2017年12月18日 星期一

豉椒鳳爪排骨




唔知大家去酒樓嘆一盅兩件時 , 會喜愛叫什麼點心呢 ??? 煎釀茄子 ??? 叉燒包 ??? 奶皇包 ??? 還是蝦餃燒賣呢 ??? , 我家袁生除燒賣外 , 只會對一種點心情有獨鐘 ......



情有獨鐘的點心就係豉椒鳳爪 , 每當飲茶的時候 , 佢一定會叫 , 但事問酒樓一碟鳳爪 , 有幾多隻 ??? 十隻手指都數得晒 , 叫一籠就算夠我食都唔夠袁生食 , 所以決定去街市 , 買鳳爪回家自行炮製一碟足料的鳳爪 , 不過我整鳳爪唔會用蒸的方法 , 會用炆的方式去烹調 , 其實在家自製豉椒鳳爪做法唔難 , 先將鳳爪出水先炆佢一粒鐘 , 再爆香豆豉及辣椒 , 加入調味料及鳳爪 , 再拌勻煮多十分鐘就有得食 , 係咪絕對簡單又好味呢 , 今次仲加埋排骨一齊煮 , 就變得更加惹味



如果大家喜愛 , 可以用自己喜愛的材料墊底 , 例如 : 白蘿蔔 , 芋絲 , 豆腐卜或者花生都可以 , 同樣美味呢 ^^



材料 : 鳳爪 , 排骨 , 薑 , 蒜頭 , 豆豉 , 辣椒 , 酒 , 蔥 , 糖 , 生粉 , 胡椒粉




鳳爪剪去甲 , 連同排骨用水沖一沖乾淨 , 排骨放入大碗內 , 加入醃料拌勻靜待30分鐘 , 期間將鳳爪放入煲內加水用中火煮滾 , 盛起沖一沖洗及瀝乾 , 蒜頭去衣切細粒 , 薑去皮切絲 , 蔥切段及切蔥絲 , 豆豉剁碎 , 辣椒切粒
















燒紅鑊 , 爆香蔥段 , 薑絲及蒜粒 , 加入排骨 , 鳳瓜 , 贊少許酒拌勻炒香 , 加入調味料再拌勻炒至排骨轉色 , 夾去蔥段去掉 , 加入約4碗水份量拌勻後用中火煮滾 , 蓋上蓋轉慢火炆1小時





















1小時後加入豆豉 , 辣椒粒及調味料拌勻 , 蓋上蓋繼續用慢火煮10分鐘至汁料半收乾即可













材料
鳳爪8隻 , 排骨 , 薑 , 蒜頭 , 豆豉 , 辣椒2隻 , 酒 , 蔥 , 糖 , 生粉 , 胡椒粉

醃料
生抽 , 鹽 , 糖 , 雞粉 , 生粉 , 胡椒粉

調味料
老抽 , 糖 



做法
1. 鳳爪剪去甲 , 連同排骨用水沖一沖乾淨 

2. 排骨放入大碗內 , 加入醃料拌勻靜待30分鐘 

3. 期間將鳳爪放入煲內加水用中火煮滾 , 盛起沖一沖洗及瀝乾

4. 蒜頭去衣切細粒 , 薑去皮切絲 , 蔥切段及切蔥絲 , 豆豉剁碎 , 辣椒切粒

5. 燒紅鑊 , 爆香蔥段 , 薑絲及蒜粒 

6. 加入排骨 , 鳳瓜 , 贊少許酒拌勻炒香 , 加入調味料再拌勻炒至排骨轉色 

7. 夾去蔥段去掉 

8. 加入約4碗水份量拌勻後用中火煮滾 , 蓋上蓋轉慢火炆1小時

9. 1小時後加入豆豉 , 辣椒粒及調味料拌勻 

10. 蓋上蓋繼續用慢火煮10分鐘至汁料半收乾即可




成本絕對唔高 , 但一碟有咁多隻鳳爪同排骨 , 相等於酒樓幾籠的份量呢 ^^




20 則留言:

  1. 我鐘意食鳳爪

    回覆刪除
  2. 回覆
    1. 我覺得加多點辣椒會仲惹味呢

      刪除
  3. 鳳爪我一個人可以食好多隻架

    回覆刪除
  4. 加碗白飯俾我已滿足了

    回覆刪除
  5. 回覆
    1. 我都必點,不過酒樓一碟份量唔係好多呢

      刪除
  6. 肥人愛呀呢個, 次次飲茶必點呀!!

    回覆刪除
    回覆
    1. 我都係必點架,不過酒樓份量唔係太多

      刪除