2018年2月17日 星期六

[2018賀年炸物] 笑口棗





咁多位恭喜發財 , 今日係年初二 , 袁太都未同大家拜年添 , 袁生袁太祝大家身體健康 , 心想事成 , 狗年行大運 , 無論打工或做生意的朋友們 , 今年都搵多d錢同賺多d錢 , 亦希望袁生今年畫圖生意繼續賺多d , 繼續養到我肥肥白白 ......



今日繼續上傳賀年食譜 , 賀年炸物裡面,  袁太最喜歡就係笑口棗同角仔 , 角仔我習慣出外買 , 因又要預備餡料 , 又要搓皮 , 又要包 , 最大問題係袁太從未整過角仔 , 費時整得唔好又俾袁生鬧浪費食材 , 所以都係出去買較為保險 , 既然唔整角仔 , 咁就整笑口棗喇 , 笑口棗相對比較容易整 , 搓下粉團再搓圓 , 沾下白芝麻拎去炸就得 , 好鬼簡單 , 袁太今次一炸就炸左好多 , 不過食下一粒 , 食下又一粒 , 其實都好快已經清晒呢 ^^



材料 : 麵粉 , 泡打粉 , 雞蛋 , 白芝麻 , 水 , 砂糖 , 油




麵粉及泡打粉篩入大碗內備用 , 雞蛋打出 , 加入砂糖及油拌勻 , 倒入麵粉內 , 再加入100ml水 , 用刮刀拌成粉糰 , 用手慢慢將粉糰搓成光滑麵糰 , 將麵糰放入碗內 , 蓋上保鮮紙靜待15分鐘 





















將麵糰搓成長條型再切件 , 用手搓成圓形 , 將每粒沾少許水再沾上白芝麻 , 煲內加油燒熱 , 放入材料用慢火慢慢炸 , 炸至爆開及成金黃色後盛起 , 瀝乾油份即可














 
材料
麵粉200g , 泡打粉0.5茶匙 , 雞蛋1隻 , 白芝麻 , 水100ml , 砂糖80g , 油



做法
1. 麵粉及泡打粉篩入大碗內備用 

2. 雞蛋打出 , 加入砂糖及油拌勻 , 倒入麵粉內 , 再加入100ml水 , 用刮刀拌成粉糰 

3. 用手慢慢將粉糰搓成光滑麵糰

4. 將麵糰放入碗內 , 蓋上保鮮紙靜待15分鐘  

5. 將麵糰搓成長條型再切件 , 用手搓成圓形 , 將每粒沾少許水再沾上白芝麻 

6. 煲內加油燒熱 , 放入材料用慢火慢慢炸 , 炸至爆開及成金黃色後盛起 

7. 瀝乾油份即可





細細粒的笑口棗 , 一口一粒 , 夠脆口 , 夠鬆化 , 好味道 , 祝大家成年都笑口常開呢 ^^









食唔晒放入玻璃樽封口保存 , 就唔驚會變得唔脆呢 ^^




28 則留言:

  1. 每粒都炸得好靚,金金黃黃好意頭

    回覆刪除
  2. 狗年進步~開開心心~
    食完呢個棗~日日開心笑~!

    回覆刪除
  3. 新春愉快,炸得好靚呀!

    回覆刪除
  4. Elaine:送鶏迎狗,祝闔府:迎春接福!身體健康!事事順意!四季平安!恭喜!恭喜!

    回覆刪除
    回覆
    1. 祝小月一家身體健康,心想事成

      刪除
  5. 袁生袁太身體健康,心想事成

    回覆刪除
  6. 日日都好似個笑口棗咁笑口常開

    回覆刪除
  7. 一啖一粒,而且炸得好靚

    回覆刪除
  8. 個個都好靚仔啊, 祝笑口常開, 日日開心. 😊

    回覆刪除
  9. 我都炸過,真係算易整同埋好容易忍唔住口係咁食XDD

    回覆刪除
  10. 雖然遲左,祝袁生袁太身體健康,開開心心,萬事如意

    回覆刪除
    回覆
    1. 祝eva一家身體健康,心想事成

      刪除
  11. 睇來笑口棗唔難整,下年新年要試做

    回覆刪除