2018年2月15日 星期四

[2018賀年糕點] 桂花馬蹄糕




明天就係大年初一 , 唔知大家整晒d賀年糕點未呢 ??? 袁太到而家都仲係度努力緊 , 真係好攰 , 成身散晒 , 回想十幾廿年前婆婆在世的時候 , 整成三十幾四十底都毫不說辛苦 , 兒時我只懂得食 , 完全唔知婆婆原來整得咁辛苦呢 ......



袁太媽咪今年話負責整蘿蔔糕 , 芋頭糕就例牌冇人食 , 可以省略 , 咁其餘的糕點就等袁太負責 , 其實所謂的糕點係大家都食既就只有椰汁年糕 , 奶皇年糕同馬蹄糕 , 椰汁年糕就昨日已經同大家分享有關食譜喇 , 今日就輪到佢 ~馬蹄糕~ , 馬蹄糕袁太一次都未整過 , 只會出外買 , 不過街買既真係得個少少馬蹄 , 我本人非常喜愛食馬蹄 , 所以自家製一定要多多馬蹄



整整下先發覺 , 原來馬蹄糕非常容易整 , 唔駛一粒鐘就攪掂 , 不過要入雪櫃放一晚 , 等糕點變得實的時候先切再煎就得 , 呢個馬蹄糕甜度適中 , 夠彈牙 , 又煙煙un un , 最重要係有多多馬蹄粒 , 煎好上碟時再灑上糖桂花 , 賣相變得靚靚呢 ^^



材料 : 馬蹄 , 白砂糖 , 馬蹄粉 , 片糖 , 油 , 生粉 , 水 , 錫紙 , 掃 , 刮刀 , 隔篩




馬蹄去皮用水沖一沖洗乾淨及瀝乾 , 將馬蹄拍碎 , 馬蹄粉及生粉放入大碗內 , 先加入300ml水拌勻 , 用隔篩過去多餘粉粒 , 加2湯匙油拌勻備用















白砂糖 , 片糖放入煲內 , 加入300ml水用慢火慢慢煮至片糖溶掉 , 加入馬蹄及馬蹄粒混合物 , 繼續用慢火快手拌勻以免結塊 , 拌勻成幼滑麵糊 , 將糕盤掃上少許油 , 倒入麵糊 , 用刮刀抨平 , 用錫紙封口 



















放入電蒸鍋內蓋上蓋蒸35分鐘 , 取出去錫紙待涼放入雪櫃靜待一晚(一晚後會變得硬身) , 翌日將馬蹄糕切片 , 放入鑊中加少許油用慢火煎香即可 













材料
馬蹄10粒 , 白砂糖50g , 馬蹄粉100g , 片糖50g , 油 , 生粉2茶匙 , 水600ml , 錫紙 , 掃 , 刮刀 , 隔篩



做法
1. 馬蹄去皮用水沖一沖洗乾淨及瀝乾 , 將馬蹄拍碎 

2. 馬蹄粉及生粉放入大碗內 , 先加入300ml水拌勻 

3. 用隔篩過去多餘粉粒 , 加2湯匙油拌勻備用 

4. 白砂糖 , 片糖放入煲內 , 加入300ml水用慢火慢慢煮至片糖溶掉 

5. 加入馬蹄及馬蹄粒混合物 , 繼續用慢火快手拌勻以免結塊 , 拌勻成幼滑麵糊 

6. 將糕盤掃上少許油 , 倒入麵糊 , 用刮刀抨平 

7. 用錫紙封口 

8. 放入電蒸鍋內蓋上蓋蒸35分鐘 

9. 取出去錫紙待涼放入雪櫃靜待一晚(一晚後會變得硬身) 

10. 翌日將馬蹄糕切片 , 放入鑊中加少許油用慢火煎香即可 
 



第一次整馬蹄糕的袁太覺得好開心 , 因成功之餘又美味 , 平時唔食馬蹄糕的袁生都讚不絕口呢 ^^





22 則留言:

  1. 我要金條呀!
    祝狗年行大運,身體健康,心想事成,萬事如意。

    回覆刪除
    回覆
    1. 祝samwei一家身體健康,心想事成

      刪除
  2. 恭喜發財!身體健康!萬事勝意!心想事成!

    回覆刪除
    回覆
    1. 祝妳們一家身體健康,小朋友聽聽話話,心想事成

      刪除
  3. 好靚、好意頭!
    祝你新一年繼續開心密密煮,身體健康^^

    回覆刪除
    回覆
    1. 祝艾華斯一家身體健康,心想事成,新一年艾華斯繼續搓多D包包同大家分享

      刪除
  4. 祝袁生袁太身體健康,心想事成

    回覆刪除
  5. 金金黃黃的馬蹄糕,加左桂花好靚呀

    回覆刪除
  6. 馬蹄糕呀馬蹄糕呀, 肥人最愛!

    肥人祝袁太新一年快快樂樂, 身體健康!

    回覆刪除
    回覆
    1. 祝大肥人一家身體健康,心想事成,同老公繼續甜甜蜜蜜

      刪除
  7. 整得好靚的馬蹄糕

    回覆刪除
  8. 金金黃黃的馬蹄糕,加左桂花靚好多

    回覆刪除
    回覆
    1. 而且加左桂花甜甜地,好味好多呢

      刪除