2018年1月22日 星期一

椰香葡國雞肉飯




前幾日執廚房清潔廚房的時候 , 見仲有少少黃薑粉 , 冰箱仲有兩塊雞扒 , 令我即刻有衝動想整葡國雞 , 雖然有雞同黃薑粉 , 但都欠缺其他配料 , 例如洋蔥 , 薯仔 , 甘旬 , 蕃薯 , 椰漿等等 , 拿拿臨走去街市買材料回家 ......



其實平時除喜愛食咖哩雞外 , 葡國雞亦係我同袁生的最愛 , 用葡汁送飯拌意粉都相當美味 , 以往煮葡雞會用樽裝的現成醬 , 雖然味道唔太差 , 但對我來說味道濃左少少 , 又鹹左少少 , 所以今次決定自己整葡汁 , 其實葡汁多數都係用黃薑粉 , 香葉 , 椰漿這類材料 , 味道雖沒有現成醬咁濃郁 , 但勝在味道比較清新 , 反而啱我地口味



屋企附近商場的東南亞材料店有細細包的椰漿賣 , 好鬼方便




單單只係一碟葡國雞 , 袁生都可以食到兩碗飯 , 剩下的汁料放入雪櫃 , 翌日加入豬頸肉再煮 , 配上意粉俾袁生當午餐 , 佢同樣食到 lam lam 脷呢 ^^



材料 : 雞扒 , 洋蔥 , 甘旬(細) , 薯仔 , 蕃薯 , 椰漿 , 黃薑粉 , 香葉 , 薑 , 鹽 , 糖 , 胡椒粉 , 蔥 , 椰絲 , 水




雞扒切大件放入大碗內 , 加入黃薑粉及醃料拌勻靜待1小時 , 期間將洋蔥去衣切塊 , 蔥切段及絲 , 薑去皮蘑成蓉 , 薯仔去皮切件 , 甘旬連皮切件 , 蕃薯去皮切件 , 薯仔及蕃薯用水沖一沖洗及瀝乾 , 雞扒醃1小時後加入薑蓉拌勻靜待10分鐘






















燒紅鑊 , 先爆香甘旬及洋蔥 , 加入雞肉 , 黃薑粉及糖拌勻炒數分鐘至雞肉轉色 , 再加入香葉 , 300ml水份量拌勻用中火煮滾 , 蓋上蓋轉慢火煮15分鐘

















15分鐘後加入薯仔及蕃薯拌勻 , 蓋上蓋繼續用慢火煮5分鐘 , 最後加入蔥段 , 椰絲及椰漿拌勻轉用中火煮滾 , 熄火焗10分鐘 , 上碟時灑上椰絲及放上蔥絲即可


















 

材料 
雞扒2塊 , 洋蔥1個 , 甘旬(細)2條 , 薯仔2個 , 蕃薯2條 , 椰漿 , 黃薑粉 , 香葉 , 薑 , 鹽 , 糖 , 胡椒粉 , 蔥 , 椰絲 , 水300ml

醃料 
鹽 , 糖 , 胡椒粉 , 黃薑粉1茶匙



做法
1. 雞扒切大件放入大碗內 , 加入黃薑粉及醃料拌勻靜待1小時 

2. 期間將洋蔥去衣切塊 , 蔥切段及絲 , 薑去皮蘑成蓉 

3. 薯仔去皮切件 , 甘旬連皮切件 , 蕃薯去皮切件 , 薯仔及蕃薯用水沖一沖洗及瀝乾 

4. 雞扒醃1小時後加入薑蓉拌勻靜待10分鐘

5. 燒紅鑊 , 先爆香甘旬及洋蔥 , 加入雞肉 , 黃薑粉及糖拌勻炒數分鐘至雞肉轉色 

6. 再加入香葉 , 300ml水份量拌勻用中火煮滾 

7. 蓋上蓋轉慢火煮15分鐘

8. 15分鐘後加入薯仔及蕃薯拌勻 , 蓋上蓋繼續用慢火煮5分鐘 

9. 最後加入蔥段 , 椰絲及椰漿拌勻轉用中火煮滾 , 熄火焗10分鐘 

10. 上碟時灑上椰絲及放上蔥絲即可

  


好味的葡國雞用來拌飯拌意粉 , 或者加上芝士碎放入焗爐焗都一樣咁好味道呢 ^^






22 則留言:

  1. 回覆
    1. 自家製仲可以做出自己喜愛的葡汁味道呢

      刪除
  2. 我昨日都係食葡國雞, 不過街食, 你這個多料好多. 😋

    回覆刪除
    回覆
    1. 出面的葡國雞我覺得比較鹹呢

      刪除
  3. 我最近食過一份巴西咖喱餐,都有加椰絲,係香D,好食D架!

    回覆刪除
  4. 袁太真係咩都識自己整呢,讚!

    回覆刪除
    回覆
    1. 唔係架,其實我仲有好多野唔識整,兼整得難食架

      刪除
  5. 呢個葡國雞飯冇得輸,我一個人可以食好多碗飯

    回覆刪除
  6. 袁太每次上傳的食譜都好用心烹調,袁生好幸福

    回覆刪除
  7. 加入椰絲更香濃呢

    回覆刪除