2017年12月13日 星期三

[中式點心] 鴨腳扎




袁太好多時每朝睡醒 , 腦海裡都會浮現一種食物 , 有時係咖哩 , 有時係牛腩 , 今期係佢 ... 酒樓的中式點心~鴨腳扎~ , 我都幾鐘意食 , 唔知大家又喜唔喜歡呢 ......



講開鴨腳扎 , 我家袁生就至喜歡食鴨腳 , 無論用蠔油炆 , 飽汁炆他統統都愛 , 不過整鴨腳扎都幾多步驟 , 又係長時間製作的點心 , 印象中記得酒樓食的鴨腳扎除左有鴨腳外 , 好似仲有火腿扒 , 芋頭 , 豬肉等等... 不過可惜袁生唔太喜愛食火腿扒 , 又唔太鐘意食芋頭 , 所以又要轉用他喜愛的食材埋手



豬肉可以保留 , 而火腿扒同芋頭就轉用沙爆魚肚同冬菇 , 我相信一定會香好多 , 雖然材料唔算多 , 但步驟都算多的自家製足料鴨腳扎 , 先要浸好材料再出水 , 又要炆鴨腳 , 炆好再用腐皮包好 , 再放入電蒸鍋內蒸十幾分鐘 , 蒸好再淋上炆鴨腳的汁就完成 , 雖然整的時間頗長 , 但食的時間都唔駛10分鐘呢 ^^



材料 : 鴨腳 , 冬菇(預先浸軟) , 冬菇水 , 沙爆魚肚 , 半肥瘦豬肉 , 腐皮 , 薑 , 蔥 , 冰糖 , 酒 , 胡椒粉 , 鹽 , 水




薑去皮切幼絲 , 蔥切段 , 鴨腳去甲用水沖一沖洗 , 鑊中加入一半份量薑絲及一半份量蔥段 , 少許酒及水拌勻 , 放入鴨腳蓋上蓋用中火出水5分鐘 , 盛起瀝乾水份









將鴨腳放入鑊中 , 加入調味料 , 冰糖 , 冬菇水及約5杯水份量拌勻 , 用中火煮滾後蓋上蓋轉慢火炆45分鐘 , 期間將沙爆魚肚放入大碗內 , 加入水浸過面 , 用碟壓下魚肚令魚肚完全浸於水中 , 靜待30分鐘 , 將浸已軟身的魚肚放入煲內 , 加入餘下份量的薑絲及蔥段 , 加入水用中火煮至滾起 , 盛起魚肚瀝乾水份備用




















半肥瘦豬肉切粒 , 剁成肉餅狀 , 放入大碗內加少許鹽 , 胡椒粉及麻油拌勻 , 用手撻十餘下靜待10分鐘











炆左45分鐘的鴨腳再加入魚肚及冬菇拌勻 , 蓋上蓋繼續用慢火炆10分鐘 , 熄火焗20分鐘 , 將每樣材料及汁料分開盛起 , 魚肚用剪刀剪成細片











腐皮修邊後對摺再剪成長型 , 將腐皮平放 , 用濕毛巾抹一抹張腐皮 , 逐一放上鴨腳 , 豬肉 , 魚肚及冬菇包好 , 用生粉水封口 , 將包好的鴨腳扎靜待10分鐘












鴨腳扎放上碟 , 放入電蒸鍋內蒸上蓋15分鐘 , 再淋上汁料 , 再蓋上蓋蒸5分鐘即可












材料
鴨腳8隻 , 冬菇3隻(預先浸軟) , 冬菇水 , 沙爆魚肚 , 半肥瘦豬肉$10 , 腐皮1塊 , 薑 , 蔥 , 冰糖 , 酒 , 胡椒粉 , 鹽 , 水

調味料
蠔油 , 生抽 , 老抽



做法
1. 薑去皮切幼絲 , 蔥切段

2. 鴨腳去甲用水沖一沖洗 , 鑊中加入一半份量薑絲及一半份量蔥段 , 少許酒及水拌勻 

3. 放入鴨腳蓋上蓋用中火出水5分鐘 , 盛起瀝乾水份

4. 將鴨腳放入鑊中 , 加入調味料 , 冰糖 , 冬菇水及約5杯水份量拌勻 

5. 用中火煮滾後蓋上蓋轉慢火炆45分鐘 

6. 期間將沙爆魚肚放入大碗內 , 加入水浸過面 , 用碟壓下魚肚令魚肚完全浸於水中 

7. 靜待30分鐘 

8. 將浸已軟身的魚肚放入煲內 , 加入餘下份量的薑絲及蔥段 

9. 加入水用中火煮至滾起 , 盛起魚肚瀝乾水份備用

10. 半肥瘦豬肉切粒 , 剁成肉餅狀 

11. 放入大碗內加少許鹽 , 胡椒粉及麻油拌勻 , 用手撻十餘下靜待10分鐘 

12. 炆左45分鐘的鴨腳再加入魚肚及冬菇拌勻 , 蓋上蓋繼續用慢火炆10分鐘 

13. 熄火焗20分鐘

14. 將每樣材料及汁料分開盛起 , 魚肚用剪刀剪成細片

15. 腐皮修邊後對摺再剪成長型 

16. 將腐皮平放 , 用濕毛巾抹一抹張腐皮 , 逐一放上鴨腳 , 豬肉 , 魚肚及冬菇包好 

17. 用生粉水封口 , 將包好的鴨腳扎靜待10分鐘

18. 鴨腳扎放上碟 , 放入電蒸鍋內蒸上蓋15分鐘 

19. 再淋上汁料 , 再蓋上蓋蒸5分鐘即可




夠足料又美味的鴨腳扎 , 袁太整左八件 , 我同袁生都覺得唔夠食呢 ^^




20 則留言:

  1. 正呀~好似酒樓咁呢!好吸引~!

    回覆刪除
  2. 正過酒樓個d呀

    回覆刪除
  3. 我每次飲茶必點,不過我都一樣唔鐘意用芋頭

    回覆刪除
    回覆
    1. 係呀,試過飲茶點鴨腳扎,入面的芋頭味道怪怪的

      刪除
  4. 回覆
    1. 雖然好味道,但應該不及酒樓個d呢

      刪除
  5. 你好勁呀,咁多功夫都整!

    回覆刪除
  6. 我買左包魚肚回來唔識整,原來可以用來炆煮。

    回覆刪除
    回覆
    1. 魚肚用來炆餸,煮羹或用湯浸都好好味呢

      刪除
  7. 好勁!!連哩個都識整!

    回覆刪除