2018年1月2日 星期二

[惹味湯 / 火鍋湯底] 泰式冬蔭功湯




秋風起除了食臘味 , 火鍋又係時候出場 , 呢幾日天氣又變得有點寒冷 , 又係介紹火鍋湯底的時候 ,  , 雖然現今社會裡面 , 好多人都覺得出外打邊爐好過係屋企打 , 當然呢 , 唔駛煮湯底又唔駛買材料 , 又唔駛洗碗碟 ,  ~哈~ 所以我以前都愛出面打爐架 ......



不過在家食火鍋其實都唔錯 , 可以慢慢食 , 慢慢傾 , 最重要係環境清靜 , 打三,四粒鐘完全冇問題 , 而且在家打邊爐 , 湯底可以隨自己喜愛選擇 , 而袁生為例 , 佢最愛的火鍋湯底首選一定係冬蔭功湯來做火鍋底 , 講開冬蔭功 , 本身我唔太愛 , 可以話唔鐘意飲 , 唔喜愛佢辣辣地又酸酸地的感覺 , 不過用來做火鍋底我又唔會抗拒喎 , 皆因自己煮湯可控制味道 , 袁太就比較喜愛用多些蕃茄 , 令湯味道甜些少 , 稍為可以減少香料的味道 



冬陰功材料在東南亞材料店 , 絕對容易找到




試想想用冬蔭功做火鍋底 , 豚肉呀 ~~~ 響鈴呀 ~~~ 吸收晒冬蔭功的味道 , 真係好鬼正架 , 醬汁都可以不用上埸 , 袁生係火鍋餐開始前已經飲左兩碗湯落肚 , 話驚到時打完邊爐冇得飲呢 ^^ 



材料 : 蕃茄 , 海蝦 , 冬蔭功醬 , 香茅 , 檸檬葉 , 南薑 , 紅辣椒 , 乾蔥頭 , 青檸 , 草菇 , 芫茜 , 魚露 




新鮮海蝦留尾 , 去頭去殼留用 , 蝦頭蝦殼用水沖洗及瀝乾 , 草菇及蕃茄用水沖洗乾淨 , 草菇切片 , 蕃茄切件 , 檸檬葉撕碎 , 南薑切片 , 香茅拍一拍切片 , 辣椒洗淨 , 乾蔥頭去衣切片, 芫茜切碎 , 青檸切半












煲內加入少許油燒熱 , 先爆香蝦殼至轉色後盛起去掉 , 再放入蝦頭爆香至轉色及有香味 , 逐一加入蕃茄 , 草菇片及冬陰功醬拌勻炒數分鐘 , 加入適量熱水 , 乾蔥片 , 南薑片 , 香茅片及辣椒 , 拌一拌勻材料用中火煲滾後 , 蓋上蓋繼續用中火煮15分鐘





















15分鐘將蝦肉加入湯中拌勻 , 蓋上蓋轉慢火煮5分鐘至蝦肉熟透 , 最後加入魚露 , 青檸汁 , 檸檬葉及芫茜碎拌勻熄火 , 蓋上蓋焗10分鐘即可













 
材料
蕃茄3個 , 海蝦1/2斤 , 冬蔭功醬1包 , 香茅2條 , 檸檬葉 , 南薑 , 紅辣椒5條 , 乾蔥頭2個 , 青檸1個 , 草菇4襾 , 芫茜 , 魚露



做法
1. 新鮮海蝦留尾 , 去頭去殼留用 , 蝦頭蝦殼用水沖洗及瀝乾 

2. 草菇及蕃茄用水沖洗乾淨 , 草菇切片 , 蕃茄切件 

3. 檸檬葉撕碎 , 南薑切片 , 香茅拍一拍切片 , 辣椒洗淨 , 乾蔥頭去衣切片

4. 芫茜切碎 , 青檸切半 

5. 煲內加入少許油燒熱 , 先爆香蝦殼至轉色後盛起去掉 

6. 再放入蝦頭爆香至轉色及有香味 , 逐一加入蕃茄 , 草菇片及冬陰功醬拌勻炒數分鐘 

7. 加入適量熱水 , 乾蔥片 , 南薑片 , 香茅片及辣椒 

8. 拌一拌勻材料用中火煲滾後 , 蓋上蓋繼續用中火煮15分鐘

9. 15分鐘將蝦肉加入湯中拌勻 , 蓋上蓋轉慢火煮5分鐘至蝦肉熟透 

10. 最後加入魚露 , 青檸汁 , 檸檬葉及芫茜碎拌勻熄火 , 蓋上蓋焗10分鐘即可 




冬蔭功無論當湯飲或用來做火鍋湯底 , 都同樣美味 , 仲有蝦同草菇食添 , 好滿足呢 ^^






18 則留言:

  1. 好惹味的湯,好吸引。

    回覆刪除
  2. 回覆
    1. 就係因為係街市見鮮蝦靚靚,所以先煮呢個湯呢

      刪除
  3. 之前去泰國學煮過,返嚟都無試過:P

    回覆刪除
  4. 我鐘意呢個湯

    回覆刪除
  5. 肥人同袁太個煲法都係一樣呢...用蝦頭同蝦殼煮湯真係香好多架!

    回覆刪除
    回覆
    1. 蝦頭蝦殼唔好浪費,爆香煮湯一流呢

      刪除
  6. 如果加入青檸汁,會唔會好味dd呢

    回覆刪除