2017年11月23日 星期四

焗紅豆西米布甸




突然又好想食甜品 , 今次整袁太爹地最愛的焗西米布甸 , 雖然又排都未到父親節 , 但就就快到爹地的生日 , 整父母愛吃的食物 , 等佢地可以開心下 ......



回想過去 , 袁太有時係酒樓都會叫呢款甜品 , 不過唔係每間都好味 , 有時食到既焗布甸 , 味道係超淡 , 直頭淡到連內餡的蓮蓉都係淡既呢 , 講開蓮蓉 , 其實袁太唔係咁鐘意食蓮蓉 , 永遠覺得"蓮蓉"係一樣好"流"的食物 , 所以如果俾我的話 , 我一定會將蓮蓉餡轉做紅豆蓉呢 , 焗西米布甸不論材料或製作都好簡單容易 , 先煮好個西米 , 再煮個布甸糊 , 個布甸糊一路煮就一路散發出香味 , 未食都覺得甜



如果大家有時間 , 內餡的紅豆蓉都可以自家製架 , 袁太呢個紅豆蓉都係之前整好放入雪櫃 , 閒時就取出用黎做甜品 , 今次就整左西米布甸的內餡 , 下次袁太已經諗埋 , 會用紅豆蓉黎製作銅鑼燒的內餡呢 ^^



材料 : 鮮奶 , 西米 , 花奶 , 牛油 , 吉士粉 , 雞蛋 , 紅豆蓉 , 砂糖 , 焗碗




西米放入煲內 , 加水浸過面 , 拌一拌勻西米以免黏底 , 用慢火煮至西米成透明狀 , 倒入隔篩內用水沖洗數分鐘 , 加入冰水浸過面靜待10分鐘後瀝乾水份備用












雞蛋打入碗內 , 加入100ml鮮奶 , 吉士粉拌勻 , 將牛油及砂糖放入煲內 , 加入餘下的150ml鮮奶及花奶 , 用慢火一路煮一路拌勻煮至濃稠 , 熄火加入西米拌勻






















將西米湖放入焗碗內至1/3份滿 , 再放入適量紅豆蓉 , 再放上西米糊至九分滿 , 靜待10分鐘 , 期間將焗爐用200C預熱10分鐘 , 西米布甸放入焗盤內 , 加入100ml水於焗盤內 , 放入焗爐中層用200C上下火焗15分鐘 , 取出灑少許砂糖於布甸面 , 再入焗爐繼續用200C上火焗5分鐘至表面成金黃色 , 取出靜待10分鐘即可




























 
材料
鮮奶250ml , 西米60g , 花奶50ml , 牛油20g , 吉士粉2湯匙 , 雞蛋1隻 , 紅豆蓉 , 砂糖45g , 焗碗



做法
1. 西米放入煲內 , 加水浸過面 , 拌一拌勻西米以免黏底 , 用慢火煮至西米成透明狀 

2. 倒入隔篩內用水沖洗數分鐘 

3. 加入冰水浸過面靜待10分鐘後瀝乾水份備用

4. 雞蛋打入碗內 , 加入100ml鮮奶 , 吉士粉拌勻 

5. 將牛油及砂糖放入煲內 , 加入餘下的150ml鮮奶及花奶 

6. 用慢火一路煮一路拌勻煮至濃稠 , 熄火加入西米拌勻

7. 將西米湖放入焗碗內至1/3份滿 , 再放入適量紅豆蓉 , 再放上西米糊至九分滿 

8. 靜待10分鐘 

9. 期間將焗爐用200C預熱10分鐘 

10. 西米布甸放入焗盤內 , 加入100ml水於焗盤內 

11. 放入焗爐中層用200C上下火焗15分鐘 

12. 取出灑少許砂糖於布甸面 , 再入焗爐繼續用200C上火焗5分鐘至表面成金黃色

13. 取出靜待10分鐘即可




賣相靚靚又好味的紅豆西米布甸 , 有冇朋友仔要試呢 ^^






14 則留言: