2018年1月25日 星期四

星洲炒米




大家還有印象 , 袁太上年的時候曾經上傳過芙蓉蛋的食譜嗎 ??? 上次的芙蓉蛋餡料袁生還對它念念不忘 , 話想再encore , 話想再食叉燒 , 火腿 , 銀芽 , 蝦仁喎 , 不過上次先整完 , 今次唔整喇 , 不過呢類型的配料都可以用來做其他餸菜 , 小炒或炒粉麵 ......



呢幾個星期袁生又要趕住交圖 , 見佢都好似快要發瘋 , 咁袁太就用袁生話想再encore既叉燒 , 火腿 , 銀芽 , 蝦仁整佢最喜歡的炒粉麵支持下佢 , 等佢放鬆下心情 , 唔好迫得自己太大壓力 , 呢樣最愛的炒粉麵就係~星洲炒米~ , 星洲炒米絕對係佢頭幾位最愛的食物 



不過袁生對星洲炒米絕對有多多的要求


(一) 唔可以炒得咁乾 , 要有少許汁
(二) 一定要有銀芽同青椒(仲要係多多銀芽個隻)
(三) 唔好整咁辣 , 但又唔可以冇味道
(四) 要多多配料 , 唔可以似茶餐廳咁得個DD配料


其實大大話話袁生食過好多茶餐廳的星米 , 冇一間睇得上眼 , 唔係話太乾就話冇味道冇配料 ,袁太一係唔整 , 一整就會接收晒所有要求 , 誓要整一碟袁生只會讚不會彈的星洲炒米呢 ^^



材料 : 叉燒 , 急凍蝦仁 , 銀芽 , 紅椒 , 青椒 , 火腿 , 韭黃 , 洋蔥 , 天鵝牌米粉 , 咖哩粉 , 黃薑粉 , 鹽 , 生粉 , 糖 , 雞粉 , 雞蛋 , 胡椒粉 , 雞蛋白




急凍蝦仁用生粉沖洗兩次 , 用水沖一沖洗及瀝乾水份 , 放入大碗內加入蛋白 , 胡椒粉拌勻 , 放入冰箱冷藏10分鐘 , 銀芽放入煲內 , 加水用中火拌勻煮至滾 , 盛起用水沖一沖洗及瀝乾



















雞蛋打出拌成蛋液備用 , 韭黃切段 , 用水沖一沖洗及瀝乾 , 洋蔥去衣切條 , 青椒 , 紅椒去籽切條 , 叉燒切條 , 火腿切片 , 米粉放入水中拌勻 , 用中火煮至鬆散 , 盛起備用












燒紅鑊 , 將咖哩粉及黃薑粉入鑊中爆香 , 加入米粉拌勻炒至上色 , 盛起備用 , 蛋液放入鑊中用慢火火慢慢煎至兩面金黃色蛋皮 , 盛起待涼切成蛋絲















燒紅鑊 , 先爆香洋蔥 , 青椒 , 紅椒至微軟 , 加入火腿片及叉燒拌勻炒數分鐘 , 再加入銀芽 , 韭黃及蝦仁拌勻炒至蝦仁轉色 , 加入米粉及調味料拌勻用中火炒至汁料開始收乾 , 最後將蛋絲回鑊拌一拌炒即可

























材料 
叉燒1/2條 , 急凍蝦仁1/2磅 , 銀芽 , 紅椒1個 , 青椒1個 , 火腿2片 , 韭黃 , 洋蔥1個 , 天鵝牌米粉2個 , 咖哩粉2茶匙 , 黃薑粉1 1/2茶匙 , 鹽 , 生粉 , 糖 , 雞粉 , 雞蛋2隻 , 胡椒粉 , 雞蛋白1隻

調味料
蠔油 , 生抽 , 糖 , 雞粉 , 水



做法
1. 急凍蝦仁用生粉沖洗兩次 , 用水沖一沖洗及瀝乾水份 , 

2. 放入大碗內加入蛋白 , 胡椒粉拌勻 , 放入冰箱冷藏10分鐘 

3. 銀芽放入煲內 , 加水用中火拌勻煮至滾 , 盛起用水沖一沖洗及瀝乾

4. 雞蛋打出拌成蛋液備用 , 韭黃切段 , 用水沖一沖洗及瀝乾

5. 洋蔥去衣切條 , 青椒 , 紅椒去籽切條 , 叉燒切條 , 火腿切片 

6. 米粉放入水中拌勻 , 用中火煮至鬆散 , 盛起備用

7. 燒紅鑊 , 將咖哩粉及黃薑粉入鑊中爆香 , 加入米粉拌勻炒至上色 , 盛起備用 

8. 蛋液放入鑊中用慢火火慢慢煎至兩面金黃色蛋皮 

9. 盛起待涼切成蛋絲

10. 燒紅鑊 , 先爆香洋蔥 , 青椒 , 紅椒至微軟 

11. 加入火腿片及叉燒拌勻炒數分鐘 , 再加入銀芽 , 韭黃及蝦仁拌勻炒至蝦仁轉色 

12. 加入米粉及調味料拌勻用中火炒至汁料開始收乾 

13. 最後將蛋絲回鑊拌一拌炒即可 




袁太的星洲炒米獲得袁生的高度讚賞 , 仲話味道好味過餐廳喎 , 開心死我呢 ^^





20 則留言:

  1. 夠惹味,好足料,我都會好似袁生咁有讚冇彈

    回覆刪除
  2. 袁太每次的炒粉麵都落足料,出面食唔到架

    回覆刪除
  3. 好味道, 袁太好錫袁生啊!💗

    回覆刪除
    回覆
    1. 其實係唔想俾佢煩,先咩都就佢姐

      刪除
  4. 袁生都好難服侍喎,煮比佢食真係個挑戰呀

    回覆刪除
    回覆
    1. 係架,個麻煩友真係好麻煩架

      刪除
  5. 賣相好得,好惹味

    回覆刪除
  6. 袁生好多要求,不過難唔到袁太既

    回覆刪除