2017年11月7日 星期二

惹味韓式醬焗金沙骨




繼之前係佳寶買到靚靚的金沙骨 , 啖啖肉好味到暈之後 , 久唔久我就會再去睇下有冇靚靚的金沙骨賣 , 無意中某日去有見到剛剛開箱的金沙骨 , 又係靚到無朋友 , 買下買下就買左四磅回家 , 之前就簡單醃一晚 , 再沾麵包糠半煎炸 , 不過今次唔煎 , 轉用焗的方法烹調 ......



而且仲係用袁太最愛的韓式系列製作 , 好簡單地係日式超市買左樽韓式醃肉汁 , 再加上奇異果及其他醃料放入雪櫃醃一晚 , 等金沙骨入晒味之間 , 翌日先再放入焗爐焗至金黃 



金沙骨焗的期間 , 不停掃上醃料醬及蜜糖水 , 當焗至每條金沙骨金金黃黃之後 , 再灑上黑芝麻粒 , 呢個焗金沙骨辣辣地又甜甜地 , 無論用來當小菜 , 派對小食或送酒小食都好適合 , 今次只係用左兩磅來製作 , 餘下兩磅份量的金沙骨又要想想辦法要點煮好 , 大家有冇咩好提議俾袁太呢 ^^



材料 : 金沙骨 , 蜜糖 , 蒜頭 , 乾蔥頭 , 韓式醃肉醬 , 金奇異果 , 薑 , 錫紙 , 酒 , 掃 , 糖 , 黑芝麻




薑磨成薑汁茸 , 金奇異果去皮切粒 , 蒜頭去衣拍扁 , 乾蔥頭去衣切片 , 金沙骨放入器皿內加入韓式醃肉醬 , 酒 , 薑汁茸及黃糖拌勻先靜待10分鐘 , 再加入蒜頭 , 乾蔥頭片及奇異果粒拌勻 , 蓋上保鮮紙入雪櫃靜待一晚



















翌日將金沙骨放回室溫靜待30分鐘 , 期間將焗爐用220C預熱10分鐘 , 焗盤放上錫紙 , 放上金沙骨 , 再用另一張錫紙蓋上 , 放入焗爐用200C上下火焗20分鐘 , 醃金沙骨的醬料盛起













焗20分鐘後將錫紙取走 , 掃上醃醬料入焗爐用180C上火焗10分鐘 , 取出反轉另一面掃上醃醬料入焗爐再用180C上火焗10分鐘 , 每面再掃上蜜糖轉用150C上火焗5分鐘 , 最後灑上黑芝麻靜待10分鐘即可























材料 
金沙骨2磅 , 蜜糖2湯匙 , 蒜頭1/2個 , 乾蔥頭2粒 , 韓式醃肉醬2湯匙 , 金奇異果2個 , 薑 , 錫紙 , 酒 , 掃 , 糖 , 黑芝麻



做法
1. 薑磨成薑汁茸 , 金奇異果去皮切粒 , 蒜頭去衣拍扁 , 乾蔥頭去衣切片 

2. 金沙骨放入器皿內加入韓式醃肉醬 , 酒 , 薑汁茸及黃糖拌勻先靜待10分鐘 

3. 再加入蒜頭 , 乾蔥頭片及奇異果粒拌勻 

4. 蓋上保鮮紙入雪櫃靜待一晚

5. 翌日將金沙骨放回室溫靜待30分鐘 , 期間將焗爐用220C預熱10分鐘 

6. 焗盤放上錫紙 , 放上金沙骨 , 再用另一張錫紙蓋上 

7. 放入焗爐用200C上下火焗20分鐘 

8. 醃金沙骨的醬料盛起

9. 焗20分鐘後將錫紙取走 , 掃上醃醬料入焗爐用180C上火焗10分鐘 

10. 取出反轉另一面掃上醃醬料入焗爐再用180C上火焗10分鐘 

11. 每面再掃上蜜糖轉用150C上火焗5分鐘 

12. 最後灑上黑芝麻靜待10分鐘即可




香噴噴熱辣辣的焗金沙骨 , 來一客啤酒啤啤佢仲一流呢 ^^



20 則留言:

  1. 用韓式醬焗一定好美味

    回覆刪除
  2. 我老公喜歡韓式食物,等我記低食譜先

    回覆刪除
  3. 賣相好靚,一定美味

    回覆刪除