2017年12月29日 星期五

[派對小食] 脆脆炸薯波




剛剛過去的聖誕節 , 大家有冇過一個開心的聖誕節呢 , 每逢節日 , 我同袁生都好例牌地靜靜在家過 , 或者會出個街食個飯咁 , 始終我地兩條友都唔多鐘意人多濟迫的地方 ......



講開聖誕節呢個節日 , 袁太就會陸續收到好多朋友仔的電話或者whatsapp , 想麻煩袁太幫忙整派對小食 , 因為朋友仔家中有小朋友 , 自己又唔係好懂得入廚 , 所以近呢幾年都會叫我幫忙整小食俾小朋友開派對 , 我當然沒有問題呢 , 有人欣賞我煮的食物 , 我開心都黎唔切喇^^ 



第一款為朋友準備的係我同袁生都鐘意的炸物 , 不過我相信炸物冇人不愛 , 無論大朋友 , 小朋友都喜歡 , 只係怕熱氣唔敢食太多 , 呢款薯波好簡單 , 只係加入紫洋蔥同煙肉做配料 , 再沾上麵粉 , 蛋液及麵包糠炸成金黃色 , 袁太平時最愛用呢款麵包糠呢




炸起時熱辣辣脆卜卜 , 真係可以食到唔停口 , 不過剛巧冇芝士碎 , 如果加埋芝士一定仲好味 , 袁太係朋友開派對當日早上先買材料整 , 仲幫佢炸埋 (朋友仔話唔想開鑊炸) , 食前用少少油整番熱就得 , 希望派對的每一位朋友都喜歡呢個炸薯波呢 ^^



材料 : 薯仔 , 紫洋蔥 , 煙肉 , 雞蛋 , 麵粉 , 麵包糠 , 鹽 , 黑胡椒碎




紫洋蔥去衣切粒 , 煙肉切粒 , 同時放入鑊中爆香至洋蔥成微黃色後盛起 , 薯仔去皮切厚片 , 將薯仔放入電蒸鍋內蓋上蓋蒸30分鐘












薯仔蒸30分鐘後放入大碗內 , 加少許鹽及黑胡椒碎調味拌勻壓成蓉 , 將煙肉洋蔥粒加入拌勻靜待20分鐘 , 期間將雞蛋打成蛋液 , 將適量份量的薯蓉搓圓放入器皿內 , 薯波逐一沾上麵粉 >> 蛋液 >> 麵包糠後放上碟 , 再灑上適量的麵包糠 , 蓋上保鮮紙放入冰箱冷藏1小時 

 

























鑊中加入油 , 放入薯波以半煎炸的方式成金黃色即可








材料
薯仔2個 , 紫洋蔥1個 , 煙肉3片 , 雞蛋2隻 , 麵粉 , 麵包糠 , 鹽 , 黑胡椒碎



做法
1. 紫洋蔥去衣切粒 , 煙肉切粒 , 同時放入鑊中爆香至洋蔥成微黃色後盛起 

2. 薯仔去皮切厚片 

3. 將薯仔放入電蒸鍋內蓋上蓋蒸30分鐘 

4. 薯仔蒸30分鐘後放入大碗內 , 加少許鹽及黑胡椒碎調味拌勻壓成蓉 

5. 將煙肉洋蔥粒加入拌勻靜待20分鐘 

6.  期間將雞蛋打成蛋液 

7. 將適量份量的薯蓉搓圓放入器皿內 , 薯波逐一沾上麵粉 >> 蛋液 >> 麵包糠後放上碟 

8. 再灑上適量的麵包糠 , 蓋上保鮮紙放入冰箱冷藏1小時  

9. 鑊中加入油 , 放入薯波以半煎炸的方式成金黃色即可




大大粒的炸薯波 , 剛剛炸起熱辣辣又脆卜卜 , 做派對小食絕對一流 , 無論大人或小朋友都一樣喜歡呢 ^^





20 則留言:

  1. 這個好好味, 佳節愉快. 🎉

    回覆刪除
  2. 夠香口,我一定會不停食

    回覆刪除
  3. 外面脆口,裡面有滑薯蓉,我鐘意沾沙律醬呀

    回覆刪除
  4. 引死人啦~~你太勁,除咗自己整仲可以幫埋朋友手!

    回覆刪除
  5. 脆卜卜好想食呢

    回覆刪除
  6. 好香口呀...PARTY 小食真係一流呀~

    回覆刪除