2017年11月2日 星期四

臘味蘿蔔糕




唔知大家除左新年的時候會蒸糕糕之外 , 平時會唔會整下蘿蔔糕呢 ??? 我既答案係~絕對會~ , 以前想食糕有婆婆整 , 婆婆過世後就有媽咪接手整 , 不過媽咪只會新年先整 , 如果日常生活中想食 , 媽咪只會好簡單係粥店買 , 當然出面街賣的係唔好吃 , 冇咩配料之餘 , 感覺好似粉多個咩咁 , 何況今次唔只我想食 , 袁生都想食架 ......



其實點解我會突然想食糕 , 係因為某日清理雪櫃的時候 , 發現仲有幾條臘腸 , 半條臘肉 , 少少蝦米 , 一條白蘿蔔 , 事問見到咁多材料 , 係咪會即刻想起蘿蔔糕呢 , 不過當時得半條蘿蔔就唔太夠 , 所以簡單去街市買多一條白蘿蔔就可以整美味的蘿蔔糕喇



記得婆婆以前會將一條條的白蘿蔔刨絲 , 不過我就唔鐘意刨 , 我比較鐘意用切的方法 , 將白蘿蔔去皮切成一條條幼條 , 蒸好的時候鐘意加蔥粒或XO醬都得 , 食時可以見到蘿蔔絲 , 咁樣會好味好多呢(我覺得) , 今次的份量就整左兩底同兩個細的份量 , 細份量的剛剛蒸好就趁熱食 , 大個兩底就放入雪櫃靜待一晚至硬身 , 第二日就切片煎黎食 , 好鬼好味道呢 ^^



材料 : 白蘿蔔 , 蝦米 , 白芝麻(預先放入白鑊中炒香) , 短臘腸 , 臘肉 , 冬菇(預先浸軟) , 浸冬菇水 , 蔥 , 油 , 胡椒粉 , 鹽 , 掃 , 粘米粉 , 蒸糕盆 , XO醬(可省略)




白蘿蔔去皮切成幼條 , 蝦米浸水10分鐘至軟身(浸蝦米水留起) , 短臘腸同臘肉用熱水沖一沖洗再切粒 , 冬菇切粒 , 蔥洗淨切粒 , 浸軟蝦米用水沖一沖洗及瀝乾 , 燒紅鑊 , 先爆香臘腸粒及臘肉粒 , 再加入冬菇粒及蝦米粒拌勻炒數分鐘 , 先盛起備用














 
鑊中加入蘿蔔絲拌勻炒數分鐘 , 先加入一半份量的冬菇水拌勻炒至收乾水份 , 再加入餘下的冬菇水拌勻 , 再炒至水份收乾 , 再加入蝦米水拌勻不斷炒至蘿蔔成透明狀熟透















加入之前炒好的配料拌勻 , 加少許鹽及胡椒炒調味再拌勻 , 最後粘米粉分三次加入蘿蔔內拌勻

















糕盆掃上油 , 將材料平均放入至八分滿 , 再用刀壓平靜待10分鐘 , 逐一放入電蒸鍋內蒸1小時再焗10分鐘至熟透 , 取出灑上白芝麻 , 或自行加入XO醬或蔥粒 , 將待涼的蘿蔔糕入雪櫃靜待一晚 , 切片或切粒 , 放入鑊中用慢火慢慢煎至兩面金黃色即可



























材料
白蘿蔔1條 , 蝦米 , 白芝麻(預先放入白鑊中炒香) , 短臘腸4條 , 臘肉1/2條 , 冬菇5隻(預先浸軟) , 浸冬菇水 , 蔥 , 油 , 胡椒粉 , 鹽 , 掃 , 粘米粉3/4杯 , 蒸糕盆 , XO醬(可省略)



做法
1. 白蘿蔔去皮切成幼條 , 蝦米浸水10分鐘至軟身(浸蝦米水留起) 

2. 短臘腸同臘肉用熱水沖一沖洗再切粒 , 冬菇切粒 , 蔥洗淨切粒 

3. 浸軟蝦米用水沖一沖洗及瀝乾 

4. 燒紅鑊 , 先爆香臘腸粒及臘肉粒 , 再加入冬菇粒及蝦米粒拌勻炒數分鐘 

5. 先盛起備用

6. 鑊中加入蘿蔔絲拌勻炒數分鐘 , 先加入一半份量的冬菇水拌勻炒至收乾水份 

7. 再加入餘下的冬菇水拌勻 , 再炒至水份收乾 

8. 再加入蝦米水拌勻不斷炒至蘿蔔成透明狀熟透

9. 加入之前炒好的配料拌勻 , 加少許鹽及胡椒炒調味再拌勻 

10. 最後粘米粉分三次加入蘿蔔內拌勻

11. 糕盆掃上油 , 將材料平均放入至八分滿 , 再用刀壓平靜待10分鐘 

12. 逐一放入電蒸鍋內蒸1小時再焗10分鐘至熟透 

13. 取出灑上白芝麻 , 或自行加入XO醬或蔥粒 

14. 將待涼的蘿蔔糕入雪櫃靜待一晚 , 切片或切粒 

15. 放入鑊中用慢火慢慢煎至兩面金黃色即可




超足料的臘味蘿蔔糕 , 細底即蒸即食 , 大底放入雪櫃靜待一晚再煎黎食呢 ^^







或可以好似袁生咁煎至金黃的蘿蔔糕 , 淋上XO醬拌食都一樣咁惹味呢 ^^


22 則留言:

  1. 好多料,我都想食番件。

    回覆刪除
  2. 哎呀,我今日買左蘿蔔,想星期六整蘿蔔糕呀,咁啱架。

    回覆刪除
  3. 我都好喜歡食, 等我又試你個食譜先 😋

    回覆刪除
  4. 回覆
    1. 我反而新年唔整,平時日子想食先整

      刪除
  5. 我同意袁太的講法,想食就可以自己整,唔一要節日先整呢

    回覆刪除
  6. 而且袁太整呢款蘿蔔糕好多料,好吸引

    回覆刪除
  7. 我都中意食蘿蔔糕架~~不過哩兩年懶無整了……

    回覆刪除
  8. 足料蘿蔔糕唔錯

    回覆刪除