2018年1月4日 星期四

冬瓜薏米菊花茶




袁生前幾日發燒病了 , 佢見一退燒就即刻急急腳出去見客 , 我當然陪佢一齊去呢 , 所以呢幾日都冇咩點煮飯 , 都係簡單買外賣回家做晚餐算了 , 而且最近天氣有點冷  , 凍到呢幾日感覺頭赤赤 , 好似開始又想作病 ......



今日去街市見有靚靚冬瓜 , 就手痕買左一斤咁多多 , 本應想用來配水鴨煲湯 , 但後來醒起廚房好似仲有乾菊花剩 , 就臨時轉煲菊花茶 , 加埋條甘旬煲佢大約1小時後加入冰糖調味就完成



此冬瓜茶可熱飲或凍飲 , 不過我同袁生都比較喜愛凍飲 , 感覺熱飲有點苦澀 , 袁太亦建議可以早晚各一杯 , 千其唔好問我點解 , 不過好似話可以預防感冒喎 , 同埋唔知係咪心理作用 , 早晚各飲一杯 , 感覺早上精神好左 , 夜晚亦訓得好D , 所以閒時就煲呢類有益的水飲下 , 何況出完街 , 回家後飲一杯 , 好過飲冇咩健康可言的紙包飲品或者汽水 , 大家話係咪呢 ???



材料 : 冬瓜 , 乾菊花 , 甘旬 , 冰糖 , 生薏米 , 水




生薏米用水沖一沖洗及瀝乾 , 甘旬洗淨連皮切件 , 冬瓜去籽連皮切件 , 用水沖一沖洗及瀝乾 ,  乾菊花亦用水沖一沖洗及瀝乾











乾菊花放入煲內 , 逐一放入甘旬及薏米 , 加入3500ml水拌勻 , 用中火煲滾後加入冬瓜拌勻 , 繼續用中火煲15分鐘至滾 , 再蓋上蓋轉慢火煲1小時 , 1小時後加入冰糖拌勻 , 轉用中火煲至冰糖完全溶掉 , 熄火30分鐘即可

























 
材料
冬瓜1斤 , 乾菊花$10 , 甘旬2條 , 冰糖 , 生薏米 , 水3500ml



做法
1. 生薏米用水沖一沖洗及瀝乾 , 甘旬洗淨連皮切件 

2. 冬瓜去籽連皮切件 , 用水沖一沖洗及瀝乾 ,  乾菊花亦用水沖一沖洗及瀝乾

3. 乾菊花放入煲內 , 逐一放入甘旬及薏米 , 加入3500ml水拌勻 

4. 用中火煲滾後加入冬瓜拌勻 , 繼續用中火煲15分鐘至滾 

5. 再蓋上蓋轉慢火煲1小時 

6. 1小時後加入冰糖拌勻 , 轉用中火煲至冰糖完全溶掉 , 熄火30分鐘即可 




呢款冬瓜茶煲起熱飲得 , 或待涼入樽雪凍又得 , 都同樣美味呢 ^^






18 則留言:

  1. 呢款冬瓜茶可以清熱,若果女士生理周期時,最好都係唔好飲,凍飲都應該介下。

    回覆刪除
  2. 最近天氣急降溫度,小心著涼

    回覆刪除
  3. 自製菊花茶夠足料,好清熱

    回覆刪除
  4. 菊花我唔太喜歡

    回覆刪除