2017年11月6日 星期一

肉鬆蛋炒黃薑飯




~黃薑飯~ 我對佢一d都唔陌生 , 由於奶奶係印尼華橋關係 , 以往同奶奶去印尼餐廳食飯 , 係必然會Order之一 , 當中印尼餐廳的巴東牛肉 , 申燒的雞 , 蝦同印尼加多加多 , 係我覺得最好味的印尼食物 , 想起都好耐冇食過 , 等我搵日約奶奶去嘆下先 ......



係約奶奶去印尼餐廳之前 , 都要煮下相關的食物頂下癮 , 思前想後 , 黃薑飯應該算係最簡單呢 , 不過袁太唔怕係度同大家講 , 唔知大約幾多年前 , 我整過一次黃薑飯 , 好有印象係買一包包的炒飯料去整 , 整完之後 , 嘩 ... 難食到呢 , 幾乎入唔到口 , 從此同黃薑飯各不相干 , 吸取之前的教訓 , 今次絕對唔會買一包包的現成貨 , 實行去東南亞材料店買材料自己整



屋企附近商場唯一一間賣東南亞材料的店鋪 , 雖然唔係太大間 , 不過材料都算齊全 , 咩材料都有

 







 
入到店鋪只係10分鐘左右 , 已經可以買齊整黃薑飯的所有材料 , 買左椰漿 , 斑蘭葉 , Salam葉 , 香茅 , 黃薑同南薑 , 買齊材料就回家將應該洗 , 應該浸的材料處理好佢 , 其實煮黃薑飯好簡單 , 將全部香料連同椰漿 , 白米放入電飯煲按製 , 好似平時煮飯咁 , 當飯煮好可以就咁拌勻盛起 , 當一碗黃薑飯 , 再配燒雞 , 青瓜或者牛肉拌食



不過我就唔太鐘意配呢幾樣 , 而且我又比較鐘意食乾身的飯 , 所以當飯煲內的黃薑飯煮好後 , 就盛起待一待涼 , 將係飯煲盛起的香料放入鑊中爆香 , 再加入黃薑飯再炒乾身少少 , 簡單再加蛋絲同肉鬆拌勻 , 就變成一道黃薑炒飯呢 , 雖然個炒飯望落好似好單調 , 冇咩配料 , 但勝在黃薑味夠重 , 又有香料同椰漿的香味 , 已經好滿足呢 ^^



材料 : 白米 , 豬肉鬆 , 椰漿 , 黃薑 , 南薑 , Salam葉 , 斑蘭葉 , 黃薑粉 , 香茅 , 料理繩 , 鹽 , 水 , 雞蛋




Salam葉沖洗乾淨 , 放入大碗內加水浸過面靜待15分鐘 , 斑蘭葉逐塊用料理繩扎起 , 南薑切片 , 黃薑蘑蓉 , 香茅拍 , Salam葉浸15分鐘後瀝乾水份









白米用水沖洗乾淨 , 瀝乾水份後放入飯煲內 , 加入椰漿及1杯水份量 , 逐一加入黃薑蓉 , 黃薑粉 , 南薑片及1茶匙鹽拌勻

















再逐一放入Salam葉 , 斑蘭葉及香茅 , 按製將飯煮熟 , 飯煮熟後再焗15分鐘 , 將Salam葉 , 斑蘭葉 , 香茅 , 南薑片盛起 , 將黃薑飯拌勻盛起放入大碗內靜待30分鐘待涼 , 期間將雞蛋打成蛋液 , 放入鑊中用筷子快手拌勻 , 用中火炒成蛋粒備用

















燒紅鑊 , 將之前盛起的Salam葉 , 斑蘭葉 , 香茅 , 南薑片落鑊爆香後取走 , 加入黃薑飯拌勻炒數分鐘至乾身 , 最後加入蛋粒 , 肉鬆拌勻即可
















材料
白米2杯 , 豬肉鬆 , 椰漿265ml , 黃薑1條 , 南薑2個 , Salam葉6塊 , 斑蘭葉4片 , 黃薑粉1湯匙 , 香茅1條 , 料理繩 , 鹽 , 水1杯 , 雞蛋2隻



做法
1. Salam葉沖洗乾淨 , 放入大碗內加水浸過面靜待15分鐘 

2. 斑蘭葉逐塊用料理繩扎起 , 南薑切片 , 黃薑蘑蓉 , 香茅拍 

3. Salam葉浸15分鐘後瀝乾水份

4. 白米用水沖洗乾淨 , 瀝乾水份後放入飯煲內 

5. 加入椰漿及1杯水份量 , 逐一加入黃薑蓉 , 黃薑粉 , 南薑片及1茶匙鹽拌勻

6. 再逐一放入Salam葉 , 斑蘭葉及香茅 

7. 按製將飯煮熟 , 飯煮熟後再焗15分鐘 

8. 將Salam葉 , 斑蘭葉 , 香茅 , 南薑片盛起 

9. 將黃薑飯拌勻盛起放入大碗內靜待30分鐘待涼 

10. 期間將雞蛋打成蛋液 , 放入鑊中用筷子快手拌勻 , 用中火炒成蛋粒備用

11. 燒紅鑊 , 將之前盛起的Salam葉 , 斑蘭葉 , 香茅 , 南薑片落鑊爆香後取走 

12. 加入黃薑飯拌勻炒數分鐘至乾身 , 最後加入蛋粒 , 肉鬆拌勻即可
  



今次的黃薑飯十分成功 , 無論賣相同味道都一流呢 ^^





18 則留言:

  1. 呢個飯我以前也在印尼店食過,不過,我不大喜歡黃薑的味道。

    回覆刪除
    回覆
    1. 我以前都怕黃薑的味道,但而家反而覺得黃薑好香

      刪除
  2. 未睇到材料,我以為只係黃薑粉炒飯。原來材料有咁多!

    回覆刪除
    回覆
    1. 係呀,加入椰漿同斑蘭葉先夠香呢

      刪除
  3. 用咁多料整黃薑飯一定好香呢

    回覆刪除
  4. 黃薑飯我啱食呀

    回覆刪除
  5. 加入肉鬆同蛋絲味道提升不少

    回覆刪除
  6. 黃薑飯我好鐘意食架

    回覆刪除
  7. 搞到我唸起土司工坊個飯呢!哈

    回覆刪除