分鐘




















10分鐘後加入黑芝麻再拌勻 , 蓋上蓋保鮮紙放入冰箱冷藏1小時 , 1小時後從冰箱取出靜待10分鐘










麵包糠與少許黑芝麻拌勻 , 器皿放一張保鮮紙 , 灑上適量麵包糠 , 將適量米餅材料放在保鮮紙上 , 用手搓成餅型 , 再灑上麵包糠 , 蓋上保鮮紙入冰箱冷藏10分鐘 , 最後放入鑊中用慢火慢慢煎至兩面金黃色即可






















材料
冷飯1碗 , 椰菜1個 , 西芹2條 , 甘旬1條 , 粟米1條 , 金菇1包 , 雞蛋2隻 , 黑芝麻 , 黑胡椒碎 , 鹽 , 生粉

調味料
鹽 , 黑胡椒碎



做法
1. 西芹去纖維 , 甘旬去皮 , 分別將甘旬切絲 , 西芹切粒 

2. 金菇切細段 , 用水沖一沖洗及瀝乾 

3. 椰菜切絲 , 粟米放入電蒸鍋內蓋上蓋蒸20分鐘 , 蒸好起出粟米粒

4. 大碗內逐一放入金菇 , 甘旬絲 , 西芹粒 , 椰菜絲及粟米粒拌勻 

5. 再加入冷飯 , 雞蛋 , 4茶匙生粉及調味料拌勻靜待10分鐘 

6. 10分鐘後加入黑芝麻再拌勻 , 蓋上蓋保鮮紙放入冰箱冷藏1小時 

7. 1小時後從冰箱取出靜待10分鐘

8. 麵包糠與少許黑芝麻拌勻 , 器皿放一張保鮮紙 , 灑上適量麵包糠 

9. 將適量米餅材料放在保鮮紙上 , 用手搓成餅型 , 再灑上麵包糠 

10. 蓋上保鮮紙入冰箱冷藏10分鐘 

11. 最後放入鑊中用慢火慢慢煎至兩面金黃色即可




外脆內軟的煎米餅 , 慶幸袁生好喜歡 , 用來做下午茶都唔錯呢 ^^




20 則留言:

  1. 用冷飯整成米餅,呢個做法好好

    回覆刪除
  2. 我都經常有冷飯剩,下次試下整呢個米餅先

    回覆刪除
  3. 等我都试下先,謝分享。

    回覆刪除
  4. 睇來袁生都係鍾意食香口嘢。

    回覆刪除
  5. 原來冷飯可以用黎做米餅,好創意

    回覆刪除